=KTML_Bold=بەرێز/ #سەڵاحەدین بەهادین# ئەمینداری گشتی #یەکگرتووی ئیسلامیی کوردستان#..=KTML_End=
=KTML_Bold=بەڕێزان/ ئەنجوومەنی جێبەجێکردن و سەرکردایەتی یەکگرتووی ئیسلامی کوردستان...=KTML_End=

بەبۆنەی (28)ەمین ساڵیادی دامەزراندنی یەکگرتووی ئیسلامی کوردستان جوانترین پیرۆزبایی ئاڕاستەی ئێوەی بەڕێز و سەرجەم ئەندام و لایەنگرانی حزبە تێکۆشەرەکەتان دەکەین و، ئومێدەوارین هەمیشە لە پێشکەوتن و سەرکەوتن دابن لەپێناو بەدیهێنانی گشت ئامانجە رەواکانی گەلەکەمان.
ئەو یادەتان لە کاتێکدا پیرۆزدەکەین، کە ھەرێمی کوردستان و عێراق بە هەلومەرجێکی زۆر ھەستیار و چارەنووسساز گوزەر دەکەن بۆیە پێویستە سەرجەم ھێز و لایەنە سیاسییەکان بەوپەڕی بەرپرسیاریەتییەوە ئەرکە نەتەوەیی و نیشتیمانیەکەیان رابپەڕێنن لەپێناوی بەرژەوەندییە باڵاکانی گەل و وڵاتەکەمان و، یەکڕیز و یەکدەنگ کاری زیاتر بکەین بە مەبەستی پتەوکردنی بنەماکانی دیموکراسی و کاری پێکەوەیی و قوڵکرنەوەی گیانی یەکترقبوڵکردن و ھاوپەیمانیەتی، دڵنیاشین لەوەی سەرکەوتن ھەر بۆ ئیرادەی پۆڵایینی گەلەکەمانە.
جارێکی دیکە پیرۆزباییتان لێدەکەین و ھیوادارین ھەر سەرکەوتوو بن و ھەر لە پێشکەوتن دابن. [1]

مەکتەبی سیاسی
#پارتی دیموکراتی کوردستان#
#06-02-2022#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بسم الله الرحمن الرحیم
کُلُّ مَنْ عَلَيْهَا فَانٍ ۆيَبْقَی ۆجْهُ ڕَبِّکَ ذُو الْجَلالِ ۆالإِکْرَامِ
بەرێز / کاک نێچیرڤان بارزانی
السلام علیکم ورحمە الله وبرکاتە
بەبۆنەی وەفاتی کاک دلۆڤان برای بەرێزتان..
پرسە و سەرەخۆشی خۆمانتان ئاراستە دەکەین و داواکارین لە خوای بەخشندە لێی خۆش بێت و بە بەهەشتی شاد بکات و ئارامیش بە ئێوە و بنەماڵە بەرێزەکەتان ببەخشێت، ئاخری غەم بێت.
إِنَّا لِلّهِ ۆإِنَّا إِلَيْهِ ڕَاجِعونَ
براتان
سەلاحەدین محەمەد بەهائەدین
ئەمینداری گشتی یەکگرتووی ئیسلامی کوردستان
#02-04-2018#

بەمەبەستی هاوکاریکردن لە ئاساییکردنەوەی بارودۆخی شاری #کەرکووک# و بەگەرخستنەوەی ئەنجومەنی پارێزگا و لەبەر ئەوەی بەرێز (#ڕێبوار تاڵەبانی#) سەرۆکی ئەنجومەنی پارێزگاری کەرکووک بە وەکالەت لەو هەڵومەرجەدا ناتوانێت بگەرێتەوە شارەکە، پێمان باش بوو یەکێک لە دوو ئەندامەکەی دیکەی فراکسیۆنی یەکگرتوو لە ئەنجومەنی پارێزگاری کەرکووک (جوان حەسەن) جێگەی بەرێز (رێبوار تاڵەبانی) بگرێتەوە.
