بەپێی ڕاپۆرتی ئاژانسی هەواڵدەریی کوردپا، لە یەکەم ڕۆژی کۆبوونەوەی ناڕەزایەتی لە #مەریوان#، 16 هاووڵاتیی خەڵکی ئەو شارە لەلایەن هێزە نیزامییەکانەوە دەسبەسەر و بۆ گرتنگەی ئیتلاعاتی سپای پاسداران ڕاگوێزراون.
هەواڵنێری کوردپا لە مەریوان لە ڕاپۆرتەکەیدا ڕایگەیاند: هاووڵاتییەک بە ناوی =KTML_Bold=لوقمان خوراب=KTML_End=، تەمەن 28 ساڵ، کوڕی محەممەد، لەگەڵ 15 هاووڵاتیی دیکەی خەڵکی مەریوان لەلایەن هێزە نیزامییەکانەوە، لە مەیدانی جیهاد دەسبەسەر کراون و هیچ زانیارییەک لە چارەنووسی ئەو هاووڵاتییانە لەبەر دەستدا نییە.
بەپێی ڕاپۆرتی هەواڵنێری کوردپا، لوقمان خوراب خەڵکی گوندی دەلی شاری مەریوانە و لە کاتی هێنانی کوڕەکەی بۆ نەخۆشخانەی مەریوان، پاش دەستپێکردنی ناڕەزایەتیی هاووڵاتییان لەو شارە، لە گۆڕەپانی جیهاد، لەگەڵ 15 کەسی دیکە کە شوناسیان هەتا ئێستا ڕوون نەبووەتەوە، دەسبەسەر کراوە.
ئەو سەرچاوەیە هەروەها ئەوەشی خستەڕوو، بنەماڵەی خوراب بۆ ئاگاداربوون لە چارەنووسی کوڕەکەیان سەردانی ئیدارەی هێزە نیزامییەکانیان لەو شارە کردووە و پێیان ڕاگەیاندوون کە کوڕەکەیان تەنیا شەوێک لەو ناوەندە حکوومەتییە بووە، ڕۆژی دواتر (یەکشەممە 26ی خەزەڵوەر)، ئیتلاعاتی سپای پاسداران ئەوانیان بۆ گرتنگەی ئەوە ناوەندە ڕاگواستووە.
سەرچاوەی کوردپا لە مەریوان هەروەها زیادی کرد، پاش سەردانی بنەماڵەی لوقمان خوراب بۆ ئاگاداربوون لە چارەنووسی کوڕەکەیان، مەئموورانی ئیتلاعاتی سپای پاسداران لە دانی هەر جۆرە زانیارییەک بەو بنەماڵەیە خۆیان بواردووە.[1]

رۆژی 25-06-2015 لە هێرشەکەی #داعش# بۆسەر #کۆبانێ# شەهید بوو.

یەک لە گوندەکانی شاری #مەریوان#ی #ڕۆژهەڵاتی کوردستان#ە.

