[1]

#بافڵ تاڵەبانی# سەرۆکی #یەکێتیی نیشتمانیی کوردستان# بەبۆنەی هاتنی جەژنی قوربانەوە پەیامێکی پیرۆزبایی ئاڕاستەی موسڵمانانی کوردستان، عیراق و جیهان کردلە پەیامەکەدا سەرۆک بافڵ هیوای خواست ئەم جەژنە پیرۆزە ئاشتی و کامەرانی لەگەڵ خۆیدا بهێنێت و سەرەتایەک بێت بۆ کۆتاییهاتنی ناکۆکییەکان و دەستپێکی قۆناغێکی نوێی تەبایی و برایەتی بێت. جەختیشیکردەوە، پێکەوە لە چوارچێوەی کوردستانێکی فرەڕەنگ و دەوڵەمەند بە یەکترقبووڵکردن و ڕێزگرتن لەجیاوازییەکان، ژیانێکی ئارام و دوور لە توندوتیژی و توندڕەوی بەسەربەرین. تەئکیدیشیکردەوە، نابێت ڕێگەبدەین بیری توندڕەوی جێگەی میانڕەوی بگرێتەوە و پێویستە کەلتووری خۆشەویستی و ژیاندۆستی بەسەر کۆمەڵگەکەماندا زاڵبکەین. لە پەیامەکەدا سەرۆک بافڵ وتیشی، لە ڕووە سیاسییەکەشەوە جەژن بکەینە بنەمایەک بۆ تێپەڕاندنی ئاڵنگارییەکان و مژدەی یەکڕیزییەکی هەمیشەیی لە ناوخۆ و دەرەوە بە خەڵکە خۆشەویستەکەمان بدەین، کە ئەمەش تەنیا ڕێگەیە بۆ بەهێزترکردنی کوردستانەکەمان و پارێزگاریکردن لە بەرژەوەندییە نیشتمانی و نەتەوەییەکان. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

جەژنی قوربان لەگەلەکەمان، لە نەوە تازەکانی کوردەواری بە کچان و کورانییەوە پیرۆز بێت.
پیرۆز بێت لە دایکی شەهیدان و کەسوکار و یادگارە شیرینەکانیان پیرۆز بێت
لە پێشمەرگە قارەمانەکان، بە دێرین و تازەیانەوە،
لە سەرجەم تێکۆشەرانی یەکێتیی، بەتایبەتی پێشمەرگەکانی قەڵەم و کاغەز و کیبۆرد و میدیای نوێ لە ڕاگەیاندنی یەکێتیی و سەرجەم خەباتگێڕانی دیموکراتی و کوردایەتی پیرۆز بێت.
جەژنی قوربان لە هەموو دۆستانی گەلەکەمان و لە هەموو موسڵمانانی عێراق پیرۆز بێت.
جەژنی گەردەن ئازادی و ئاشتی و پێکەوەیی و جەژنی گوزەرانی باش و هەرزانی لە هەموان پیرۆز بێت.
پێکمانەوە بێت لە خزمەتی جەماوەری گەلەکەمان و بزووتنەوە ڕەواکەی. [1]

#ستران عەبدوڵڵا#
ئەندامی مەکتەبی سیاسیی و لێپرسراوی مەکتەبی ڕاگەیاندنی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی جەژنی پیرۆزی قوربان، گەرمترین پیرۆزبایی ئاراستەی موسڵمانانی هەرێمی کوردستان و عێراق و جیهان دەکەم ، بە تایبەتی پێشمەرگە قارەمانەکان و هێزەکانی ئاسایشی ناوخۆ و کەسوکار و بنەماڵەی سەربەرزی شەهیدان و ئەنفالکراوان. ئومێدەوارم لە کەشێکی ئارام و شادیدا، ڕۆژانی جەژن و پشوو بەسەر ببەن.
بەو هیوایەی جەژن ببێتە مایەی تەبایی و لێبوردەیی و خێر و خۆشی و پێشکەوتنی زیاتری نیشتمانەکەمان و دەستەبەربوونی ئاشتی و سەقامگیریی لە ناوچەکە و جیهان بە گشتی.
جەژنتان پیرۆز بێت و خوای مەزن کوردستان بپارێزێت. [1]

#مەسرور بارزانی#
سەرۆکی حکومەتی هەرێمی کوردستان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