د. #هادی عەلی#
سەرۆکی ئەنجومەنی کاروباری سیاسی #یەکگرتووی ئیسلامی کوردستان#
02-12-2017

بسم الله الرحمن الرحیم
لە کاتێکدا کە خەڵکی کوردستان دوچاری بەڵایەکی جیهانی مەترسیداربووەتەوە و هەموولایەکمان بەمیلەت و حکومەتەوە لە هەوڵی دەربازبوون لەم بەڵایەداین و مەترسی دەرهاویشتەی ئابوری و کۆمەڵایەتی و سیاسیەکان دایگرتووین.. بەداخەوە گوێ بیستی شەڕی ڕاگەیاندنی دوو حزبی دەسەڵات و گەورەکردنی خاڵی ناکۆکی و گێچەڵ بەیەکترکردن ئەبین..
ئێمە لە یەکگرتووی ئیسلامی کوردستان بەحاڵەتێکی هێجگار مەترسیدار دەروانینە ئەم دۆخە و دەخوازین کە سەرکردایەتی هەردوو حزبی دەسەڵات و سەرۆکایەتی هەرێم و حکومەت و پەرلەمانی کوردستان بە ئەرکی مێژوویی خۆیان هەڵسن و ڕێگە بگرن لەم جموجۆڵ و دەنگۆ نەشازانەی باکیان بە چارەنوسی میلەت نیە و ئایندەی ئەم هەرێمە بەره و نادیار و هەڵدێر ئەبەن.
ئاشکرایە بارودۆخی ناوچەکە و عێراق جگە لە شەڕی ڤایرۆسی کۆڕۆنا لەسەر لێواری چەندین مەترسی دایە و ناکرێ ئەم هەل و مەرجە نادیدە بگیرێت و بەم شێوەیە هەموو ڕۆژێک زەنگی شەڕی دوو ئیدارەیی و لەباربردنی هەموو دەستکەوتەکان لێ بدرێ و دڵەراوکێ و نائومێدی باڵ بکێشێ بەسەر خەڵکی ماندوو و شەکەتی کوردستاندا.
لە سۆنگەی هەست بە بەرپرسیارەتی ئەخلاقی و نیشمانی یەوە داواکارین لە بەرێزان سەرکردایەتی #پارتی دیموکراتی کوردستان# و یەکێتی نیشتمانی کوردستان و سەرۆکایەتی حکومەت :
1. بەپەلە هێرشی ڕاگەیاندن و جەنگی سوشیال میدیا ڕابگرن.
2. هێزی پێشمەرگە لە سنوری بازنەی بەریەککەوتن و ئەگەری جەنگ دووربخەنەوە.
3. کۆبوونەوەیەکی باڵا بکەن بۆ چارەسەری ئه و گلەیی و ڕەخنانەی هەیە لەسەر یەکتری.
4. سەرۆکایەتی هەرێم ڕۆڵی کاراتر ببینێ لەم بارودۆخەدا.
5. ئێمە وەکو یەکگرتوو ئامادەیی هەر ئەرکێکین لەم بارەیەوە..
چاوەرێ ی هیمەتی دڵسۆزانەی هەموولایەکین
خودا گەل و نیشتمانمان لە هەموو بەڵا و کارەساتێک بپارێزێ..
یەکگرتووی ئیسلامی کوردستان
ئەنجومەنی جێبەجێکردن
#16-04-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکەی #بافڵ تاڵەبانی#:
بەڕێز مامۆستا سەڵاحەدین محەمەد بەهائەدین، برایان و خوشکانمان لە ئەنجومەنی جێبەجێکردن و سەرکردایەتی و ئەندام و لایەنگرانی یەکگرتووی ئیسلامی کوردستان.
بە بۆنەی تێپەڕبوونی 28 ساڵ بەسەر ڕاگەیاندنی یەکگرتووی ئیسلامی کوردستان، گەرمترین پیرۆزبایتان ئاڕاستە دەکەین، هیوای بەرەوپێشچوونی زیاترتان بۆ دەخوازین.
یەکگرتووی ئیسلامی کوردستان وەک هێزێکی مەدەنی میانڕە و، خاوەن هەڵوێست و گوتار و دیدی بەرپرسیارانە بووە، ڕۆڵی دیار و بەرچاوی هەبووە و هەمیشە بەشێک بووە لە چارەسەر بۆ کێشە و قەیرانەکان و کاری چاکەخوازی، کە ئەمە جێگەی ستایش و پێزانینی بەردەوام بووە.
