یەک لە بنکە تەندروستییەکانی سنووی شارەوانی #سلێمانی#یە، دەکەوێتە گەرەکی #ڕاپەڕین#ەوە. ناو یەکەی نیشتەجێبوونی #قەیوان# ستی بەڕێوەبەری بنکەکە #ئاوات قادر قادر#ە.
[1]

عوسمان عومەر

یەک دوو ڕۆژێکی تر مانگی سپتەمبەر(ئەیلول) 2015 دەست پێ دەکات و ئەو ئەیلولەی لە شۆرشێکی دەرەبەگایەتیەوە کرا بە شۆرشێکی ڕزگاریخواز تیکۆشەران و سیاسەتمەدارەکانی ئەوکات هەلیان گیرساند بەلام مخابن دواتر بۆبنەمالەیەک قۆرخ کرا و لە ئازاریکدا ئاشبەتالی پێ کرا خۆین ڕەنج و خوێنی هەزاران شەهیدی بەفیرۆدا.
ڕەنگبێ زۆر لەفەرماندەوسەرکردەکان یاداشتەکانی خۆیان نوسیبێتەوە و باسیان لەو داستانانە کردووە کە بەشداریان تێدا کردووە باسی وردەکاری و چۆنیەتی بەشداربون و ژمارەی هیزەکانیان و ڕۆلی هەر کەرتێک یا مەفرەزەیەکیان باس کردبێ هەریەکە بەشێوەی خۆی نوسێبیتیەوە بەلام هەموی سەرچاوەی میژوی خەباتی ی ن ک و بۆتە بەشێک لەمیژوی گەلەکەمان دژی دیکتاتۆریەت هەموان شانازی پێوەدەکەین و وەک ئەرکێکی نیشتیمانی بەشداریمان لەو شۆرشە ڕزگاریخوازە کردووە. ئەوەی لێرەدا تومارم کردووە بیرەوەری عەدەد بێتەلێکە لەو داستانەدا لەگەل هاورێکانم و گشت ئەوبێتەلانەی بەشدار بون چ لەسەرشاخەکان چ لەبارەگا خەلفیەکان دا.
بیرەوەری شەرو داستانەکانی هێزی پێشمەرگەی ی ن ک زۆرن و هەریەکەیان وانەیەکی خۆراگری و بەگژاچونەوەی سوپایەکی پڕچەکی مۆدێرنی ڕاهێنراو بە زانستی سەربازی و پیلانە گڵاوەکانی #بەعس# و ڕژێمە تۆتالیتاریەکەی پاش ڕێککەوتنامە شومەکەی جەزائیر و ئاشبەتالی 1975 و هەلسانەوەی شۆرش بۆ بەرەنگاربونەوەی چۆڵکردن و سوتماک کردن وتەعریب و تەبعیس کردن.
زۆر لەنەیاران و ناحەزانی ی ن ک پێیان وابوو هەندێ لەو داستان و نەبەردیانە دروستکراون و هەلبەستراون , زۆرجار ئەو داستان و نەبەردیانە بە بەرچاوی جەماوەرو خەلکی ناوچەکان بووەو بەچاوی خۆیان قارەمانیەتی و لەخۆبوردوویی کورە پێشمەرگەکانیان دیوە.
پاش کۆتایی هێنان بەگفتوگۆکانی سالی 1984 لەگەل ڕژێمی بەعس زۆریک لە پێشمەرگەو کادیرانی ی ن ک پێمان وابوو ئەمجارە ڕژێمی بەعس بێ بەزییانەترو دراندانەتر ڕوبەروی خەلکی بێ دیفاع و سیڤیلی ناوچە ئازادکراوەکان دەبێتەوە هەر لەئابلوقەی ئابوری و بەکارهێنانی زیاتری فرۆکەمەرگ چێنە پێشکەوتوەکانی و چەکی تری قەدەغە کراو، ئەمانە لەلایەک لەلایەکی ترەوە هەرنەیارەکانمان پێیان وابوو بەهۆی گفتوگۆکانەوە هێزی پێشمەرگە پشتیان لە خەبات و چالاکی سارد بۆتەوە و بەماوەیەکی کەم هەموو ناوچە ئازادکراوەکانی ژێر دەسەلاتیان لەدەست ئەچێت و وەک ئەوان بنکەو بارەگاکان دەبەنە خاکی ئێرانەوەو شۆرشەکە دەپوکێتەوەو، بەلام پیچەوانە ڕاست دەرچوو گیانی بەرەنگاری و بەگژاچونەوە زیاتر بوو هەندێ ناوچەی گرنگ ئازادکران و بەرەنگاری تێداکرا تا #ئەنفالەکان#.
هەر لەکاتی کفتۆگۆکاندا مەرامی بەعس زیاتر ڕونبۆوە بۆ سەرکردایەتی سیاسی و پێشوەخت بیر لەناوجەیەکی گرنگ کرابۆوە بۆ شوینی سەرکردایەتی ئەویش دۆلی جافایەتی بوو کە پیشتر لە سێروان و ئاوەژێ بوو , تازە بەتازە بنکەو بارەگاکان گواسترابونەوە دۆلی جافایەتی ستراتیژیەتیکی تایبەتی بۆ ی ن ک هەبوو , لەچەند شوێنێ بنکەو بارەگاکان دادەمەزران لە بەرگەلو , سەرگەلو , هەلەدن , گویزیلە , چاڵاوە , چۆخماخ و مالومەو جگە لەوەی بارەگای تیپی 47ی پیرەمەگرون لەگاپیلۆن بوو , یەکێ لەو بارەگایانە لەگوندی یاخسەمەر / کانی موراد، کانی ئاوێکی خۆش و سازگار بوو لە هەموی گرنگتر بارەگای تاکە لایەنی کوردستانی بوو کە لەبنەوپالی شاری سلێمانیەوە بە 30 تا 40 کم دووربێ و تاکە سنورێک تارادەیەک لە ئیرانەوە نزیک بێ و , هێشتا بنکەوبارەگاکان بەتەواوی جێگیر نەبوبون ڕژێمی بەعس کەوتە تۆپباران کردن و هێرشکردنە سەریی بەفرۆکە جەنگیەکانی. ئێمەش وەک بەشی بێتەل بەردەوام بوین لەکارەکانمان و سڵمان نە لەفرۆکە نە تۆپباران نەدەکردەوە , پەیتا پەیتا زانیاریمان بۆ دەهات چ لەریکخستنەکانەوە , چ لە تیپەکانی هێزی پێشمەرگەوە جەختیان لەوە دەکرد کە ڕژێمی بەعس بەنیازی هێرشێکی بەرفراوانە بۆ سەر ناوچەکەو سەرکردایەتی ی ن ک و پێشوەخت وەک مەسەلە کوردیەکە ئەڵێت : (پیش تا بەڕەکەی بەخۆی دادا) بروسکە نێردرا بۆ هەرچوار مەلبەندەکە هەریەکەیان 200 پێشمەرگە بنێرن بۆ سەرکردایەتی بۆ پارێزگاری لە هێرشی لەناکاویی دوژمن , ئەورۆژانە شەومان ئەخستە سەر ڕۆژ بەکردنەوەو ناردنی بروسکە زانیاریە شیفرەکراوەکانی دەهاتن لە مەلبەند و سەرچاوە تایبەتی و ڕیکخستنە نهێنیەکانی ناو سوپاو فەوجە چەکدارەکان و، ئەو سەرچاوانەی پەیوەندی تایبەتیان بە سەرکردەو فەرماندەکانەوە هەبوو , هەروەها پێداویستی و داواکاری هێزەکانی دەگەیشتن و شوینی جێگیر کردنیان و ڕینماییەکانی جەنابی مام وەک فەرماندەی گشتی هێزەکانی ی ن ک بۆ فەرماندەکان سەبارەت بەدابەشی هێزەکان لە سەرشاخەکان و سەنگەر لێدان چونکە یەکەم شەری بەرەیی بوو، کە توشی هێزی پیشمەرگە ببێ و یەکەم ئەزمونی ڕاهێنانی خۆراگری بەرەیی بوو. شەرەکان لە 1/9/1986 دەستی پێکرد و نزیکەی 102 تا 103 ڕۆژی خایاند و شەوانە ڕۆژانە جەنابی مام بەردەوام موتابەعەی بەرەکانی دەکرد لەرێی بیتەلەکەی ئێمە و بیتەلە prc , بیتەلەبچوکە (تەلەفۆکنەکان کە دروستکراوی ئەلمانیا بوو) زۆرباش لەیادمە قسەی لەگەل فەرماندەیەک کرد گەر هەلە نەبم کاک عەبدولا بۆر بوو پرسی وەزعتان چۆنە ؟ چیتان پێویستە ؟ وەزعی جەبهەکەتان چۆنە ؟ لەوەڵامدا وتی زۆر باشین و هەرچی هێرشیکیان هێناوەتە سەرمان تێکمان شکاندون و وەلامێکی زۆرگرنگی دایەوە (ئەبێ شاخەکان برۆن ئیمە چۆلی ناکەین)، لەوکاتەدا جەنابی مام دەیانجار خۆی قوربان دەکردن و لەولاشەوە تۆپباران و کاتیوشا باران و هێرشی فرۆکە پیلاتۆسەکان و کۆپتەرەکان لەبەر چەکە دژەئاسمانیەکان بەقەدەر بیست و پێنج فلسیەک لەئاسمان دیار بوون و کوێرانە بۆردومان ناوچەی بەرەکەیان دەکرد و بەتۆپی قورس و دوورهاوێژ و فرۆکەی جەنگی بۆردومانی ناوچەکانی سەرکردایەتی دەکرد، کە هێلی دوواوەی بەرەکە بەمەبەستی پچرانی پەیوەندی سەرکردایەتی و سەرکردایەتی بەرەکانی شەرەکە بوو.
کاری بەندەو هاوریکانم لای خۆمان مەلبەند و تیپەکان 24 کاتژمێر بەردەوام بوو لەگەل بەرەکانی شەردا و هەرهەوالێک و تێکشانێکی دوژمن ئەنوسرایەو ئەگەیەنرایە جەنابی مام و مەکتەبی سیاسی و ئیزگەی دەنگی گەلی کوردستان بۆ بلاوکردنەوەی. لەیادمە جارێ لەو جارانە بروسکەکانم ئەگەیاندە جەنابی مام، کە لەبەردەم مالەکەی دا پیاسەی دەکرد فرۆکەجەنگیەکان دەستیان کرد بەبۆردومان لەولاشەوە تۆپباران کەچی خۆی لێ تورەکردم فەرموی (ترسنۆکی نییە خۆتان لە فرۆکەو تۆپ نەپارێزن) لەگەل ئەوەی لەبەردەم بەردەرگاکەی خۆی بوو نەدەچوە ژوورێ باکی نەبوو، کە گەیشتمە نزیکی پێم وت دەفەرمو جەنابیشت بچۆ مەلجەئەکەوە کەچی لێم توورە بوو. دوای وەلامدانەوەی بروسکەکان دلخۆشی سەرکەوتنەکان لیرە نارۆین. لیرەنارۆینی ئەوتەوە کەچوینە پەناگەکەوە. ئەنجامی شەرەکانیش شەهید بونی چەندین پیشمەرگەو کادیرو فەرماندەی کەرت و مەفرەزە بوون، گەر بەهەلەدا نەچوبم مەلا هاورێی پاسۆک لەوشەرانەدا شەهید بوو. سەرشۆریش بۆ جەنەرالەکانی بەعس و چلکاو خۆرەکان و نۆکەرانیان مایەوە سەربەرزی بۆ هیزی پێشمەرگە.
زۆرجار ئیزگە بە سرودی کەلکی قەیوانی هونەرمەندی دەنگ خۆش ئازاد خانەقینی ئەکرایەوە. دواتر ئابلوقەی سەرناوچەکە بەرە بەرە توندترکران و تا شەرەکانی ئەنفالی یەک ئینجا ئەوناوچەیە چۆڵکرا. دوای ئەنفالیش هەر لەپێشمەرگە چۆل نەکرا بەلکو شەهید غەریب هەلەدنی و ڕەتلی پارتی زانەکان هەر لەناوچەکە بوون تا ڕاپەرین.

