$باکووری کوردستان$
- لە ئەشکەوتی لادێی گولبیش لە گوندی ئاکیۆڵ لە ناوچەی کەربۆرانی #مێردین# ژمارەیەکی زۆر ئێسک و پروسکی مرۆڤ دۆزرایەوە. بەپێی زانیارییە سەرەتاییەکان مەزەندە دەکرێت ئێسک و پروسکەکان هی ئەو کەسانە بن، کە لە ساڵانی 1990کاندا لەلایەن دەزگای هەواڵگریی جەندرمە و بەرەنگاربوونەوەی تیرۆر (ژیتەم - JÎTEM) ڕفێنراون و دواتر کۆمەڵکوژکراون.[1](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/382147/0006.JPG=KTML_ImageCaption_Title=هاوسەرۆکانی هەدەپەی ئێلح دەستبەسەرکران=KTML_ImageCaption_CaptionStyle=000000=KTML_ImageCaption_Caption=هاوسەرۆکانی هەدەپەی ئێلح دەستبەسەرکران=KTML_ImageCaption_End=
- شەوی ڕابردوو، هێزەکانی پۆلیسی دەوڵەتی تورک هەڵیانکوتایە سەر بارەگای #هەدەپە# لە #ئێلح# و عومەر کوتلو و فاتمە ئالبای هاوسەرۆکانی هەدەپەی ئێلحیان دەستگیرکرد.[1]
- شەوی ڕابردوو، لە گەڕەکی مورادییەی سەربە شارۆچکەی ڕەزانی #ئامەد#، کەسانێک کە هێشتا ناسنامەیان دەستنیشان نەکراوە، هەڵیانکوتایە سەر ماڵێک و ژنێکیان کوشت.[2]
- قەیومەکەی ئاکەپە لە #سێرت# کتێبخانەی جەلادەت عەلی بەدرخانی ڕووخاند.[1](بڕوانە فایلی پەیوەندیدار)
$رۆژهەڵاتی کوردستان$
- لە ڕۆژهەڵاتی کوردستان حەوت هاونیشتمانیی دیکە کە تووشبووی ڤایرۆسی کۆرۆنا بوون، گیانیان لەدەستدا و لە ماوەی 24 کاژێردا تووشبوونی 548 کەس بە ڤایرۆسەکە ڕاگەیێندرا.[2]
$باشووری کوردستان$
- فڕۆکەکانی تورکیا چیای لیەکێتیی نیشتمانیی کوردستانیان لە سنووری شارۆچکەی #دێرەلووک# بۆردوومان کرد و دوو کەس کوژراون. ئەو دوو کەسەی کوژراون، ناویان سەید جەلال نورەدین، تەمەن 60 ساڵ و ئەحمەد جەلال تەمەن 30 ساڵە، کوڕ و باوکن و خەڵکی دەڤەری نێروەیین.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/382147/0009.JPG=KTML_ImageCaption_Title=ئەو باوک و کوڕەی کە فرۆکەکانی تورک کۆمەڵکوژی کردن=KTML_ImageCaption_CaptionStyle=000000=KTML_ImageCaption_Caption=ئەو باوک و کوڕەی کە فرۆکەکانی تورک کۆمەڵکوژی کردن=KTML_ImageCaption_End=
- لە شاری #سلێمانی# کەسێکی تووشبووی ڤایرۆسی کۆرۆنا کە لە ژێر چاودێری پزیشکدابوو و تەمەنی 37 ساڵە، گیانی لەدەستدا.[3](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، چوار تووشبووی دیکەی ڤایرۆسی کۆڕۆنای نوێ COVID-19 لە پارێزگای #دهۆک# دەستنیشانکران، دوو پیاو تەمەن 42 و 22 ساڵ و دوو ئافرەت تەمەن 60 و 31 ساڵ.[3]
- لە بەردەوامی پشکنینەکان و گەڕان بەدوای گومانلێکراوان و تووشبووان، سێ تووشبووی دیکەی ڤایرۆسی کۆرۆنای نوێ COVID-19 لە پارێزگای #هەولێر# دەستنیشانکران، هەرسێکیان پیاون تەمەن 23 و 22 و 21 ساڵ، پێشینەی گەشتیان هەبووە لە وڵاتی هەنگاریا گەڕاینەوە و لە کەرەنتین بوون.[3]