جەژنی قوربانی پیرۆز لە هەموو موسوڵمانانی جیهان و کوردستان بەتایبەت پیرۆز بێت. دڵمان لای حاجییانە پاش بەجێهێنانی ئەرکەکانی حەج بە سەلامەتى بگەڕێنەوە بۆ ناو ئازیزانی خۆیان.
ئیسلام ئایین و شارستانیەتیشە و یەکێک لە جوانییەکانی کۆمەڵگای کوردی کە زۆرینەی ئەم باوەڕ و ڕێبازەی قبووڵ کردووە گیانە میانڕەوی و کراوەییەکەی بووە لەگەڵ ئایین و بیروباوەڕەکانی دیکە. جێگای داخی زۆرە بەم دواییانە پێچەوانەی ئەو ڕەوتە مێژووییە ئاییندارییەی وڵاتەکەمان، لێرە و لەوێ هەواڵ و ڕووداو و کارەساتی ناخۆش و نامۆ بەکۆمەڵگاکەمان بەئاگامان دەهێننەوە و پێمان دەڵێن کە پێویستە بە هەموومان و هەریەک لای خۆیەوە هۆکارەکانی لە بنەڕەتەوە چارەسەر بکەین.

پێویستە ئیلهام لە جەژن وەرگرین بۆ لێبوردەیی و ئاشتەوایی و زاڵکردنی گیانی یەکتر قبووڵکردن و ئەوەی ئێمەی کورد پێی دەڵێن «گەردن ئازادی».
جەژنی هەموو لایەک پیرۆز و حەجی حاجییان قبووڵ بێت و ساڵانی تر بە خۆشی و شادی زیاترەوە بگەڕێتەوە ناومان. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە گەرمی جەژنی قوربان لە تەواوی موسڵمانان لە کوردستان، عێراق و جیهان پیرۆز دەکەم. هیوادارم هەمووان جەژن و پشوویەکی خۆش و ئارام و ئاسوودە بەسەر بەرن.
با هەموومان پەیام و ماناکانی جەژن لە گەردن ئازادی و پێکهاتنەوە و ئاشتەوایی، بکەینە دەرفەتێکی تازەی نوێکردنەوەی پەیوەندیمان و لاپەڕەیەکی تازە لەگەڵ یەکتردا بکەینەوە.

گەلی کوردستان لە هەموو شتێک زیاتر چاوەڕوانیی ئەوەی لە هێز و لایەنە سیاسییەکان هە‌یە جەژن بکەنە دەرفەتی یەکڕیزی و تەبایی و پێکەوەیی، تا هەموومان پێکەوە بتوانین بەره و داهاتوویەکی باشتر هەنگاو بنێین. با هەموو لایەک بەپیر ئه و چاوەڕوانییەوە بچین.
جەژنی هەمووتان پیرۆز بێت، هەموو ساڵێک بە خۆشی. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#هێرۆ ئیبراهیم ئەحمەد# ئەندامی ئەنجومەنی باڵای سیاسی و بەرژەوەندی ی.ن.ک پەیامێکی پیرۆزبایی بەبۆنەی جەژنی قوربانی پیرۆزەوە بڵاوکردەوە.

=KTML_Bold=دەقی پەیامەکە....=KTML_End=
بەبۆنەی هاتنەوەی جەژنی قوربانی پیرۆز، گەرمترین پیرۆزبایی ئاڕاستەی کەسوکاری سەربەرزی شەهیدان و پێشمەرگە و تێکۆشەران و کۆمەڵانی خەڵکی کوردستان و تەواوی موسوڵمانان دەکەم.
هیواخوازم پەروەرگارئەم جەژنە بکاتە هەوێنی تەبایی و یەکڕیزی ماڵی کورد، هەروەها سەرەتایەک بێت بۆ خۆشگوزەرانی و بەختەوەری خەڵک.
دووبارە جەژنتان پیرۆز و هەموو ڕۆژێکتان جەژن و شادی بێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی هاتنەوەی جەژنی قوربان، #مەسعود بارزانی# پەیامێکی پیرۆزبایی بڵاوکردەوە، تێیدا دەڵێت: پیرۆزبایی لە خانەوادەی سەربەرزی شەهیدان و پێشمەرگە قارەمانەکان و سەرجەم هاووڵاتیانی خۆشەویستی کوردستان دەکەم.
هەروەها لە پەیامەکەی سەرۆک بارزانیدا هاتووە: لەم بۆنە پیرۆزەدا لە خودای مەزن داواکارم خێر و بەرەکەت و سەلامەتی بۆ هەموو خەڵکی کوردستان بەدی بهێنێت.