تێبینی
پیلاتۆس جۆرە فرۆکەیەکی کشتوکاڵی بەپێی زانیاریەکان دروستکراوی سویسرا بوو، بەلام ڕژێمی بەعس گۆڕانکاریی بەسەردا هێنا بوو، کردبووی بەسەربازی و کاتوێشای لەبن بالەکانی بەستبوو دژی شەری پارتی زانی لەکوردستان بەکاری دەهێنا.[1]

راپۆرتی‌ ساڵانەی‌ کارو پرۆژە خێرخوازیە ئەنجامدراوەکانی‌ گروپی‌ کۆمپانیاکانی‌ قەیوان
ساڵی‌ 2010 و 2011 و 2012
1- پرۆژەی‌ هاوسەرگیری‌ بەکۆمەڵ ئە نجام دراوە لەسنووری‌ گەرمیان و گەرەمەسێردا بۆ (400)کوڕو کچی‌ کەمدەرامەت و زۆر هەژار کە نزیکەی‌ (80%)ی‌ کەلو پەلی‌ ناوماڵەیان بۆ دابین کراوە بۆ چونە ناو ژیانی‌ هاوسەرگیریەوە.
2-مووچەی‌ مانگانە بڕاوەتەوە بۆ نزیکەی‌ (650) خێزانی‌ بێ باوک و کرێنشین و خوێندکاری‌ کەمدەرامەتی‌ زانکۆ و پەیمانگاکان بەپێی پێویستیان.
3-هاوکاری‌ نزیکەی‌ (70) خێزانی‌ کراوە بۆ تەواو کردنی‌ خانووەکانیان بە کەرەستەی‌ بیناسازی‌ وەک (شیش –چیمەنتۆ –بلۆک).
4-جلو بەرگ و پێداویستی‌ تەواو دابین کراوە بۆ (4،500) چوار هەزار وپێنج سەد منداڵی‌ بێ باوک و بێ سەرپەرشتی‌ سنووری‌ گەرمیان و گەرمەسێر لە وەرزەکانی‌ ساڵ دا.
5-خۆراک و گۆشت و هاوکاری‌ ماددی‌ دابین کراوە بۆ (3،300) سێ هەزار و سێ سەد خێزانی‌ زۆر هە ژار و کەمدەرامەتی‌ سنووری‌ گەرمیان و گەرمەسێر
6-دابین کردنی‌ (150) موبەریدە بۆ خێزانی‌ زۆر هەژارو پەککەوتەی‌ سنووری‌ گەرمیان کەلەم وەرزەکانی‌ هاوین دا موبەریدەیان نەبووە و زۆر پێیویستیان بەدابین کردنی‌ موبەریدە هەبووە.
7-لە جەژنەکانی‌ هەر سەر سێ ساڵەکەدا جەژنانە دراوە بە (700) حەوت سەد خێزانی‌ بێ باوک و زۆر هەژارو بێ سەرپەرشت.
تێبینی‌ :بەبڕی (65،000) شەست و پێنج هەزار دۆلاری‌ ئەمرێکی‌ (کۆمپیوتەرو سپلت و داتاشۆ) دابین کراوە بۆ زانکۆی‌ گەرمیان.
(ڕاپۆرتی‌ ساڵانەی‌ کارو پرۆژە خێرخوازیە ئەنجامدراوەکانی‌ گروپی‌ کۆمپانیاکانی‌ قەیوان )
ساڵی‌ (2013)
1- دوو پرۆژەی‌ هاوسەرگیری‌ بەکۆمەڵ ئە نجام دراوە لەسنووری‌ گەرمیان و گەرەمەسێردا بۆ (300)کوڕو کچی‌ کەمدەرامەت و زۆر هەژار کە نزیکەی‌ (80%)ی‌ کەلو پەلی‌ ناوماڵەیان بۆ دابین کراوە.بەبڕی‌ (450،000،000) چوار سەدو پەنجا ملیۆن دیناری‌ عیراقی‌ بۆ کۆی‌ هەردوو پرۆژەکە.
2- (17) خانوو دروست کراوە لە سنووری‌ گەرمیان دا بۆ (17) خێزانی‌ بێ باوک و کرێنشین و پەککەوته و بێلانە.
3-موچەی‌ مانگانە بڕاوەتەوە بۆ نزیکەی‌ (350) خێزانی‌ بێ باوک و کرێنشین و خوێندکاری‌ کەمدەرامەتی‌ زانکۆ و پەیمانگاکان بەپێی پێویستیان.
4-هاوکاری‌ نزیکەی‌ (50) خێزانی‌ زۆر هەژارو بێ باوک کراوە بۆ تەواو کردنی‌ خانووەکانیان بە کەرەستەی‌ بیناسازی‌وەکوو (شیش و چیمەنتۆ وبلۆک).
5-هاوکاری‌ (1،300)خێزانی‌ نەخۆش کراوە بۆ چارەسەری‌ نەخۆشی‌ درێژخایەن و ئەنجامدانی‌ نەشتەرگەری‌ جۆراو جۆر بەمەبەستی‌ چارەسەرکردنیان لەبڕی‌ (500،000) پێنج سەد هەزار دینار تاوەکوو (5،000،000) پێنج ملیۆن دینار کە بڕی‌ تێچوی‌ هەمووی‌ دەکاتە (975،000،000) نۆ سەدو حەفتاو پێنج ملیۆن دیناری‌ عێراقی‌.
6-خۆراک و گۆشت و هاوکاری‌ ماددی‌ دابین کراوە بۆ ( 4،168) چوار هەزار و سەدو شەست و هەشت خێزانی‌ زۆر هە ژار و کەمدەرامەتی‌ سنووری‌ گەرمیان و گەرمەسێر.
7-جلو بەرگ و پێداویستی‌ تەواو دابین کراوە بۆ (1،500) هەزار وپێنج سەد منداڵی‌ بێ باوک و بێ سەرپەرشتی‌ سنووری‌ گەرمیان و گەرمەسێر لە وەرزەکانی‌ ساڵ دا.
8-هاوکاری‌ کردنی‌ (440) خوێندکاری‌ زۆر هەژاری‌ زانکۆ وپەیمانگاکان بۆ پاڵپشتی‌ و بەردەوامبونیان لە خوێندن.
9-دابین کردنی‌ (100) مووبەریدە بۆ(100) خێزانی‌ زۆر هەژارو پەککەوتەی‌ سنووری‌ گەرمیان کەلە وەرزی‌ هاوینەدا موبەریدەیان نەبووە و زۆر پێیویستیان بەدابین کردنی‌ موبەریدە هەبووە.
گروپی کۆمپانیاکانی قەیوان
- 21-07-2014

[1]

