بەڕێوەبەری کۆمپانیای گازی پارێزگای #سنە# دەڵێت، پارێزگاکە دەتوانێ گازی سرووشتی بۆ هەرێمی کوردستان هەناردە بکات.
ئەحمەد فیعلەگەری، بەڕێوەبەری کۆمپانیای گازی پارێزگای سنە ڕایگەیاند، بە هەوڵی وەزارەتی نەوت و کۆمپانیای نیشتمانیی گازی ئێران ئێستا 100%ی دانیشتووانی شارەکان و 78.5%ی دانیشتووانی گوندەکان لە پارێزگای سنە گازیان بۆ ڕۆیشتووە و بەگشتی 96.4%ی پارێزگاکە گازیان هەیە.
فیعلەگەری هەروەها جێبەجێکردنی پرۆژەی هێڵەکانی گواستنەوەی گاز بۆ پارێزگا و دەرەوەی پارێزگای سنەش بە یەکێک لە بەرنامەکانی کۆمپانیای نیشتمانیی گازی ئێران باس دەکات و دەڵێ: ئێستا 320 کیلۆمەتر لە هێڵی سەرانسەریی گواستنەوەی گازی ئێران بە پارێزگای سنەدا تێدەپەڕێ و ئەمەش دەرفەتێکە کە دەتوانێ بوار بۆ هەناردەکردنی گاز لە پارێزگای سنەوە بۆ هەرێمی کوردستان خۆش بکات.
فیعلەگەری جەختی لەوە کردەوە کە لە هەردوو شاری #مەریوان# و #سەقز#ەوە بواری پێویست بۆ گواستنەوەی گاز بۆ هەرێمی کوردستان هەیە و هیوای خواست بە ڕەخساندنی ئەو دەرفەتە کۆمپانیای گازی پارێزگای سنە بتوانێ پشکێکێ هەبێ لە بازرگانیی جیهانیی گازدا.[1]
#08-02-2019#

بەڕێوەبەری پزیشکی دادوەریی پارێزگای سنە ڕایگەیاند: لە سێ مانگی یەکەمی ئەمساڵ، 11 کەس لە تووشبووانی ماددە سڕکەرەکان لە پارێزگای سنە گیانیان لەدەست داوە.
بە وتەی ئەو بەرپرسە دادوەرییە، لە سێ مانگی یەکەمی ئەمساڵ، 6 کەس بەهۆی ژاراویبوون بە ئەلکول گیانیان لەدەست داوە.
ناوبراو هەروەها ڕایگەیاند: ساڵی 98، 6 کەس بەهۆی خواردنەوەی ئەلکول گیانیان لەدەست داوە کە یەکێک لە ئەوان، ژن بووە.[1]