ئەم بۆنەیە بە دەرفەت دەزانم جەخت لە پەرەپێدانی پەیوەندییەکانی یەکێتیی نیشتمانیی کوردستان و یەکگرتووی ئیسلامی کوردستان بکەمەوە و هاوکار بین لەپێناو خزمەتکردنی مافە ڕەواکانی گەلەکەمان و لەگەڵ هێز و لایەنە سیاسییە شۆڕشگێڕ و سەنگین و بەرپرسیارەکان هەماهەنگ بین بۆ بنیادنانەوەی پایەکانی حکومداری تەندروست، خزمەتگوزار و ڕووبەڕووی قەیران و ئاستەنگەکان ببینەوە و کاربکەین بۆ باشترکردنی ژیان و گوزەرانی کۆمەڵانی خەڵکی کوردستان.
دووبارە پیرۆزتان بێت
هەر شاد و سەربەرز و سەرکەوتووبن
دڵسۆزتان
بافڵ #جەلال تاڵەبانی#
6ی 2ی 2022 - بەغدا[1]

⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

لە ڕیکەوتی #06-02-1994# ز. لە یەکەم کۆنفڕانسیدا #یەکگرتووی ئیسلامیی کوردستان# لە هۆڵی میدیا لە شاری #هەولێر#، وەکو پارتێکی ئیسلامی لە کوردستان خۆی ڕاگەیاند.
هەر لەهەمان کۆنفڕانسدا، یەکگرتوو (سەڵاحەدین بەهادین)ی وەکوو یەکەم ئەمینداری حزب دەستنیشان کرد.
یەکگرتووی ئیسلامی کوردستان لە ماوەی درووست بوونییەوە وەکوو پارتێکی سەر بە ڕەوتی ئیخوان موسلیمین لە باشوری کوردستان، لەسەر بنەماکانی ئاینی پیرۆزی ئیسلام و شانبەشان لەگەڵ گرنگیدان بە پەروەردەکردنی ئاکاری جوان درێژەی بە سیاسەتی ڕێکخراوەی خۆیداوە بە شێوەیەکی مەدەنیانە.
یەکگرتوو لە کابینەی هەولێری حکومەتی هەرێمدا بەشداربووە لە دەسەڵاتدا.
ئەم پارتە تا ئێستا حەوت کۆنگرەی بەستووە و لە کۆنگرەی شەشەمی سەرەتای مانگی ئایاری ساڵی 2012 دا، بۆ یەکەمجار لە مێژووی سیاسی پارت و ڕێکخراوەکانی باشوری کوردستان، سکرتێری حیزب سەڵاحەدین بەهادین، بە خواستی خۆی دەستبەرداری سکرتێری گشتی بوو، ئەگەرچی بۆ ماوەیەکی کاتیش بوو و لەهەمان کۆنگرەشدا محەمەد فەرەج بە سکرتێری پارتەکە هەڵبژێردرا.
یەکگرتووی ئیسلامی کوردستان لە سەرجەم هەڵبژاردنەکانی کوردستان و عێراقی دوای ڕووخاندنی ڕژێمی بەعس لە ساڵی 2003ز بە دواووە بەشداری کردووە و لە هەڵبژاردنی ساڵی #15-12-2005# ز. ئەنجومەنی نیشتمانی عێراق و پاشان لە نێوان ساڵانی 2009 - 2013 وەکو پارتێکی ئۆپۆزیسیۆن شانبەشانی بزوتنەوەی گۆڕان و کۆمەڵی ئیسلامی کوردستان کاری کردووە.
بەڵام یەکگرتوو لە دانیشتنی ڕۆژی #19-08-2015# ز. پەڕلەمانی کوردستاندا، بێلایەنی خۆی لەدەستدا و لەمەش بەدواوە ڕووداوەکانی 12ی ئۆکتۆبەری هەمان ساڵ و بێباک بوونی حکومەت بەرانبەر بە موچەخۆران و گەرمکردنی بابەتی ڕیفراندۆمی هاوێنی 2017 بەدوای خۆیداهێنا، کە مەینەتییەکانی خەڵکی کوردستانی قووڵترکردەوە.