#شەهاب کەریم#
جەنگی عێراق و ئێران کە پتر لە هەشت ساڵی خایاند، هەردوو وڵاتی دژ بە یەکتر لە ڕووی ئابووری و هێزی سەربازییەوە شکستخواردن و ماندووبوونیان بەخۆوە دەبینی و دەسەڵاتی ڕژێمی بەعس ڕۆژبەڕۆژ لاوازتر دەبوو، بەداخەوە سەرکردەکانی لەمەڕ شۆڕشەکانی ئێمە وەک پێویست ئەو هەلەیان نەقۆستبووەوە و دوژمنیش هەر دوژمنە، نابێت بڕوا و متمانەی زیاتری پێ بکرێت. هەموو حیزبەکان پەیوەندیی دۆستانە و پەیوەندیی ستراتیژییان لەگەڵ ئێران و تورکیا و سوریادا هەبوو، بەڵام لە کاتی هاوکاری و پێویستیبوون پێیان، دەستبەرداری حیزبەکان دەبوون و پشتیان تێ دەکردن. یەکێتی ئەگەرچی لە ڕابردوودا شەڕی ئێرانی کردبوو، بەڵام لە ساڵی 1986دا پەیمانی ڕێککەوتننامەیان بەست و ئێران بەڵێنی هاوکاری و ناردنی ئازووقە و تەقەمەنی و چارەسەری بریندار و پێویستییەکانی هێزی پێشمەرگە دابین بکات. دوای ئەوەی کە یەکێتی کەوتە شەڕی سەخت و ڕووبەڕووی هێزێکی زەبەلاحی ڕژێمی بەعس بووەوە، ئێران پشتی لە یەکێتی کرد و خاوەنی پەیمان و ڕێککەوتننامە و بڕیار و بەڵێنەکانی خۆی نەبوو. ئەم ڕێککەوتنەی یەکێتی و ئێران، ڕژێمی بەعسی تووڕە کردبوو و ڕژێمی بەعس بە هۆی جەنگی ئێرانەوە لە زۆر شوێندا شکستی سەربازی هێنابوو، دەیویست لە سنووری ئازادکراوی نێو هێزی پێشمەرگەوە هێرشی سەربازی بکاتە سەر بازگە و بنکەکانی پاسداری ئێران، کە لە دۆڵەڕووتەوە دەستی پێ دەکرد و لە سەفرە و زەروون کۆتایی پێ دەهات. دۆڵەڕووت سەربازگەی گەورەی (سارداو)ی لێ بوو کە نزیک شاری #سلێمانی# بوو، کانی بەردینە و کانی گۆران و گوندی فەیاڵ، دواتر بە کەڵکی قەیواندا و چیای دوو برا کە بە (قوتەی دوو برا) ناو دەبرا و دواتر دێمەوە سەر چیا و گوندەکانی تر کە هێزی پیشمەرگە پتر لە سێ مانگ دووچاری شەڕێکی قورس و ترسناک و سەختی خوێناوی بوو، کە بە خوێنی پتر لە) 100(شەهید بە شکستەوە شەڕەکان کۆتاییان پێ هات. لەو کاتەدا بارەگای هێزی پێشمەرگە لە بەری دۆڵێوە، هەر لە یەکەم گوندی (باڵخێ)وە تاکوو سەرگەڵوو و بەرگەڵوو، بارەگای هێزی پێشمەرگە و سەرکردایەتی و مەڵبەندی دوو و نەخۆشخانە و زیندانی بەرگەڵووی لێ بوو، کارێزەی کۆن بە چەند کیلۆمەترێکی کەم لە شارەدێی کارێزەوە دوور بوو، من وەک فەرماندەی مەفرەزەی کەرتی پێنجی شەهید هاوڕێ جەبار، بۆ دڵنیابوون لەو کەسانەی لە شارەوە دەهاتن، پرسگەیەکی بچووکمان دانابوو، (لیوا ڕوکن عەبدولکەریم ئەلخەزرەجی) کە سەرۆکفەیلەقی یەک بوو، لەلایەن ڕژێمەوە پێی ڕاگەیەنرابوو کە وەفدێک بنێرێت بۆ لای (#مام جەلال#) کە حکومەتی عێراقی دەیەوێت لەو سنوورانەوە هێزی سەربازیی خۆی لە دژی ئێران جووڵە پێ بکات بەرەو سەفرە و زەروون کە ئەو کاتە مەرزی نێوان عێراق و ئێران بوو. یەکێتی سوودمەندی گەورەی ئەو مەرزە بوو. من لەگەڵ چوار پێشمەرگەدا لە پرسگەکەدا بووم و وەڵاممان بۆ هات دوو ئۆتۆمبێلی خاکیی سەربازیی جۆری لاندگرۆزەر بە چەند ئەفسەرێکەوە دەیانەوێت سەردانی (مام جەلال) بکەن. ئێمەش سەرووی خۆمان ئاگادار کردەوە و بە ئۆتۆمبێلی تایبەتیی سەرکردایەتی هاتن بەدوایاندا و سەردانی (مام جەلال)یان کردبوو. داواکاریی وەفدەکە لە سەرکردایەتیی یەکێتی ئەوە بوو کە ڕژێمی بەعس هیچ پەلامارێکی هێزی پێشمەرگە نادات و ئەو سنوورانەیان بۆ چۆڵ بکەن کە بەدەست هێزی پێشمەرگەوەیە، بەڵام ڕێککەوتنەکە نەکرا و ڕژێمی بەعسیش بڕیاری هێرشکردنە سەر تەواوی سنوورەکانی هێزی پێشمەرگەی دا و لە مانگی سێپتەمبەری ساڵی 1986دا شەڕ لە دۆڵەڕووتەوە دەستی پێ کرد. #یەکێتیی نیشتمانیی کوردستان# بەفەرمی بڕیاری شەڕی ڕاگەیاند و هەندێک لە هێزەکانی خۆی کۆ کردەوە کە بریتی بوون لە تیپی 21ی #کەرکووک# و تیپی 85 و 86 و 87ی قەرەچوخ و دەشتی #هەولێر# و تیپی 13ی #سۆران# و 25ی خاڵخاڵان و 19ی کۆڕەک و 78ی کاروخ، تیپی 51ی #گەرمیان# و 53ی شێروانە و 55ی قەرەداغ و 93ی کۆیە، تیپی 47ی پیرەمەگروون و 37ی شارباژێڕ و 31ی سلێمانی؛ بەشداریی ئەو شەڕەیان کرد، جگە لە زۆربەی فەرماندەی کەرت و جێگری کەرت و فەرماندەی مەفرەزە و زۆرترین پێشمەرگە. لێرەدا ناوی هەندێک لە سەرتیپەکان بەپێی شەڕەکان و ناوی هەندێک لە بەرپرسی سەربازیی مەڵبەندەکان دەهێنم لە یەکەم شەڕی قەیواندا، کە بریتی بوون لەم سەرتیپ و بەرپرسی مەڵبەندانە: شۆڕش ئیسماعیل، مستەفا چاوڕەش، سامان گەرمیانی، سەڵاح چاوشین، عەوڵا بۆر)شێرە بۆر(، سەرهەنگ ئیسماعیل، مام غه فوور)مام ه غه ف ه(، ڕه هب هری سه یید