شارەوانی #مەریوان# یەکێک لەو شارەوانییانەی شارەکانی ڕۆژهەڵاتە کە تووشی داڕمان بووە و زیاتر لە شەش مانگە نەیتوانیوە موچەی کرێکاران وفەرمانبەرانی شارەوانی دابین بکات.
پێڕانەگەیشتن بە پاک وخاوێنی شارو کۆنەکردنەوەی زبڵ و پاشماوەکانی ناوشر ماوەیەکە بووتە قەیرانێکی گەورە لەو شارەدا، بەجۆرێک کە زبڵ بە مانگ لەناوشاردا دەمێنێتەوە و شارەوانی تا ئیستا نەیتوانیوە ڕێگە چارەیەک بۆ ئەو کێشەیە بدۆزێتەوە.
کاربەدەستانی شارەوانی هەوڵی ئەوە دەدەن کە زبڵ وپاشماوەکانی ناوشارلە گوندەکانی دەورووبەری مەریوان جێگیربکەن کە ئەم کردەوەیە کاردانەوەی هاووڵاتیانی لێکەوتووەتەوە، ماوەی چەند ڕۆژێکە کە بەرپرسانی شارەوانی مریوان بەنیازن کە زبڵ و پاشماوەکانی شارلە سەیرانگەی ناوتاق-ی سەربەناوچەی کۆماسی بڕێژن، کە بووەتە هۆی ناڕەزایەتی هاووڵاتیان، ماوەی چەند ڕۆژێکە هاووڵاتیان بە ڕاگەیاندنی کەمپەینیک ناڕەزایەتی خۆیان لەهەمبەر ئەوکارە دەربڕیبوو.
بەرەبەیانی ئەمڕۆ بەسەدان کەس لە ژینگەپارێزان وهاووڵاتیان شارەی مەریوان وناوچەی کۆماسی لە هەڵمەتێکدا دەستیان کرد بە خاوێن کردنەوەی سەیرانگەی ناوتاق(کانی سێف). بەەڕێوەبەرانی ئەو کەمپەینە ڕایانگەیاند کە بە هیچ شێوازێک ڕێگە نادەین کە سرۆشتی کوردستان ناشیرین بکەن.
لەلایەکی دیکەوە بەرپرسانی شارەوانی و ئەندامانی ئەنجوومەنی شاری مەریوان وەک مافیای زەویی وداهاتی ئەوشارە دەستیان کردووە بە تاڵان ودزیی سەرچاوەکانی شاری مەریوان، بەجۆرێک سەرەڕای ناڕەزایەتی زۆرلە شێوازی بەڕێوەبردنی شارەوانی ئەندامانی ئەنجوومەنی شاری مەریوان جارێکی دیکە متمانەیان بە سەرۆکی شارەوانی ئەو شارە دایەوە.
هاوکات لە گەل نزیک بوونەوە بە وەرزی سەرما وباران بارین هاووڵاتیانی شاری مەریوان کە بەێ هیوا بوون لە شارەوانی شارەکەیان، سەرەڕای کێشەی ئابووری بە پارەی خۆیان دەستیان کردووە بە نۆژەنکردنەوە و ڕمڵکردنی کۆڵانەکانی ناوشار.
لە زۆربەی گەڕەکەکاندا هاووڵاتیان خۆیان دەستیان کردووە بەجوانکاری و ناشتینی نمام، هەروەها تائیستا هاووڵاتیان بۆتێپەربوونی ئۆتۆمبێلەکانیان لە نێو کۆڵانەکاندا بە پارەی خۆیان دەستیان کردووە بە دروست کردنی چەندین پرد.[1]
#05-10-2018#

(شەهید لووتکەی هەڵوێستی ئینسانە
جەماوەری بە شەرەفی نیشتیمان، ئاشقانی ژیان و مرۆڤایەتی، هۆگرانی ئاوەدانی و ئاشتی
وەک ئاگادارن لە درێژەی بەرگری له بەرامبەر ئاگری ماڵوێرانکەری ڕق و قین، نیوەڕۆی ڕۆژی شەممە ڕێکەوتی 3ی خەرمانانی 1397ی هەتاوی گیانی چوار هاوڵاتی #مەریوان#ی ستاند کە دوان لەوانە لە ئەندامانی دەستەی بەڕێوەبەری ئەنجومەنی سەوزی چیا بوون. ئەمە خەسارێکی بەرچاوی لە ڕەوتی بزووتنەوەی مەدەنی ئەم کۆمەڵگایەدا کە بێ گومان قەرەبوو کردنەوەی ئێجگار ئەستمە.
تاریک پەرەستان و دوژمنانی ژینگە و ئاوەدانی هیچ ڕێگایەک نەماوە نەیگرنە بەر بۆ کاولکاری و خاپوور کردنی ئەم نیشتمانە و بنەڕەتەکانی مرۆڤایەتییان کردوەتە ئامانج. بێ ئاگا لەوەی کە سروشتی ژیانەوەی ئەم دەڤەرە پڕاوپڕە لە سەرهەڵدانی قەقنەس ئاسا و لە هەمان ساتدا کە خەیاڵی خاویان نایگاتێ لە خۆڵەمێش گڕمان سەر هەڵدەداتەوە و کەڵە سوارانێکی تری وەک شەریف و ئومێد بەدی دێنێتەوە. نازانن ئێرە لانکەی قارەمانان و کەڵە سوارانە، مەکۆی هەڵقوڵینی هزر و هەڵوێستی شێرانەیە، ئەوان قەد بە خەیاڵیشیان نایەت کە تەرمی بە جێماوی ئەو دوو فەرماندەیەی بەرگری، لە ژینگە تا چەندە گڕکانی دڵی ئاشقانی ژینگە و ژیان ئەبووژێتەوە و ڕووناکی ئەداتە ڕێگای پڕ لە شەرەفی ڕەوتی ماندوویی نەناسانەی خێڵی بەرگران. خۆڵەمێشی بە جێ ماویان ئەبێت بە سورمەی چاوی گلایەک و شەقەی هزریان باڵ ئەکێشێت بەسەر هەموو چەمکەکانی گەشەدا.
ئێستا زرێبار دەس لە ئەژنۆ هەڵکورماوە و لە باوەشی دارستان و چەم و ڕووباردا جەستەی بە جێماوی ڕۆڵەکانی ئەلاوێنێتەوە، چەم و دار و بەرد خاوەن پرسەن و دەستە دەستە وەڵامی سەرەخۆشی ئەدەنەوە، ئێستا کاتی سەرەخۆشی لە ژیانە، ژیان و مانەوە قەرزاری ئەو دوو پڵنگەن، پڵنگانێک کە تا هەتایە کاریگەرییان لەسەر هەناسە و ژیانی ئەم دەڤەرە ئەمێنێتەوە. ئەوان بوون کە جڵەوی بزووتنەوەی ژینگە و یەکسانییان گرتە دەست و لە ئاکامدا بوونە ئەستێرەیەکی پرشنگداری ئاسمانی ژینگە و پێکەوە ژیان. ئەوان بوون کە چۆکیان بە بوومەلەرزە دانەدا و ئاستی مرۆڤایەتییان چەن هەنگاو بردە سەرەوە و بوونە چرای هەمیشە داگیرساوی ڕێگای پیرۆزی ئاشتی و ئاوەدانی.
ئێمە وەکوو ئەنجومەنی سەوزی چیا وێڕای پرسە و سەرەخۆشی بۆ بنەماڵەی ئازیزیان و هەموو کۆمەڵگای مرۆڤایەتی، دیسانەوە جەخت ئەکەینەوە کە ئەو دوو شەهیدە بۆ هەمیشە ئەبنە چرای ڕێگای پیرۆزی چیا. چیا بۆ هەمیشە خۆی بە قەرزاری هزر و هەڵوێستی ئەو دوو بەڕێزە ئەزانێت و بیرەوەرییان بەشێکی بەرچاوە لە ڕێگامان.)
#26-08-2018#

