$باکووری کوردستان$
- بەپێی سەرچاوە هەرێمییەکان گەریلاکانی هێزەکانی پاراستنی گەل (#هەپەگە#) و یەکینەی ژنانی ئازاد (یەژاستار - YJA-STAR) لە شاخی عەلی شێر لەناوچەی گەڤەر لە پارێزگای جۆلەمێرگ لە سەربازانی سوپای تورکی داگیرکەریان دا و بەو هۆیەوە 5 سەرباز کوژران.[4]
$رۆژهەڵاتی کوردستان$
- بنکەی فەرهەنگی و ئەدەبی ڕووناک لە شاری #پیرانشار# شەوە شێعرێکی بۆ شاعیران و هۆگرانی شێعر و ئەدەبی کوردی بەڕێوە برد. لەم شەوە شێعرەدا کە کاتژمێر 4ی ئێوارە دەستی پێکرد، 33 شاعێر بەشدار بوون کە تێیدا زیاتر لە 50 شێعریان خوێندەوە؛ ئەم شەوە شێعرە زیاتر لە 4 کاتژمێری خایاند. شاعیرانی بەشداربووی ئەم شەوە شێعرە خەڵکی شارەکانی #سەردەشت#، #بانە#، #مەهاباد#، #بۆکان#، #سەقز#، #نەغەدە# و #شنۆ# بوون.[6]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156699/0006.JPG=KTML_ImageCaption_Title=شەوە شێعرێک لە شاری پیرانشار بەڕێوەچوو=KTML_ImageCaption_CaptionStyle=000000=KTML_ImageCaption_Caption=شەوە شێعرێک لە شاری پیرانشار بەڕێوەچوو=KTML_ImageCaption_End=
- کۆڕی ناساندن و تاوتوێکردنی گۆڤاری زانستیی هۆژین لە کافە کتێبی ئەندێشە (پیرانشار)، بە بەشداریی ستافی بەڕێوەبەرایەتی بنکەی زانستی-فەرهەنگی هۆژان، سەرنووسەر، بەرپرسان و کۆمەڵێک لە ئەندامانی دەستەی نووسەرانی گۆڤاری هۆژین بەڕێوە چوو.[6]
- #کۆڵبەر#ێکی کورد به ناوی جبرەئیل ئەحمەدی خەڵکی ناوچەی سۆمای #ورمێ# لە ئاکامی تەقەی هێزە ئینتیزامییەکاندا له ڕێگای گەیشتن به هەشتیان، شانی بریندار بوو.[6]
$باشووری کوردستان$
- فیدراسیۆنی پەنابەران ڕایدەگەیەنێت، سەعات 6:00ی بەرەبەیانی ئەمڕۆ لەسەر ئەرکی #قوباد تاڵەبانی# تەرمی منداڵێکی پەنابەری تەمەن 3 ساڵ بە ناوی ئەحمەد عەبدولڕەحمان کە بە ڕووداوی هاتووچۆ گیانی لەدەستدابوو، لە یۆنانەوە گەڕێنرایەوە هەرێم.[1]
- کەشناسی و بوومەلەرزەزانی هەرێم ڕایدەگەیەنێت: بەیانی ئەمڕۆ بوومەلەرزەیەک بە قوڵایی 10 کم لە شاری #خانەقین#ی داوە.[2]
- فیدراسیۆنی زیندانیانی سیاسی کورستان ڕایگەیاند، داخستنی بارەگاکانی #تەڤگەری ئازادیی کۆمەڵگەی کوردستان# خزمەت بە داگیرکەرانی کوردستان دەکات.[3]
- #کەجەکە# ڕایگەیاند، بارەگاکانی تەڤگەری ئازادی لە ژێر گوشاری دەوڵەتی تورک دا داخراون. ڕاشیگەیاند هۆکارەکانی دامەزراندنی یەکێتی و هێڵی سیاسیی #مام جەلال# ئەو ڕێگایەیە کە دەبێت یەکێتیی ئەمڕۆش لەسەری بێت. کەجەکە داوای لە یەکێتی کرد دەست لەو هەڵوێستەی هەڵگرێت.[4]
- کاتژمێر 11ی بەیانی ئەمڕۆ فاتح یەڵدز باڵوێزی تورکیا لە عێراق سەردانی بازاڕی قەیسەریی #کەرکووک# کرد، کە سوتاوە، دواتر نوێژی هەینی لە مزگەوتی قشڵی کرد، کە دەکەوێتە بەرامبەر #قەیسەریی کەرکووک#، بەڵام جگە لە کەناڵی عێراقیە و تورکمانی، ڕێگە بە هیچ دەزگایەکی تر نەدرا سەردانەکەی ڕووماڵ بکەن.[3]