ئیبراهیم، شێخ جەعفەر، عومەر عەرەب، سەڵاحی حاجی عەلی)سەڵاح چاوزەق(، نەوزادی عەبەی تەقێ، سابیر ڕەسووڵ، ئازادی حەمەی گەمحان، سالارە چاوشین. ئەم هێزانە بە بڕیاری سەرکردایەتی کۆ کرابوونەوە، لە هەر سنوورێکی ئەم تیپانەدا چەند مەفرەزە و کەرتێکیان بەجێ هێشتبوو، کەرتی ئێمە لە گوندی (باڵخ) بوو، شۆڕش ئیسماعیل سەرتیپی ئێمە بوو، شەڕ لە چیاکانی دەوروبەری دۆڵەڕووت و کەڵکی قەیوان دەستی پێ کرد، خەڵکی گوندی قەیوان هەندێکیان چۆڵیان کردبوو، هەندێکیشیان لەوێ مابوون. لە ڕاستیدا خەڵکی تەواوی هەموو گوندەکان ورەیان زۆر لە هێزی پیشمەرگە زیاتر بوو، لەگەڵ ئەوەشدا ورەی زیاتریان بە هێزی پێشمەرگە دەدا و خواردەمەنییان ئامادە دەکرد و بریندارەکانیان بە وڵاخ و تراکتۆر دەگواستەوە بۆ نەخۆشخانەی شۆڕش کە ئەو دەمە لە بەرگەڵوو بوو، نەخۆشخانەیەکی حیزبی دیموکراتی ئێرانیش لە گوندی گەڕەدێ بوو، هاوکاریی هێزی پێشمەرگەیان دەکرد و هەندێک لە بریندارەکانیان چارەسەر دەکرد. ڕژێمی بەعس لە دۆڵەڕووت و شارباژێڕ، لە گوندی سیتەکەوە، ڕاجیمە و تانک و زرێپۆش و جگە لە زۆرترین چەکداری کورد و تەواوی هێزی سەربازیی خۆی لەو ناوەدا کۆ کردەوە. وا پێویستی دەکرد هەندێک پێشمەرگەی کەرتی ئێمە بۆ پاراستنی گوندەکانی باڵخ و گاپیڵۆن و ئەو سنوورە بچن، چونکە ڕێگەی سەرەکیی سەرکردایەتیی یەکێتی بوو، بەتایبەت تەواوی مەکتەبی سیاسی و بنکەی ڕاگەیاندن و نەخۆشخانەی شۆڕش و زیندانی بەرگەڵوو، جگە لەوەی لە شاخی هەلاج و دابانەوە پەی پێ دەبرا، بەڵام ڕێی سەرەکی و هاتوچۆی ئاسایی ئەو ڕێگایە بوو کە لە گوندی کارێزەی کۆنەوە ڕاستەوخۆ تاکوو گوندی یاخسەمەر کە مەکتەبی سیاسیی یەکێتیی لێ بوو، لەگەڵ ئەوەشدا بارەگای (مام جەلال) لە گوندی یاخسەمەر بوو و نیوەیان لەوێ بمێننەوە. چەند پێشمەرگەیەکیان لەگەڵدا ناردم، بریتی بوون لەم ناوانە: هێرش ناسراو بە (شازین)، غەفووری حاجی ڕەشید، ڕێبواری مام کوێخای کانی سپیکەیی)لەدوای ڕاپەڕین لە شەڕی ناوخۆدا بە دەستی چەکدارانی حیزبە ئیسلامییەکان شەهید کرا(، نوورەدینی برام، ئازاد کەرکووکی، محەمەد قارەمان)چەند مانگێک ببوو بە پێشمەرگە. لەگەڵ گەیشتنمان بۆ شەڕەکە، دوای دوو کاتژمێر تفەنگەکەی فڕێ دابوو و ڕایکردبوو، تاکوو ئێستەش نەمبینیوەتەوە(، کاروانە قەڵەو، شوانەی یوسفی عەبەکە، هێمن؛ چووینە گوندی قەیوان. تیپی 21ی کەرکووک بەسەر چیای دوو برا)قوتەی دوو برا(وە بوون، لەگەڵ دەستپێکردنی شەڕ، دوو شەهیدیان دابوو. عەبەڕەق کە جێگری کەرتی دووی تیپی 31ی سلێمانی بوو، بە خۆی و حەوت پێشمەرگەوە بەسەر کەڵکی قەیوانەوە بوو. چونکە ئامادەکاریی باش نەکرابوو، سەرەتا عەبەڕەق بەو هێزە کەمەوە چووبووە سەر شاخ، نەخشە وا داڕێژرابوو شەو ئێمە بچین بەهانایانەوە، بەڵام لەبەر بوردوومانکردنی سەختی ڕاجیمە و گوللە تۆپ و تانک و تەقەی زرێپۆشەوە، مستەفا چاوڕەش پێی ڕاگەیاندم ئەمشەویش نەچینە لای عەبەڕەق، چونکە سەرکەوتنمان بۆ سەر شاخ هەر وا ئاسان نەبوو، بە درێژایی ڕۆژ فڕۆکەی هەلیکۆپتەر و سیخۆ و تەواوی تۆپ و تانکەکانیان بۆ تەنها کاتژمێرێکیش بواری نەدەدا و ناو گوندەکەشی تۆپباران دەکرد کە ژن و منداڵ و خەڵکی بەساڵاچووی تیا مابوو. لە دیوی ئەودیویش هێزێکی سەربازیی زۆر بەپیادە سەر دەکەوتن و هێرشیان دەکرد، سەر ڕێگای شاخ هەر چی درەخت و دەوەن هەبوو گڕیان گرتبوو، بە چوونی ئێمەش، نەک چەند کەسێک بەڵکوو هەموومان شەهید دەکراین، چاوەڕێی ئەوە بووین بۆردوومانکردن کەمتر بێت و ئێمەش بچینە لای عەبەڕەق. بۆ سبەی ڕۆژ بووەوە، جارێکی تر بۆردوومان دەستی پێ کرد، بەڵام زۆر خراپتر، لەناکاو هەشت هەلیکۆپتەر هاتنە سەر گوندەکە و بێ دەستپاراستن لە تەواوی خەڵکی ئاوایی، تەنانەت کانیی ژنانیشی بۆردوومان دەکرد. ئێمەش لەگەڵ هێزەکەی مستەفا چاوڕەش کە بەرپرسی سەربازیی مەڵبەندی دوو بوو، ئەو هێزەی تیپی 21ی کەرکووک کە لەسەر شاخ بوو، چەند پێشمەرگەیەکی لە خوارەوە لەگەڵ ئێمەدا بوون، بۆ خۆپاراستن لە بۆردوومانی کۆپتەرەکان بڵاوەمان لێ کرد و هەریەک بە لایەکدا چووین. من زۆر خەمی شوانەی یوسفی عەبەکەم بوو)ئێستە لە هۆڵەندا دەژی(، زۆر منداڵ بوو، لەگەڵ ئەوەشدا بوێر و چاونەترس بوو، پێکەوە چووینە قەدپاڵی شاخەکە و کۆپتەرەکان بە شێوازێک نزم ببوونەوە کە بۆردوومانیان دەکرد بەئاسانی دەبینران، منیش زۆر بەتوندی ملی شوانەم گرت، بۆ ئەوەی نەجووڵێت و لەناو دەوەنەکەدا نەمانبینێت. ئێمە کڵاشینکۆفمان پێ بوو، تەقەمان