بەیاننامەی ئەنجومەنی سێنفی مامۆستایانی کوردستان_#مەریوان# سەبارەت بە مەحکوومکردنی ئازادنەکردنی محەممەد حەبیبی و زیندانییانی سیاسیی دیکە سەرەڕای بڵاوبوونەوەی ڤایرۆسی کۆرۆنا
لە کاتێکدا کە بەرەو کۆتاییەکانی ساڵی 98 دەڕۆین، کە لەم ڕۆژانەدا شایەتی بڵاوبوونەوەی ڤایرۆسێکی مەترسیدارین بە ناوی کۆرۆنا، کە هەزاران کەس لە سەرتاسەری جیهانی گیانیان لەدەستداوە یان لە نەخۆشخانەکاندا خەوێندراون و مەترسیی بڵاوبوونەوەی هەرچی زیاتری ئەو نەخۆشییە، وێڕای دروستکردنی مەترسییەکی زۆر لە ناو هاووڵاتییان، کۆمەڵگەی لە بەرەبەری قەیرانێکی گشتگیر قەرار داوە.
دەوڵەتەکان و بەرپرسەکان بەو شێوە کە جێگای شیاوە، ڕێوشوێنەکان و پارێزراوی وەکوو دابڕگەی شارەکان و گوندەکان لەگەڵ ئیمکانات و پێداویستییەکانی ژیانی خەڵکی و هەروەها سازکردنی نەخۆشخانەکان و ناوەندە دەرمانییەکان، بۆ تێپەڕین لەو مەترسییەیان لەبەرچاوە نەگرتووە.
ئێران یەکێک لەو وڵاتانەیە لە سەرەوەی وڵاتان دایە کە ئەو نەخۆشیە، بە داخەوە زۆربەی بنەماڵەکەی داغدار کردووە و ڕۆژ بە ڕۆژ شایەتی چوونە سەرەوەی ئاماری تووشبووان و گیان لەدەستدانی هاووڵاتییان بەو ڤایرۆسەین لەم وڵاتە.
ئەمڕۆ زیندانەکان یەکێک لە بندەست ترین و مەترسیدارترین شوێنەکان بۆ بڵاوبوونەوەی ڤایرۆسی کۆرۆنا و بەداخەوە ڕێژەیەکی زۆر لە زیندانەکان، لە ڕاپۆرتی ناوەندە سەربەخۆکان ئاماژە بە بڵابوونەوەی ڤایرۆسی کۆرۆنا کراوە. ئەگەرچی ڕێژەیەک لە زیندانییانی ئاسایی و سیاسی ئیزنی مەرەخەسیان پێدراوە، بەڵام زۆربەی زیندانەکان پڕە لە زیندانییانێک کە دەبێت بە زووترین کات ئیزنی هاتنە مەرەخەسییان پێبدرێت.
محەممەد حەبیبی یەکێک لە مامۆستا تێگەیشتوو و پێبەندبووەکان کە یەکێک لە سەدان زیندانیی سیاسییە، کە هەنووکە ڕۆژانی سەخت لە زیندانی تاران تێدەپەڕێنێت، ئەو چالاکە فەرهەنگییە لە ساڵونێکدا زیندانی کراوە کە ژمارەیەکی زۆر لەو زیندانییانە که تووشی ڤایرۆسی کۆرۆنان و دەبێت بە بێ دواکەوتن ئازاد بکرێت.
ئەنجومەنی سێنفی مامۆستایانی کوردستان_مەریوان وێڕای نیگەرانی خۆی بە نیسبەت گیانی محەممەد حەبیبی و زیندانیی سیاسی_عەقیدەتی دیکە (ژنان، کرێکاران، خوێندکاران، مامۆستایان و...) خوازیاری ئازادی دەسبەجێی تەواوی ئەو خۆشەویستانەین و ڕایدەگەیەنین کە بەرپرسایەتی هەرجۆر ڕووداوێکی نەخوازراو لە زیندانەکان بە شێوەی ڕاستەوخۆ لەئەستۆی دەوڵەت و هێزی دادوەری و ئیدارەی زیندانەکانه.
زیندانییەکان ئازاد بکرێن، پێش لەوەیکە کارەساتێک ڕوو بدات.
#18-03-2020#