- کۆردیناسیۆنی کۆما ژنانی کوردستان - #کەژەکە# ڕایگەیاند، داخستنی بارەگەکانی تەڤگەری ئازادی و ڕ‌ژاک، لە بەهاکانی و‌ڵاتپارێزی ناوەشێتەوە و داوای لە حکوومەتی هەرێمی کوردستان و ی- ‌ن- ‌ک،‌ کرد خۆیان له و هەڵسوکەوت و بڕیارانە بەدووربگرن.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2018/156699/0005.JPG=KTML_ImageCaption_Title=لە سنوونێ چەند گەنجێک چوونە سەر بارەگای یەکێتی و داوای داخستنی دەکەن=KTML_ImageCaption_CaptionStyle=000000=KTML_ImageCaption_Caption=لە سنوونێ چەند گەنجێک چوونە سەر بارەگای یەکێتی و داوای داخستنی دەکەن=KTML_ImageCaption_End=
- لە کاردانەوی داخستنی بارەگەکانی تەڤگەری ئازادی لە سنووری #سلێمانی#، ژمارەیەک گەنج لە سنوونێ چوونە سەر بارەگای کۆمیتەی 2ی یەکێتی و داوای داخستنی بارەگاکەیان کردووە و بۆ ماوەی دوو کاژێر کۆمیتەکە داخرا، ئاڵای یەکێتیش لەسەر بارەگەکە هێنراوەتە خوارەوە.[5]
- پارتی ئازادی و دیموکراسی ئێزدی – پادێ‌، ڕایگەیاند، کە ئەو گەنجانەی چوونەتە سەر بارەگای ی- ن- ک، لە #شەنگال# هیچ پەیوەندییاکیان بە ئەوانەوە نییە و لەگەڵ ئەو کارەشدا نیین کە ئەنجامیان داوە.[3]
- بەپێی ڕاگەیەندراوێکی ڕۆژنامەوانی نوسینگەی ڕاکان جبوری، پارێزگاری کاتی کەرکووک کە لەبارەی سەردانی ئەمڕۆی فاتح یەڵدز، باڵیۆزی تورکیا لەعێراق بۆ کەرکووک بڵاوکراوەتەوە لە کۆبوونەوەکانی ئەمڕۆدا تەئکیدکراوەتەوە لەسەر ئەوەی ساڵی داهاتوو ئاژانسی پەرەپێدانی تورکیا (تیکا) چەند پرۆژەیەک بۆ پاڵپشتی لەئیدارەی کەرکووک ئەنجام دەدات. هەر لە ڕاگەیەنراوەکەدا ئەوەشخراوەتەڕوو یەکێک له و پرۆژانە کردنەوەی نوسینگەی پێدانی ڤیزای وڵاتی تورکیا-یە بەهاوڵاتیان.[2]
- لە چوارچێوەی یارییەکانی خولی نایابی کوردستان لەیاریگای #دهۆک# یاری نێوان هەردوو یانەی دهۆک و #زاخۆ# بەڕێوەچوو، بەڵام لەکاتی یارییەکەدا شەڕو پێکدادان لەنێوان هاندەرانی دهۆک و زاخۆ سەریهەڵداو پەلاماری یەکیانداوەو تێڵاو دارلاستیکیکیشیان بەکارهێناوەو بەهۆیەوە 12 کەس لەهەردوولا بریندار بوون.[1]
$رۆژئاوای کوردستان$
- #پەیەدە# ناڕەزایەتی پیشان دا لە بەرانبەر داخستنی بارەگەکانی تەڤگەری ئازادی و ڕایگەیاند، ئەم هەنگاوە خزمەتی کوردستان ناکات.[4]
$دەرەوەی کوردستان$
- شەوی ڕابردوو سوپای ئیسرائیل چەند ئامانجێکی لە سووریا بۆردوومانکردوون و بەرپرسێکی سووریاش دەڵێت، سوپای وڵاتەکەی وەڵامی هێرشەکەی داوەتەوە.[2]
- نۆزدەمین دادگەی سزا قورسەکانی ئەنقەرە داواکاریی پارێزەرانی دەمیرتاشی ڕەتکردەوە کە لەژێر ڕۆشنایی بڕیارەکەی دادگەی مافی مرۆڤی ئەورووپا داوای ئازادکردنی #سەڵاحەدین دەمیرتاش#یان کردبوو.[4]