بکردایە، هەروەک ئەوە وا بوو بەردی تێ بگریت. دوای بۆردوومانێکی زۆر و برینداربوونی دوو منداڵ و ژنێک لە گوندی قەیوان، کۆتایی هات و هەریەکەمان گەڕاینەوە دەوروپشتی گوندەکە و سەرقاڵی ئەوە بووین چۆن شەو بچین بەهانای عەبەڕەقەوە. یەکێک لە نەخشە و پلانە جوانەکانی عەبەرەق ئەوە بوو ئەو هەموو کۆپتەر و زرێپۆش و تانکەی بۆردوومان و تەقەیان لە سەنگەرەکانی ئەو هێزە بچووکەی عەبەڕەق دەکرد، ئەو هەموو هێرشە سەربازییەش دەکرایە سەریان، سەنگەرەکانیان چۆڵ نەدەکرد، پلانەکەشیان ئەوە بوو لە کاتی بۆردوومانکردندا ئەمان لە ئەشکەوتێکی بچووکدا بە ڕۆژ خۆیان حەشار دەدا و بە شەویش دەهاتنە دەرەوە و ڕووبەڕووی ئەو هێزە زەبەلاحەی ڕژێم دەبوونەوە لە خوارەوە. ئێمە دیمەنی سووتاندنی دەوەن و تۆزی ئەو بۆردوومانەیەمان دەبینی کە بە گڕی ئاگرەوە لەنێو ئەو هێزە کەمەی عەبەڕەقدا دەتەقینەوە. مستەفا چاوڕەش وتی: (عەبەڕەق ڕۆحم بەقوربانت بێت، چەندە قارەمانیت!) ئەو هێزەی لەوێ بووین، هێندە ماندوو ببووین ئارەزووی تەنها خولەکێک خەومان دەکرد. بە پێشمەرگەکانم ڕاگەیاند کەمێک پشوو بدەین و بخەوین، چونکە شەو دەچینە سەر شاخ. هەندێکمان ڕاکشاین و هێشتا چەند خولەکێکی کەم بوو خەومان لێکەوت، گوللەتۆپێک لە نێوانماندا تەقییەوە و لە نێوانیاندا من بریندار بووم. ئازاد کەرکووکی و غەفووری حاجی ڕەشید هەر چۆنێک بێت تاقم و تفەنگەکەیان بۆ هەڵگرتم و بەرەو گوندی باڵخ گەڕاینەوە و ئەو هاوسەنگەرانەی لەگەڵمدا نێردرابوون، بێئاگا بووم لێیان و بەبێ فەرماندە مابوونەوە. کە گەیشتینە گوندی باڵخ، عومەر عەرەب کە فەرماندەی کەرتەکەمان بوو، شەوانە بە مەفرەزە دەچووە ناو ناحیەی کارێزەوە، دەستی لە سەرباز و چەکدارەکانی ڕژێم دەوەشاند. عومەر عەرەب یەکێک بوو لەو فەرماندانەی شارەزاییەکی تەواوی هەبوو لە جۆری مەفرەزەی تایبەت بۆ سەر نەیاران و دوژمن، لە دوورەوە کە منی بینی، بەپەلە بەرەو ڕوومان هات و باوەشی پێدا کردم و وتی: (ئەوە برینداری؟ ئەی برادەران چۆنن! کەس شەهید نەبووە؟) منیش هێندە خوێنم لێ ڕۆشتبوو، نەمدەتوانی وەڵامی بدەمەوە، بەڵام غەفووری حاجی ڕەشید پێی ڕاگەیاند کە بارودۆخەکە ئێجگار ئاڵۆز و خراپ بووە، تیپی 21ی کەرکووک دوو شەهیدیان داوە و هێزێکی کەمی عەبەڕەق لە پێشەوەی شەڕدان و کەسیش ناتوانێت بچێت بەهانایانەوە. عومەر عەرەب وتی جارێک پشوو بدەن. پێشمەرگەیەکمان لەگەڵدا بوو ناوی ئاکۆ بوو، باوکی دەرزیی لە خەڵک دەدا، ئەویش هەندێک شارەزایی لە دەرزیلێداندا هەبوو، پێیان دەوت دکتۆر ئاکۆ. لە سەردەمی شاخ و بێ دکتۆری و بێ مامۆستایی و تەنانەت مەلای موسڵمانیش، بە قەسابیان دەوت دکتۆر و هەر کەسێکیش سێ دەقی قورئانی لەبەر بووایە، پێیان دەوت مەلا، یاسین و تەڵقینی لە کاتی پێویستدا دەخوێند. ئیتر بەو هۆیەوە ئاکۆ ببووە دکتۆر. مووکێشێکی گەورەی پێ بوو، پێشمەرگە لەو سەردەمەدا وا بوو، ئاوێنەیەکی بچووک و مووکێشێک بۆ ڕیش چاککردن، چونکە زۆر درەنگ خۆیان دەشت و ڕیشیان دەتاشی، ئەوەش ببووە هۆکاری ڕیش هێشتنەوەی زۆرینەیان و فڵچەیەکی ددان شتن، بە کیفی مەخزەنی کڵاشیکۆفی نێو قەدیانەوە بوو، جاربەجار ڕیشی خۆی پێ چاک دەکرد، دەیکرد بە شوێنی برینەکەمدا و هێندە خەریکی دەبوو، ئازاری جەستەم وای لێ کردبووم پەی بە مردنی خۆم بەرم، بەڵام ئەو هەر کۆڵی نەدەدا و زیاتر مووکێشەکەی دەکرد بەناو جەستە و شوێنی برینەکەمدا، تاکوو ئەوەی پارچە ئاسنێکی بچووکی گوللەتۆپێکی دەرهێنا و ئیتر ڕۆح جارێکی تر گەڕایەوە بە جەستەمدا و بێ ئەوەی شەرم لە کەس بکەم، خەوم لێکەوت. پاش ماوەیەکی کەم کاتێک بەخەبەر هاتمەوە، وام دەزانی خەوم لێکەوتووە، بەڵام هاوڕێکانم پێیان وتم لە کاتی دەرهێنانی ئەو پارچە ئاسنە لەهۆش خۆم چووم. یەکەم سەرکەوتنی ڕژیمی بەعس لە شەڕ و نەخشە داڕێژراوەکانیدا، لە دۆڵەڕووتەوە دەستی پێ کرد و کەڵکی قەیوانی کۆنترۆڵ کرد و تیپی 21ی کەرکووک پاشەکشەی بە هێزەکەی کرد و ئەوەندەی من ئاگادار بم پێش برینداربوونم، ئەو هێزانەی کەرت و تیپەکانی یەکێتی خاوەنی هیزێکی لەبننەهاتوو بوون، بەڵام ئاستەمە خۆڕاگرتن بەرامبەر هێزێک سەد جار لە هێزی خۆت مەزنتر. عەبە ڕەق لەو شەڕە جوامێرانەی کە کردبووی، دوو پێشمەرگەی بریندار و تیپی 21ی کەرکووک دوو شەهیدیان دابوو، هێزی پێشمەرگەش لەو سنوورەدا شکستی هێنابوو و ڕژێمی بەعس بەردەوام لە هێرشکردندا بوو بۆ کۆنترۆڵکردنی تەواوی سنووری ئازادکراوی نێو هێزی پێشمەرگە. [1]