یەکێک لە ڕێکخراوە ژینگەپارێزییەکانە، لە شاری #مەریوان#ی ڕۆژهەڵاتی کوردستانە.

گوند

بەپێی هەواڵی گەیشتوو بە ئاژانسی هەواڵدەریی کوردپا، لە ماوەی چەند ڕۆژی ڕابردوودا و بۆ سێهەمین جار، بە شێوەیەکی نایاسایی کەس یان کەسانێکی هەلپەڕەست، دەستیان بە بڕینی دارستانەکانی گوندەکانی گاگل، باشماخ و چەنارە کردووە.
بە وتەی سەرچاوەیەکی ئاگادار، لە ماوەی 8 مانگی ڕابردوودا، ئەمە سێهەمین کەرەتە کەسانێکی نەناسراو بە شێوەیەکی نەشیاو دەستیان بە بڕینی دارەکانی ئەو سێ گوندە کردووە و لایەنە پەیوەندییەدارەکانیش بێدەنگیان هەڵبژرادووە.
بە وتەی ئەو سەرچاوەیە، ناڕەزایەتی و سکاڵای هاووڵاتییانی ئەو سێ گوندە، لە ئیدارەی سەرچاوە سروشتییەکان بۆ پێشگرتن لەو ڕەوتە، هەتا ئێستا بێ ئاکام ماوەتەوە و هیچ بەرپرسێکی حکوومەتی لەو شارە وڵامدەر نییە.
پێشتریش، کەسانێکی هەلپەرەست و بەرژەوەندیخواز، لە گوندی کانی جەژنی شاری #سەقز#، بۆ بەرژەوەندیی تایبەتی خۆیان نزیکەی 100 دار لە دارستانەکانی ئەو گوندەیان بڕیبوو.[1]
#10-11-2018#

بە پێی هەواڵەکە هێزەکانی سپای پاسداران لە مۆڵگەی دۆڵەبی کۆڵبەران دەدەنەبەر دەسرێژ و لە ئەنجامدا کۆڵبەرێک بەناوی هادی مینویی خەڵکی گوندێ” نێ” تەمەن 35ساڵان دەکوژن و چوار کۆڵبەریتریش بریندار دەکەن.
شایانی باسە سێ ساڵ بەرێ کاتێک سەرۆک کۆماری ئیسلامی حەسەنی ڕۆحانی بە شوعاری ئیسڵاحات و بە هێمای کلیلیکەوە گە گویا کلیلی چارەسەری کێشە کۆمەڵایەتی و ئابوریەکانی ئێرانی بەدەستەوە گرێ پوچکەکان دەکاتەوە و دەسەڵات و حکومەتی گرتە دەست، تاکە دیاری و دەسکەوتێکی بۆ کوردی ڕۆژهەڵات هەر داخستنی سنوورەکان و توند کردنی باری ئەمنییەتی کوردستان و زیاد کردنی ڕێژەی لەسێدارە دانەکان و دەست ئاوەڵا کردنی پاسدارانە بۆ تەقەی ڕاستەوخۆی پاسداران و کوشتنی کاسبکاران بە بێ لێپێچینەوە ئەمە تاکە کلیلی چارەسەری کۆمەڵگای کوردەواریە بوە و بە لای کۆماری ئیسلامییەوە هەر لە سەرەتای بەتاڵان بردنی شۆڕشی گەلانی ئێران لە ساڵی 57وە
کۆمەڵەی مافی مرۆڤی کوردستان
15-08-2016