تێبینی/ ڕێکخراوی ئیخوان موسلیمین لە ساڵی 1928 لە وڵاتی میسڕ لە سەر دەستی حەسەن بەننا دامەزراوە و دواتر لە سەردەستی محەمەد مەحمود سەواف لە سەرەتای ساڵانی پەنجاکانی سەدەی بیستەمدا لقی ئیخوان موسلیمینی لە عێراق دامەزراند، کە جێگرەکەی کوردێک بوو بە ناوی ئەمجەد زەهاوی.[1]

بەڕێز / ئەمینداری گشتی یەکگرتوو
بەڕێز / سەرۆکی ئەنجومەنی سەرکردایەتی یەکگرتوو
بەڕێز / دەستەی بەدواداچوونی یەکگرتوو
بابەت / ڕوونکردنەوە
ئێمەی ژمارەیەک لەکادیرو ئەندامی یەکگرتووی ئیسلامی کوردستان لەدەڤەری هەولێر، داواکارین لەئێوەی بەڕێز بەزووترین کات ڕوونکردنەوە بەدەستەوەبدەن لەبارەی ئه و شکست و پاشەکشەیەی ڕووی لەیەکگرتوو کرد لەشاری هەولێر.
ئێوە خۆتان باش دەزانن کەهۆکاری سەرەکی پاشەکشەی یەکگرتوو لەم دوو هەڵبژاردنەدا بۆ سەرکردایەتی دەڤەری هەولێر و خودی مەڵبەندی هەولێری یەکگرتوو دەگەڕێتەوە، کەبەهۆی بێ پلانیان و لاوازی ڕاگەیاندنەکانی مەڵبەند و سەرقاڵیان بەپۆست و مەنسەب نەیانتوانی به و پەڕی هەستکردن بە بەرپرسارێتی بەجدی بانگەشە بکەن و هەوڵی سەرخستنی هەردوو لیستی 274 بۆئەنجوومەنی نوێنەران و لیستی 81 بۆئەنجومەنی پارێزگاکان بدەن، سەرەڕای کاندیدکردنی ژمارەیەکی زۆری ئه و کەسانەی نەناسراون ونەیانتوانی لە هەردوو هەڵبژاردنەکەدا ئامانجەکانیان بپێکن و زۆرینەی دەنگی جەماوەر بەدەستبهێنن.!
ئەمە جاری یەکەم نیە یەکگرتوو لەهەولێر دووچاری ئەم جۆرە شکستانە ببێتەوە کەبەرپرسیاری یەکەمی ئەم پاشەکشه و کەمهێنانی دەنگەکان سەرکردایەتی و مەڵبەندی هەولێر لێی بەرپرسن و وەک هەموو جارێک بەبێ لێکۆڵینەوه و وەرگرتنی ڕای قاعیده و بەهەند وەرنەگرتنی لەلایەن قیادەوە هەریەک لەبەرپرسی سەرکردایەتی دەڤەر و بەرپرسی مەڵبەند لێی دەربازدەبن و دواتر لەبری سزادانیان پۆستی تریان پێدەدرێت !
بۆیە ئێمەی ژمارەیەک لەگەنجانی یەکگرتوو لەسنووری هەولێر ناتوانین لەم هەموو سەغڵەتیه و لاوازییەی ستافی مەڵبەندو لقەکانی یەکگرتوو بێدەنگ بین و ئەم نووسراوەش بۆئێوەی بەڕێزە تاوەکو بتوانن لێکۆڵینەوە له و پاشەکشەیە بکەن و ئیجرائات لەگەڵ ئەمانەی خوارەوە بکەن و هەرنەوبێ ئەوپۆستانەی لێبسەندرێتەوە کەساڵانێکە بۆبەرژەوەندی خۆیان قۆرخیان کردووه و نایدەن بەکەسانی تر!
1- بەرپرسی ئەنجومەنی سەرکردایەتی دەڤەری هەولێر.
2- بەرپرسی مەڵبەندی 2 ی هەولێری یەکگرتوو.
3- بەرپرسی مەڵبەندی 12 ی دەوروبەری یەکگرتوو.
4- بەرپرسی مەڵبەندی سۆرانی یەکگرتوو.
5- لادانی بەڕێوەبەری کەناڵی سپێدە یاخود ئەنجامدانی گۆڕانکاری ڕیشەیی لەکەناڵەکه و ڕێگریکردن له و هەموو پڕۆگرامە لاوازانەی نەیانتوانی جەماوەر لەدەوری یەکگرتوو کۆبکەنەوە.