ئاژانسی کوردپا: 18 کەس لە پارێزگای #سنە# بە هۆی گیرۆدەبوون بە مادەی سڕکەر لە 5 مانگی سەرەتای ئەمساڵدا، گیانیان لە دەست داوە.
بەڕێوەبەری گشتیی پزیشکی یاساییی پارێزگای سنە ڕایگەیاند: لە سەرەتای پێنج مانگی ئەمساڵ، 18 کەس بە هۆی بەکاربردنی مادەی سڕکەر لەو پارێزگایە گیانیان لە دەست داوە.
غوڵامڕەزا هومایوونی، هەروەها لە وتووێژێکدا لەگەڵ هەواڵدەریی حکوومەتی مێهر ڕاگەیاند: 18 پیاو بە هۆی گیرۆدەبوون بە مادەی سڕکەر، لە 5 مانگدا، گیانیان لە دەست داوە و ئەمە لە حاڵێکدایە، کە ڕێژەی گیان لەدەستدراوانی مادەی سڕکەر لە ساڵدا 14 کەس بوون.
ناوبراو هەروەها دەڵێت: ئەو 18 کەسە کە لەو ماوەیەدا گیانیان لە دەست داوە، هەموویان پیاو بوون و ئەمە لە کاتێکدایە کە ڕێژەی گیان دەستدراوانی بەکارهێنەری مادەی سڕکەر، لە پێنج مانگی ساڵی ڕابردوودا 14 کەس بوون، کە لەو 14 کەسە یەکیان ژن بووە.
غوڵامڕەزا هومایوونی، هەروەها ئاماژەی بە شەڕ و کێشەی لە ئاستی ئەو پارێزگایە کرد و ڕایگەیاند: لە پێنج مانگی ئەمساڵدا، 5 هەزار و 258 کەس بە هۆی شەڕ و کێشە سەردانی پزیشکی یاسایییان کردووە.
ئەو بەرپرسە حکوومەتییە، هەروەها ئاماژەی بەو ڕێژەیە بە نیسبەت ساڵی ڕابردوو کرد و وتی: ماوەی ئاماژەپێکراو لە ساڵی ڕابردوودا، 4 هەزار و 986 کەس بوون، کە سەردانی ناوەندی پزیشکی یاسایییان کردووە و سکاڵایان تۆمار کردووە و ئەمەش بە نیسبەت ئەمساڵ 4 لەسەد ڕووی لە زیادبوون کردووە.
لە کۆی سکاڵاکەران لە ناوەندی پزیشکی یاسایی، لە 5 مانگی ئەمساڵدا، 3 هەزار و 856 کەس پیاو و و 402 ژن بوون.[1]
#26-09-2018#

یەکێکبووە لە پێشمەرگەکانی پارتی ئازادی کوردستان PAK، لە شەڕی دژی #داعش#، لە باشی #کەرکووک# لە ڕۆژی #30-08-2015# شەهید بووە.

ئاهەنگا پێکئانینا ژیانا هەڤژینیا #ناسر ڕەزازی# و #مەرزییە فەریقی# ساڵا 1978 ل باژێڕێ #سنە# . [1]

Ev babet li gorî Standardya Kurdîpêdiya bi dawî nebûye, pêwîstiya babetê bi lêvegereke dariştinî û rêzimanî heye!

جێگری تەندروستی زانکۆی زانستی پزیشکی پارێزگای سنە ڕایگەیاند، زیاتر لە 480 تووشبوو بە ڤایرۆسی HIV ناسراو بە ئایدز لە پارێزگای سنە ناسراون و هەر مانگێکیش دوو بۆ سێ تووشبووی نوێ بۆ ئەو ئامارە زیاد دەکرێت.
فەرزام بیدار پو‌ور، جێگری تەندروستی زانکۆی زانستی پزیشکی پارێزگای سنە ئاماژەی بەوە کرد، زۆرترین تووشبو‌وان بەو نەخۆشییە لە ڕێگای سێکسەوە تووشبوون و بەشێکی کەمیان لە ڕێگای بەکار‌هێنانی ماددەی هۆشبەر لە ڕێگای دەرزی لێدانەوە بووە.
بیدار پو‌ور ئەوەشی ڕاگەیاند، کە زیادبوونی ئایدز لە پارێزگای سنە بە بەراورد لەگەڵ پاریزگاکانی دیکەی ئێران، لە ئاستێکی زۆر کەمدایەو گوتی: "گەشەی ئەو ڤایرۆسە لە نێوان خەڵکی پارێزگای سنە زۆر کەمترە لە پارێزگاکانی دیکە، بەڵام ئەوە نابێتە هۆکارێک بۆ گوێنەدان بەو نەخۆشییەو دەبێت خەڵکی لێ ئاگادار بکرێتەوە".
جێگری تەندروستی زانکۆی زانستی پزیشکی پارێزگای سنە نیگەرانی خۆی دەربڕی لە زیادبوونی شێرپەنجە لەو پارێزگایە و ڕایگەیاند" لە ساڵی ڕابردوو زیاتر لە هەزار و 500 کەس تووشبوون بە جۆرەکانی شێرپەنجە و بە ڕاشکاوی دەتوانین بڵێین کە زیاتر لە 14 لەسەدی گیان لەدەستدانەکان لە پارێزگای سنە بە هۆی شێرپەنجەوەیە، بەڵام ئێستایش هۆکاری سەرەکی گیانلەدەستانی خەڵک لە پارێزگای سنە ڕووداوەکانی هاتو‌وچۆن".
- 30-09-2014