- لە بەردەوامی پشکنینەکان و گەڕان بەدوای گومانلێکراوان و تووشبووان، تووشبووێکی ڤایرۆسی کۆقۆنای نوێ COVID-19 لە ئیدارەی #گەرمیان# سەر بە پارێزگای سلێمانی دەستنیشانکرا، ئافرەتێکی تەمەن 63 ساڵە، نیشانەی نەخۆشیەکەی هەیە و پشکنینی پۆزەتیڤ دەرچووە، دانیشتووی گەڕەکی ئازادیە لە شارۆچکەی #کفری#.[3](بڕوانە فایلی پەیوەندیدار)
- لە بەردەوامی پشکنینەکان و گەڕان بەدوای گومانلێکراوان و تووشبووان، بیست و سێ تووشبووی دیکەی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکران، چواردە پیاو و هەشت ئافرەت و کچێکی گەنج.[3](بڕوانە فایلی پەیوەندیدار)
- تووشبوویێکی کۆرۆنا لە #کەرکووک# گیانی لەدەستدا، کە لە نەخۆشخانە لە کەرەنتین بوو.[6]
- #شاسوار عەبدولواحید#، سەرۆکی جوڵانەوەی #نەوەی نوێ# ڕایگەیاند: هەفتەی داهاتو خۆپیشاندانی سەرتاسەریی دەست پێدەکات و دەیکەینە هەفتەی ڕوخانی ئەم دەسەڵاتە.[5](بڕوانە بابەتی پەیوەستکراو)
- یاسین قادر، سەرۆکی یەکێتی گشتی جووتیارانی کوردستان ئاشکرای کرد، تا ئێستا زیاتر لە 2 هەزار دۆنم دانەوێڵەی جووتیارانی کورد لە ناوچە کوردستانییەکانی دەرەوەی ئیدارەی هەرێمی کوردستان سووتێندراون و داواش دەکات، سوپای عێراق بە هاوبەشی لەگەڵ هێزەکانی پێشمەرگە ئەرکی پاراستنی ئه و ناوچانە لە ئەستۆ بگرن.[6]
- 400 ملیار دینارەکەی بەغدا بۆ مووچەی فەرمانبەران و خانەنشینان گەیشتە هەرێمی کوردستان.[3]
- بەشی پەیوەندییە گشتییەکان و ڕاگەیاندنی فڕۆکەخانەی نێودەوڵەتیی سلێمانیرایگەیاند، دەسەڵاتی فڕۆکەوانی شارستانیی عێراقی ماوەی ڕاگرتنی گەشتە ئاسمانییەکانی لە سەرجەم فڕۆکەخانەکانی عێراق تاوەکو 06-06-2020 درێژکردەوە.[2]
$رۆژئاوای کوردستان$
- دەروازەی سنووری #سێمێلکا#، بەڕووی ڕۆژئاوادا کرایەوە پاش ئەوەی بەهۆی مەترسی بڵاوبونەوەی ڤایرۆسی کۆرۆناوە بۆ ماوەی 75 ڕۆژ داخرابوو.[4]
$دەرەوەی کوردستان$
- لیژنەی باڵای تەندروستی و سەلامەتیی نیشتمانی لە عێراق بۆ بەرەنگاربوونەوەی پەتای کۆرۆنا قەدەخەی هاتووچۆی لە هەموو پارێزگاکانی عێراق بۆ ماوەی هەفتەیەک ڕاگەیاند.[2]
- بەبڕیاری ئەنجوومەنی وەزیرانی ئێران، تاوەکو کۆتایی ساڵی کۆچی هەتاوی لە ئێران، ترانزێتی بەنزین و بەرهەمە نەوتییەکان لەخاکی ئەو وڵاتەوە بۆ وڵاتانی دراوسێی بەتایبەتی هەرێمی کوردستان قەدەغەکرا.[2]
- وەزارەتی تەندروستیی عێراق ڕایگەیاند، لە ماوەی 24 کاژێری ڕابردوودا 306 تووشبووی دیکەی کۆرۆنا تۆمارکراون و 10 کەسی دیکەش گیانیان لەدەستداوە.[2]