6- زۆری ژمارەیەکی بەرچاوی کەناڵی لۆکالی یەکگرتوو لەهەولێر کەلەبەفیڕۆدانی دارایی حیزب و بەسەربردنی کات هیچی ترنیه و سود بەبینەران ناگەیەنێت و هەستیش بەوەکرا زۆری ئه و هەموو کەناڵە نێوخۆییە زیانی بەهەردوو لیستی یەکگرتوو گەیاند.
دووبارە داوا لەئێوەی بەڕێز دەکەین بەرێکخستنەکانی یەکگرتووی ئیسلامی کوردستاندا بچنەوەو، چیتر نەهێڵن و پەرتەوازەیی بکەوێتە ناو ڕیزەکانمان و هەرکەسێکیش بۆپۆست و مەنسەب کاربکات دووربخرێتەوه و ڕێگری لێبکرێت..
ان اريد الا الاصلاح مااستطعت وماتوفيقي الابالله
ژمارەیەک لەکادیرو ئەندامانی یەکگرتوو
لەسنووری دەڤەری هەولێر
5-5-2014
- 05-05-2014

بەڕێز جەنابی ڕەجەب تەیب #ئەردۆگان# سەرۆک کۆماری تورکیا
السلام علیکم ورحمە الله وبرکاتە
بەبۆنەی سەرکەوتنی بەرچاوتان لە خوولی نوێی سەرۆکایەتیی کۆماردا، بەناوی خۆم و سەرکردایەتی #یەکگرتووی ئیسلامیی کوردستان#ەوە جوانترین و گەرمترین پیرۆزبایی لە بەڕێزتان و وڵاتی تورکیا دەکەم بە گەل و سەرکردایەتییەوە. دیارە سەرکەوتنی ئەم کاروانەی ئێوە لە کاتێکدایە کە وڵاتەکەتان و ئوممەت ڕووبەڕووی تەحەدییاتی گەورە دەبنەوە، دەستنیشانکردنی ئێوە بۆ سەرکردایەتیکردنی ئەم کاروانە لە ئیرادەی گەلانی تورکیا بەرجەستە دەبێ‌ بە هەموو ڕەنگ و شەبەنگەکانییەوە..
ئەم سەرکەوتنە لە ئێوە و گەلانی تورکیا پیرۆز بێت.
هیوای سەرکەوتن و تەوفیق و بەرەوپێشچوونتان بۆ دەخوازین بۆ بەرەنگاربوونەوەی هەموو تەحەدیاتەکان و سەرکردایەتیکردنی کاروان بۆ ڕابوون و هەستانەوە، خوازیارین ئەم سەرکەوتنە وەرچەخانێک بێ‌ بەره و سەقامگیری و کرانەوەی دیموکراسی، هەروەها فاکتەرێکی کاریگەر بێ‌ بۆ بەهێزترکردنی پەیوەندیی نێوان گەلانی ناوچەکە لەسەر بنچینەی بەرژەوەندیی هاوبەش و دراوسێیەتی باش و خزمەتی دۆزە ڕەواکەی.
خوای گەورە سەرکەوتووتان بکات و بتانپارێزیێ‌
براتان
صلاح الدین محمد بها‌ءالدین
ئەمینداری گشتیی یەکگرتووی ئیسلامیی کوردستان
#25-06-2018#

سەڵاحەدین بابەکر محەمەد
2002

بەناوی خوای بەخشندەی میهرەبان
مەکتەبی سیاسی یەکگرتووی ئیسلامی کوردستا ئەمڕۆ (03-06-2016) کۆبوونەوەی ئاسایی خۆی ئەنجامدا لەسەر تەواوی وێستگەکانی ساڵی ڕابردوو (2015) وەستاو هەڵسەنگاندنی بۆگرنگترین ڕووداوو پێشهاتەکانی ساڵی ڕابردوو کرد لەسەر هەندێک برگەی گرنگ هەڵوێستەی کرد.