ساڵی 2005 بە یارمەتی هونەمەرندان خالید موبارەکی، مورتەزا کەرەمی، ئەمین ڕەحیمی و ڕووزبە موسلیح لە شاری سنە دامەزراوە.
ئەم ئۆرکسترایە یەکەمین کۆنسێرتی فەرەمی خۆی لە بەهاری ساڵی 2007 لە ماڵی کورد لە سنە بەڕێوەبرد و پاشان پاییزی هەمان ساڵ لە زانکۆی هونەری تاران و ژانوییەی 2008 لە تەلاری کۆمەڵًگەی فەرهەنگی و هونەری فەجر لە شاری سنە پێشکەش کرد.
ئەم ئورکسترایە لە مانگی نۆڤەمبەری 2008 کۆنسێرتێکی موزیکی خاڵی لە تەلاری کۆمەڵًگەی فەرهەنگی و هونەری فەجر لە شاری سنە پێشکەش کرد کە تەنیا کۆنسێرتی موزیکی ئۆرکستراڵی بێ کەڵک وەرگرتن لە تێکست و گۆرانیبێژ لە سەرتاسەری کوردستانی ئێران و هەرێمی کوردستان بوو.
دوایین کۆنسێرتی "ئۆرکسترای فیلارمۆنیکی سنە" لە ڕۆژانی 7 تا 10ی ئۆگۆستی 2009 لە تەلاری کۆمەڵًگەی فەرهەنگی و هونەری فەجر لە سنە بەڕێوەچوو.
ئەندامانی "ئۆرکسترای فیلارمۆنیکی کوردستان" بریتین لە:
رێبەری ئۆرکسترا: مێهدی ئەحمەدی
ڤیۆڵۆنی یەکەم: میلاد نامدار، خالید موبارەکی، بێهرووز ئاشناگەر، ئازاد ئەحمەدی،
فاتمە موراد گۆرانی، کەنعان مووسەوی، ئامینە فەتاحی، سەیوان شێرمحەمەدی و
مورتەزا مێهرنووش
ڤیۆڵۆنی دووەم: هیوا حوسێن پەناهی، فەرەح محەمەد نیژاد، گوڵناز خزدووزی، باسیت بەهرامی، ڕۆژیار ئیسفەندیار، سارا ڕەشیدی، نەوید شنوا، پارسا ئەسکەندەری، ئەمیر ساعیدی و بەشیر فەتاحی
ڤیۆڵا: پوویا نیک مەنێش، هیوا ڕەحمانی و مورتەزا کەرەمی
ڤیۆڵۆن سێل: محەمەد محەمەدی و فەرهاد خارەزمی
فلووت: سەیوان مەجیدی و حامید بانەیی
کلارینێت: ئەمین ڕەحیمی، هێمن سەلیمی و میعاد عەزیمی
فاگۆت: بێهزاد هیمەتیار
هۆڕن: فەخرەدین موئمینە
ئامێرە زەربییەکان: فوئاد مەحمودی
پێرکاشێن: ئومید لەتیفی
گۆرانیبێژەکان: مورتەزا کەرەمی، کامیل عەبدی، هووشەنگ شگێرف، هیوا ڕەحمانی و بێهرووز باباخانی.

[1]

Ev babet li gorî Standardya Kurdîpêdiya bi dawî nebûye, pêwîstiya babetê bi lêvegereke dariştinî û rêzimanî heye!