یادەوەرییەکان
مستەفا چاوڕەش

لە شەڕی سێ مانگەی قەیوان-ماوەتدا ساڵی 1986 لە جەبهەکانی بەرامبەر پێشمەرگه، حکومەت دەستی کرد بە پەلاماردان، لە پشتی خەمزەوە بۆ دوو برا و کەلکی قەیوان و دۆڵ بێشک و هەموو ناوچەکانی. هێزی پێشمەرگەش گەورەترین بەرگریی کرد. لە مەڵبەند و تیپەکانی تریشەوە هێز دەهات بۆ هاوکاری. شەڕەکان زیاتر لە سنووری تیپی 47ی پیرەمەگروندا بوو. بەڵام ئه و شەڕە گەورە و بەربڵاوە هەر بەوان نەدەکرا، لەبەر ئەوە هێزی پێشمەرگە بەشدار بوو، شەڕی هەمووان بوو. کاک کۆسرەت له و جەبهەیەدا سەرپەرشتیی هێزەکانی دەکرد. ئەوەی ڕاستی بێت، دوورگەی شەڕەکە بچوک دەبووەوه، چونکی هێزی دوژمن به و هەموو ئیمکانیاتە گەورەیەوە درێغیی نەکرد، هەرچی چەکی بوو، بەکاری دەهێنا، تۆپباران نەیدەهێشت هەناسە بدەی، هێزەکانی کە من لەگەڵیان بووم و سەرپەرشتیم دەکردن، به قەدەر پێویستی سەنگەرەکان دابەش بووبوون.