=KTML_Bold=دەقی پەیامەکەی مەسعود بارزانی:=KTML_End=
پەیامی سەرۆک بارزانی بەبۆنەی جەژنی پیرۆزی قوربان
بەناوی خودای بەخشندە و میهرەبان

بە بۆنەی هاتنەوەی جەژنی پیرۆزی قوربانەوە پیرۆزبایی خۆم ئاراستەی هەموو موسڵمانانی کوردستان و عێراق و جیهان دەکەم. پیرۆزبایی لە خانەوادەی سەربەرزی شەهیدان و پێشمەرگە قارەمانەکان و سەرجەم هاووڵاتیانی خۆشەویستی کوردستان دەکەم.
لەم بۆنە پیرۆزەدا لە خودای مەزن داواکارم خێر و بەرەکەت و سەلامەتی بۆ هەموو خەڵکی کوردستان بەدی بهێنێت. هیوادارم ئەو بۆنە پیرۆزە ببێتە هۆی سەقامگیری و تەبایی لە ناوچەکەمان و سەرانسەری جیهان.
جەژنتان پیرۆز بێت و هەر لە خۆشیدا بن. [1]

مەسعود بارزانی
#27-06-2023#
=KTML_UnderLine=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

هاتنەوەی جەژنی قوربانی پیرۆز لە سەرجەم موسڵمانانی جیهان بەگشتی و کوردستان بە تایبەتی پیرۆز دەکەم، هیواخوازم ئەم جەژنە ببێتە مایەی خۆشی و شادی بۆ گەلەکەمان، خوای گەورە حەجی حاجیانمان قبوڵ بکات و بە سەلامەتی بگەڕێنەوە ناومان.
لای گەلی کوردستان هەمیشە جەژن و بۆنەکان مایەی لێخۆشبوون و برەودانە بە پەیوەندییەکان و کۆتایی هێنانە بە ناخۆشی، ئومێد دەکەم ئەمساڵ هەموومان پێکەوە بەگیانی هەست کردن بە بەرپرسیاریەتی لەئاست داوا رەواکانی گەلەکەمان کۆتایی بە ململانێکان بهێنین و لاپەڕەیەکی تازە لە پەیوەندی نێوان لایەنەکان هەڵبدەینەوە.
دووبارە جەژنی قوربان لە کەسوکاری سەربەرزی شەهیدان و پێشمەرگە قارەمانەکان و سەرجەم تێکۆشەرانی گەلەکەمان و کوردستانیان پیرۆز دەکەم. [1]

#دەرباز کۆسرەت ڕەسوڵ#
کارگێڕی مەکتەبی سیاسی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆک کۆمار دکتۆر #لەتیف ڕەشید# و سەرۆک کۆماری عەرەبی میسر عەبدولفەتاح سیسی بەبۆنەی جەژنی قوربانەوە پیرۆزباییان لەیەکتر کرد.
لە میانی پەیوەندییەکی تەلەفۆنی نێوان هەردوو سەرۆک، ئەمڕۆ سێشەممە ڕێکەوتی #27-06-2023#، سەرۆک کۆمار پیرۆزبایی لەسەرۆک سیسی کرد و هیوای پێشکەوتن و خۆشگوزەرانی زیاتری بۆ گەلی میسری برا خواست.
لە بەرامبەردا سەرۆک کۆماری میسریش بەبۆنەی جەژنی قوربانەوە پیرۆزبایی لە سەرۆک کۆمار کرد و هیوای سەقامگیری ئاسایش و پێشکەوتنی زیاتری بۆ گەلی عیراقی خواست.
هەر لە میانەی پەیوەندییە تەلەفۆنییەکەدا باس لە پەرەپێدانی پەیوەندییەکان و فراوانکردنی ئاسۆی هاریکارییەکانی نێوان هەردوو وڵاتی برا کرا بە شێوەیەک کە خزمەت بە سەقامگیری و پێشکەوتنی ناوچەکە بکات. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=