مەکتەبی سیاسی تیشکی خستە سەر هەموارکردنەوەی یاسای سەرۆکایەتی هەرێم و هەموو ئەو لێکەوتانەی بەدوای خۆیدا هێنا، ئێمە لەیەکگرتوو هەمیشە جەختمان لەسەر ئەوە بووە کەپرسە دەستوورییەکان دەبێ بەدەستوور چارەسەری هەمیشەیی بکرێت، بەڵام بەداخەوە لایەنە سیاسییەکان نەیانتوانی ئەو فرسەتە مێژووییە بەرهەم بهێنن و ئەم هەرێمە بکەن بەخاوەنی دەستورێک، بەڵام کە دەستوورەکە نەکرا، یەکگرتوو خەمی چارەسەرکردنی کێشە سیاسییەکانی بەزەرورەتی پابەندبوون بەسازانی نشتیمانییەوە بەستەوە بۆیە لەهەردوو ڕەهەندی یاسایی و سیاسی هەنگاوی پێویستی ئەنجامدا.
بەڵام بەداخەوە لەوەشدا لایەنە سیاسییەکان سیاسەتی پەنجە شکاندنی یەکتریان هەڵبژارد لەجیاتی سازان و لێک گەیشتن، ئەگەرچی هۆشیداریماندا کە ئەو سیاسەتە دەرەنجامی خراپی لێدەکەوێتەوەو دەزگا نشتیمانییەکان پەک دەخات و دەیخاتە بەرهەڕەشەی جددیەوە هەرواش دەرچوو.!
هەروەک کاریگەرییە خراپەکانی شەڕی تیرۆرو فشاری ئابووری حکومەتی فیدرال و دابەزینی نرخی نەوت کە تاکە سەرچاوەی داهاتی ئەم هەرێمەیە، کاریگەری نەرێنی زۆری لەکۆی باری بژێوی کۆمەڵگەکەمان بەجێهێشت و فشارێکی گەورەی لەسەر گوزەرانی هاوڵاتیان بەجێهێشتووە.
لەم بوارەشدا یەکگرتوو وادەبینێ ئەبێ هەموو لایەنە سیاسییەکان بەگیانی بەرپرسیاریەتیەوە بڕواننە گرفتەکان و یەکریزی و یەکخستنی هەڵوێستە نشتیمانییەکان دەتوانێ سەرکەوتوومان بکات بەسەر تیرۆرو گرفتە ئابورییەکاندا، هەروەک نزیک بوونەوەی ئاگری شەرێکی جیهانی بۆ ناوچەکەمان کە یەکێکی ترە لەدەرهاویشتە خراپەکانی تیرۆرو شەڕی تیرۆرستان، ئەم ڕەوشەی ئێستا لە ناوچەکەدا هاتۆتە ئاراوە، چەندە هەڕەشەی جدین لەکۆی پرۆسە سیاسی و دەستکەوتە نشتیمانی و نەتەوەییەکانمان ئەگەر بەووریاییەوە مامەڵە نەکەین، بەڵام لەهەمانکاتدا ئەگەر بتوانین بەسەر ناکۆکیە ناوخۆییەکانماندا زاڵ بین، ئەوە فرسەتی زۆر لەبار لەئارادایە کە هەرێمەکەمان و نەتەوەکەمان بەخەونە مێژووییەکانی شاد بکات و برەو بەدەستکەوتەکانی بدات.
مەکتەبی سیاسی لەم سەرەتای ساڵی نوێیەوە داوا دەکات لایەنەکان بەگیانی لێبوردەیی و لەخۆبوردەییەوە مامەڵە بکەن و مەکتەبی سیاسی بە ئیجابیەوە سەیری ئەو پەیامەی بەرێز کاک (مەسعود بارزانی) دەکەن و دەکرێت دەستپێکی گەڕانەوە بێت بۆسەر مێزی گفتوگۆو، بەگیانی پێکەوەبوونەوە، پێکەوە چارەسەری گرفتە سیاسی و یاساییەکانمان بکەین وبەیەک ڕیزی یەک گوتاری مامەڵە لەگەڵ ئەو گۆرانکارییانە بکەین تا لەبەرژەوەندی باڵای هەرێمەکەمان ئاڕاستەیان بکەین بەتایبەتی ئەو پشتیوانیە نێودەوڵەتی و ناوچەییەی کە بۆ هەرێمەکەمان دروست بووە لەشەڕی دژی تیرۆردا دەتوانین بەئیجابیانە بەرهەمیان بهێنین.