لە دوو برا و خەجە لەرزۆک و مارە ڕەش و شوێنەکانی تریش شەڕ گەرم بوو. لە یەکێک لە جەبهەکان کە زۆری خایاند و بەردەوام بوو، جەبهەی قەیوان بوو. من چووم بۆ دێی قەیوان. لەگەڵ سەڵاح چاوشین و ڕابەری سەید ئیبراهیم دەوروتەسلیمم کرد. چونکی هەر ناوبەناو لەبەر هیلاکی یەکترمان بەگوێرەی پێویستی شەڕەکه دەگۆڕی. ئەوان گەڕانەوە بۆ بارەگاکانی پشتەوە بۆ شاخی کورەنگ لە پشتی کارێزه. هێزێکم بە سەرپەرشتیی عوسمان شارستێنی جێگری تیپی 43ی ئاسۆس نارد. شەو حکومەت و جاشەکان هێرشیان هێنا، بەڵام پێشمەرگەکان لێیان هاتنە دەست. زیانێکی زۆریان لە دوژمن دا و لاشەی جاشێک بەجێما، دوایی به هۆی خەڵکی ناوچەکەوە تەسلیممان کردەوە. ئه و جێگەیەی لێی بووم، به هیمەت و ئازایەتیی پێشمەرگەکان و ئیمانی بەهێزیان زۆر سەرکەوتوو بوو.

یادەوەرییەکان
مستەفا چاوڕەش

شەڕی گەورەی کەلکی قەیوان 1985

من سەرپەرشتیی هەموو بەرەکانی شەڕەکەم دەکرد‌ حکومەت هەموو ڕۆژێک لە قولەکانی لای خۆمەوه هێرشی دەهێنا. پێشمەرگەش باشترین بەرگریی دەکرد. بڕوا بکەن لە مێژووی کورددا وێنەی نەبوو. ڕۆژێک هێزێکی گەورەی حکومەت لە دۆڵەڕووتەوە بە هەموو توانای خۆیەوە، هەر لە تەیارەی پیلاتوز و دەبابە هەتا جاش و جەیشەکەی هێرشی هێنا بۆ کەلکی قەیوان، مەیدانەکەش زۆر گەورە نەبوو، تیپی 31ی لێبوو. هەڤاڵ هەڵۆی ئەحمەد کوردە سەرتیپیان بوو. لەکاتی هێرشەکەدا ئەم پێشمەرگانە لە سەنگەرەکەدا بوون:

1- هەڵۆی ئەحمەد کورده، ‌سەرتیپ
2- عەبە ڕەق، فەرماندەی کەرت
3- ئازاد سابیر، جێگری فەرماندەی کەر‌ت
4- مەلا عەتار، فەرماندەی کەرتی 1
5- شەهاب، فەرماندەی کەرتی 1
6- وەستا کەمال، فەرماندەی کەرتی 3
7- جەمال حەمە کەریم، فەرماندەی کەرتی 4، شەهید بوو
8- حەمەزیاد، فەرماندەی کەرتی 5
9- مامە سەعە، فەرماندەی کەرتی 6
10- وەستا لەتیف، فەرماندەی کەرتی تیپ، دووەم ڕۆژ شەهید بوو

لە کاتی دەستپێکردنی شەڕەکەدا بێسیمێکی هۆکی تۆکیم پێبوو، هەڵۆش لە خوارەوە بوو. هەڵۆ هات و هەرووکمان سەرکەوتین بۆ لای پێشمەرگەکان. ئه و پێش من چووە‌ لای پێشمەرگەکان. ڕێک کەوتین من لە خوار ئەوانەوە بم. شەڕ گەرم بوو. هەتاکو ئەو کاتە‌ شەڕم زۆر بینی بوو و بەشدارییم تێدا کردبوو، بەڵام شەڕی وەک ئەوەی کەلکی قەیوانم نەبینیبوو. کەلکی قەیوان چەند سەد مەترێکە و زیاتر نییە‌، ئه و جێگەیەی شەڕەکەی تێدا بوو، هێرش لەسەر هێرشیان بۆ دەکرد، بەڵام دەشکان. وا ڕێک کەوت بێسیمەکەم کردەوە. لەگەڵ ئەفسەرێک ڕەبت بوو، گوێم لە قسەکانی ئەفسەرەکە بوو، قسەی بۆ پلەدارێکی لە خۆی گەورەتر دەکرد. ئەفسەرەکە بۆ ئەوەی خۆی بکات بە پاڵەوان، دەیوت سەیدی وا نزیک بووینەوه و شکاندمانن، کە گوێم لەم قسانەی بوو چوومە‌ سەر خەتەکەی و وتم درۆ دەکەیت. ئەگەر ڕاست دەکەیت، سەرت بەرز بکەرەوە، ئێمە لە جێگەی خۆمانین و هیچ شوێنێکتان نەگرتووە. وام لێکرد ڕووخاندم، هەرواش بوو و درۆی دەکرد. کۆتایی شەڕەکە ئێوارە سەرباز و جاش شکان، بەره و خوارەوەی دۆڵەڕووت هەڵاتن و شۆڕ بوونەوە.

من ئێوارە شتێکم نووسی بۆ ڕادیۆی گەلی کوردستان. لەبیرمە چیم نووسی، ئێوارەش ڕادیۆکە بڵاوی کردەوە و هێز و توانایەکی تری بە خەڵکی و پێشمەرگه ‌دا. بەم شێوەیە بوو:

کۆمەڵانی خەڵکی کوردستان، جارێکی تر پێشمەرگە قارەمانەکانی کوردستان پەیمانیان تازە کردەوە لە شاخی قەیوان، کە نەهێڵن دوژمن وڵاتەکەمان داگیر بکات، پێشمەرگەکانی قەیوان بڕیاریان داوە ئەگەر شاخی قەیوان بگوێزیتەوە، ئەمان لەجێگەی خۆیان بمێننەوە و شەهید بن و سەنگەرەکان چۆڵ نەکەن. پەیمان به ‌خوێنی شەهیدان دەدەن بەردەوام بن و دوژمن بشکێنن.

دوای ئەوەش ڕۆژانی تر چەند جارێک هێرشیان هێنا و بە شکاوی گەڕانەوە. دیارە لە بەرەکانی تریش شەڕ هەر بەردەوام بوو. من ماوەی مانگێک لەوێ بووم. تاکو لەوێش بووم، بڕوا بکەن تاقە سەنگەرێکمان نەگیرا. جگە له و کەسانەی لە پێشەوە ناوم هێنان، ئەم هەڤاڵانەش لەوێ بوون هەرکەس بە پلەی خۆی.

