ئەمشەو 30 ی ئۆکتۆبەری 2021 لە ئەنجامی پەلامارێکی ترسنۆکانەی تاریک پەرستان و تیرۆریستانی #داعش# بۆ سەر سەنگەرەکانی لیوای 10ی پیادە لەسنووری شارۆچکەی پردێ، لەساتی ڕاوەدوونان و بەرپەرچدانەوەی ئەو تیرۆریستانە، دوو پێشمەرگەی نەبەرد و ئازای سەر بە لیوای 10ی پیادە #وەزارەتی پێشمەرگە# بە ناوەکانی (خالید حەمید هەیاس، ئاکۆ کەریم قادر) شەهید بوون.
پرسە و سەرخۆشیی خۆمان ئاراستەی خانەوادەو کەسوکاری سەربەرزی شەهیدان دەکەین و هاوخەمی و هاوسۆزی خۆمان بۆ خانەوادەو هاوسەنگەرانی دووپاتدەکەینەوە.
بەخەڵکی کوردستان ڕادەگەیێنین، وەک هەمیشە هێزی گیانفیدای پێشمەرگە لە ئامادەسازی و ئامادەباشی تەواودایە بۆ بەرگریکردن لەخاک و خەڵکی کوردستان.
لەکاتێکدا، چەندین جار هۆشداریمان داوە لەسەر خۆڕێکخستنەوەی شانە نوستوەکانی داعش و سەرهەڵدانەوەیان، بەم کارە چەپەڵ و ترسنۆکانەشیان ناگەنە هیچ ئامانجێک و بەبازووی هێزی پێشمەرگە ئەفسانەی سەرهەڵدانەوەشیان پووچەڵدەکەینەوە، ئەمەش بە هاوکاری و هەماهەنگی لەگەڵ هێزەکانی ئاسایشی ناوخۆ و سوپای عیراق و هێزەکانی هاوپەیمانی نێوەدەوڵەتی دژ بەداعش.
نەمری بۆ شەهیدان
سەربەرزی بۆ خانەوادەکانیان
وەزارەتی پێشمەرگەی حکومەتی هەرێمی کوردستان
30ی 10ی 2021
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,148 car hatiye dîtin
Raya xwe li ser vî babetî binivîsin!