مەکتەبی سیاسی بەرێزو شکۆوە دەڕوانێتە گیانی قوربانیدان و فیداکاریانەی پێشمەرگە پاڵەوانەکانمان و بە پێویستی دەزانین حکومەت و لایەنەسیاسیەکان وهاوڵاتیان هەموومان ئەم گیانی خەباتکارانەی ڕۆلە پێشمەرگەکانمان بەرزبنرخێنین و لە خەمی باشکردنی گوزەرانیاندا بین.
مەکتەبی سیاسی لە سۆنگەی ستراتجیەتی(بەدەوڵەت بوون) کە پەسەندکراوی کۆنگرەی شەشەمی یەکگرتووی ئیسلامی کوردستانە پشتگیری لە ڕیفراندۆم و هەر هەنگاوو سیاسەتێکی بەرەو دەوڵەتبوونی کوردستان دەکات و جەختی لەسەر یەکریزی و یەکدەنگی نێوان لایەنە سیاسیەکان دەکاتەوە.
هەروەک قوربانی شەهیدە قارەمانەکانمان لەسەنگەری بەرگریکردن و ڕووبەڕووبوونەوەی تیرۆردا بەرزو باڵا دەگرین، کەسو کاری سەربەرزیان خاوەنی شەرەفێکی گەورەن لەدڵی هەموو هاوڵاتیاندا پێویستە حکومەت خەمی ئەو خێزانانە لەرێزبەندی پێشەوەی گرنگی پێدانەکانیدا دابنێ و نزای بەردەواممان بۆ زوو چاک بوونی بریندارەکان و خەمی شیفاو چارەسەرکردنیان ببێ بەخەمی هەموان.
لەبڕگەیەکی تردا مەکتەبی سیاسی لەبەردەم ڕۆڵی ئیجابیانەی پەرلەمانتارو وەزیرو پلە تایبەت و پۆستە حکومیەکانی یەکگرتوودا وەستاو دڵخۆش بوون لەسەر ئەوەی بەردەوام ئەندامانی یەکگرتوو لەهەر پۆست و پلەیەکدا بووبن، نموونەی جددیەت و خەمخۆری و دەست پاکی و لێوەشاوەیی بوون بۆ خزمەت بەگەل و ووڵاتیان.
مەکتەبی سیاسی بریایدا بەرادەستکردنەوەی وەزارەتی کارەباو سوپاسی وەزیری کارەبا بەرێز (د. سەڵاحەددین) ی کرد بۆ هەوڵەکانی، هەرچەندە بارودۆخی سیاسی و دارایی هەرێم ڕێگر بوون لەسەرخستنی پلانەکانیدا، بۆیە هاودەنگ لەگەڵ جەماوەری کوردستاندا بریاری وازهێنانی لە پۆستەکەیدا.
هەروەها لەبرگەیەکی تردا مەکتەبی سیاسی ستراتیژی کاری هاوبەشی نێوان کۆمەڵی ئیسلامی و یەکگرتوو کە لە لیستی خزمەتدا خۆی نمایش دەکات جەختی لەسەر کردەوە لەپاراستن و گەشەپێدانی زیاتری کاری پێکەوەیی و هاوبەشی نێوان لایەنە ئیسلامییەکان و باقی لایەنە نشتیمانییەکانی تر لەپێناو تێکۆشان بۆ گەیشتن بەژیانێکی خۆش گوزەرانی و دەستەبەرکردنی دادپەروەری و قوڵکردنەوەی گیانی یەکتر قبوڵکردن و سەروەری یاساو ژیانی دەستووری و حکومەت و موئەسەسات و پاراستنی مافەکانی هاوڵاتیان و دەستەبەرکردنی ئازادییەکان.
لەکۆتاییدا مەکتەبی سیاسی ماندووبون و شەونخوونی تەواوی ئەندامان و دۆستانی یەکگرتوو لەخزمەت ئاین و گەل و نشتیمانەکەیان بەرز دەنرخێنێت و داواکارە باشترین خزمەت پێشکەش بکەن.
ساڵی نوێ لەهەموو لایەک پیرۆزبێ...
پێکەوە بەرەو سەرکەوتنی گەورە لەدنیاو قیامەت
مەکتەبی سیاسی
یەکگرتووی ئیسلامی کوردستان
03-01-2016