1- جەمال ئەبو شوارب، جێگری کەرت
2- تایەر چاوشین دەرمیانەیی، جێگری کەرت
3- فایەق چاوشین، جێگری کەرتی 5
4- تایەری حاجی سەعید، جێگری کەرتی 6
5- عەلی چەلەبی، جێگری کەرتی تیپ
6- ڕۆستەم قولەرەیسی، فەرماندەی مەفرەزە
7- دلاوەری حاجی عوسمان پێنجوینی، فەرماندەی مەفرەزە
8- ئیبراهیم، فەرماندەی مەفرەزە، شەهید بوو
9- کەمال مالیە، فەرماندەی مەفرەزە
10- مەحموود بناوەسوتەیی، فەرماندەی مەفرەزە
12- جەلال، فەرماندەی مەفرەزە
کادێر‌ەکانیش ئەمانە بوون:

1- سەیوانی حەمە زڕگوێزی، بەرپرسی ڕێکخستنی تیپ بوو
2- شێخ جەمیل، بەرپرسی پۆل بوو، شەهید بوو
3- سالار عوسمان، کادێری ڕێکخستن
4- شێخ کامل، کادێری ڕێکخستن
5- شێخ سالار، کادێری ڕێکخستن
6- جەزا ئەحمەد کورده، ‌ڕابەری سیاسی بوو
7- بەرزان ئەحمەد کوردە، کادێری ڕێکخستن بوو

لە جەبهەکان شەڕ هەر بەردەوام بوو، تیپەکانی 63ی جوتیاران و 43ی ئاسۆسمان لەگەڵ بوو. دواتر عەبدولڕەحیم میرزا ڕۆستەم، کە سەرتیپ بوو، هاتە جێگەکەم. ئەم شەڕە سێ مانگ درێژەی کێشا. ئەم تیپانەش بەشداربوون لە قوڵەکەی لای منەوە:

1- تیپی 93ی کۆیه: ‌ڕەهبەری سەید ئیبراهیم سەرتیپ بوو، شەهید محەمەد شینە جێگری سەرتیپ بوو، مەولود فەرماندەی کەرت بوو.

2- تیپی 43: عوسمان شارستێنی جێگری تیپ بوو، سەرپەرشتیی دەکرد. شەهید مەحموود سێدەری فەرماندەی کەرت بوو.

3- تیپی 23ی سوورداش: جوامێر براخاس سەرتیپ بوو. حەمەی تەییب جێگری تیپ بوو.

لە گەڕەدێوە ڕۆشتین بە هانای پێشمەرگەکانەوە بۆ شاخی گۆجار. فریا نەکەوتین و پێشمەرگە شکان و هاتنە خوارەوه،‌ شەهید و برینداریان هەبوو. یەکێک لە پێشمەرگە ئازا و قارەمانەکان شەهید عەلی مەسیفی بوو، کە ئامرکەرتی تیپی مەڵبەندی سێ بوو لای کاک کۆسرەت. تاکو دێی ‌کانی مێو شەهید و بریندارەکانمان هەر بە ڕاکێشان هێنایە خوارەوە بۆ ئەوەی دەستی دوژمن نەکەون.

بۆ مێژوو حیزبی دیموکراتی کوردستانی ئێران یارمەتییەکی زۆریان داین لە هەموو ڕوویەکەوە، بەتایبەت ڕۆژی کشانەوەمان پاش ئەوەی جێگەکانمان بەجێ هێشت. هێزەکانمان ئیزن دان و بڵاوەیان کرد، ئێمەش به و هیلاکییە زۆرەوە یەکمان گرتەوە، چووین بۆ لای مام جەلال، بارەگاکەی لە دێی یاخسەمەر بوو. من و کاک کۆسرەت و ڕائید جەلال ڕۆیشتین بۆ لای. کە گەیشتینە ئەوێ، چووینە‌ ژێرزەمینێکی بچوکەوە. دانیشتین و قسەی بۆ کردین، بۆ بەرزکردنەوەی ورەمان وتی ئەم شۆڕشە سەرکەوتن و کشانەوەشی تێدا دەبێ. دیارە زۆریشی پێناخۆش بوو. بەڵام وتی ئێوە هەر کە دەڵێن سەنگەرەکان، دەگرین، بەڵام مانەوە و بەرگری و شەڕی بەرامبەر زەحمەتە، دەبێ زۆر باش بزانن شۆڕش هەم هێرشە و هەم بەرگریکردن، زۆری قسە بۆ کردین لەسەر گرنگیی سەنگەرلێدان بۆ خۆپاراستن لە تۆپبارانی ڕژێم. دوایین قسەی ڕووی تێکردین و وتی هەڤاڵینە ئێمە دەبێ خۆمان ئامادە بکەین بۆ هەموو ڕووداوێک. وامان دانابوو پاش کشانەوەمان لە گۆجار و جەبهەکانی تر لە نزیکی بارەگای مام جەلال لە یاخسەمەر بمێنینەوە. وتمان ڕەنگە سوپای عێراق هێرشی بەردەوام بێ بۆ سەر بارەگای مام جەلال بە حوکمی ئەوەی بارەگەکەی نزیک بوو. وتی ئێستا ئێوە چیتان پێباشە، من ئامادەم، تەنانەت ئەگەر شکانیش هەبێ. دەستم سوتاوە، جارێکی تر ناچمەوە بۆ ئێران، لام باشە بچم بۆ مەڵبەندی سێ بۆ لای کاک کۆسرەت. ئێمەش ڕەئیەکەیمان هەر زۆر پێباش بوو، لە قسەکانیدا هێز و توانای داینێ. دوای کۆبوونەوەکە، هەریەکەمان گەڕاینەوە بۆ شوێنەکانی خۆمان. من لەگەڵ هێزەکەمدا گەڕامەوە بۆ ناوچەی مەرگە. هەڤاڵەکانی تریش لەگەڵ هێزەکانیان بڵاوەیان لێکرد‌.
کە گەڕاینەوە، هێزەکانمان ڕێک خستەوه و کارەکانمان دابەش کرد بەسەر تیپەکانی ئەوێدا. بەهار بوو و هێشتا شوێنە کوێستانییە‌کان بەفری پێوە مابوو. پاش ماوەیەک لە سەرکردایەتییەوه بروسکەیان بۆ کردین‌ بۆ ئەوەی بەرنامەی گرتنی هەندێ جێگە دابنێن. ئەوەی کە پێی ئەوترێ داستانی ڕزگاری.

#قوباد تاڵەبانی# جێگری سەرۆکی حکومەتی هەرێمی کوردستان کۆمپانیای مایۆرکا دەکاتە شوێنگرەوەی کۆمپانیای قەیوان.
بەپێی ئەو زانیارییانەی تایبەت دەست بوار کەوتووە، بەهۆی ئەوەی کۆمپانیای قەیوان کۆمپانیایەکی پشکدارییە و خاوەندارییەکەی بۆ چەند کەسێک دەگەڕێتەوە، قوباد تاڵەبانی دەیەوێت کۆمپانیای مایۆرکا بکاتە شوێنگرەوەی کۆمپانیای قەیوان.
هەر بەپێی زانیارییەکان، ئێستا تەواوی خاوەنداری کۆمپانیای مایۆرکا، کە بەم دوایانە دامەزراوە بۆ خودی قوباد تاڵەبانی دەگەڕێتەوە و دەیەوێت ئەو کۆمپانیایە بکاتە کۆمپانیای ژمارە یەک لە سنووری زۆنی سەوز.
بوار زانیویەتی، قوباد تاڵەبانی بەنیازە لەمەولا لە ڕێگەی پێدانی چەندین پرۆژەی گەورە، کۆمپانیاکە فراوان بکات و کارەکانی چەندین بوار بگرێتەوە، بەتایبەتی بوارەکانی وەبەرهێنان، کە لە ئێستاوە چەند پارچە زەوییەکی گەورە بۆ کۆمپانیاکە دابینکراوە و کۆمپانیاکەش دەیەوێت یەکەی نیشتەجێبوونیان لەسەر دروست بکات. [1]

چیا

ئاکۆ غەریب
رەنگی ئاوی
2016