$رۆژهەڵاتی کوردستان$
- بەپێی ڕاپۆرتی گەیشتوو بە ڕێکخراوی مافی مرۆڤی هەنگاو، سەرەڕای تێپەڕینی یەک مانگ لە دەستبەسەر کرانی مێعراج مورتەزایی، هاووڵاتیی خەڵکی گوندی دێوەزناوی #سەوڵاوا# و بەدواداچوونی بەردەوامی بنەماڵەکەی، چارەنووسی نادیارە و هەتا ئێستا هیچ جۆرە پەیوەندییەکی لەگەڵ بنەماڵەکەی نەبووە.[4]
$باشووری کوردستان$
- قائیمقامی شارۆچکەی #چەمچەماڵ# ڕایدەگەیەنێت کە دەنگۆ هەیە کە باوکێک دوو کچی خۆی کوشتبێت.[1] بەپێی هەندێک سەرچاوە، کچەکان تەمەنیان 17 و 20 ساڵه پێشتر دۆسیەیان لە توندوتیژی چەمچەماڵ هەبووە، باوکەکەش هەڵهاتووە و دەستگیر نەکراوە.[2]
- تەرمی دوو کچەکەی چەمچەماڵ کە خوشکن لە دوو چاڵی 50 سانتیمەتریدا لە نزیک گۆڕستانێک دۆزرانەوە، بەگوتەی پۆلیسی #سلێمانی#ش پێشتر ئەو دوو خوشکە سکاڵایان لەدژی باوکیان تۆمار کردووە.[5]
- تۆپخانەکانی ڕژێمی ئێران تۆپبارانی چیای بەربزین دەکەن لە ناوچەی #برادۆست#.[6]
- لە سلێمانی پەردە لەسەر پەیکەری هونەرمەندی کۆچکردوو #عەتا چاوشین# لادرا.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/386617/0012.JPG=KTML_ImageCaption_Title=لە سلێمانی پەردە لەسەر پەیکەری هومەرمەندی کۆچکردوو عەتا چاوشین لادرا=KTML_ImageCaption_CaptionStyle=000000=KTML_ImageCaption_Caption=لە سلێمانی پەردە لەسەر پەیکەری هومەرمەندی کۆچکردوو عەتا چاوشین لادرا=KTML_ImageCaption_End=
- وەزارەتی تەندروستیی حکومەتی هەرێمی کوردستان ئاماری 24 کاژێری تایبەت بە ڤایرۆسی کۆرۆنای بڵاوکردەوە و ڕایگەیاند، 545 تووشبووی نوێ تۆمارکراون و 19 تووشبووی دیکەیش گیانیان لەدەسداوە.[5]
- لە دوو کەمپی بیرسفی و قادیا کە تایبەتە بە ئاوارەکان لە سنووری شارۆچکەی #زاخۆ# ئاگر کەوتووەتەوە و بەو هۆیەوە 19 خێوەت و کەرەڤانە سووتاون.[3]
- گوتەبێژی وەزارەتی شارەوانی و گشتوگوزاری حکومەتی هەرێمی کوردستان ڕایگەیاند، لە سەرجەم شارەکان ئەنجوومەنی شارەوانییەکان دروست دەکرێتەوە.[5]
- #وەزارەتی ڕۆشنبیری# و وەرزش و لاوانی هەرێمی کوردستان بۆ یەکەمجار بە فەرمی پێشبڕکێی سەرکێشیی ئۆتۆمبێل (Off-Road)ی لە شاری #هەولێر# سازکرد. لە هەموو هەرێمی کوردستان 11 گرووپ و دوو گرووپیش لە بەغداوە بەشدارییان کردبوو و شێوازی گۆڕەپانەکە لەسەر ستانداردی جیهانی بوو و بڕیارە بۆ جاری دووەم گرووپی جیهانی بانگهێشت بکرێن.[5]
- پارێزگاری هەولێر ئاشکرای کرد، بەمزووانە کونسوڵخانەی ئەرمینیا لە هەولێر دەکرێتەوە و ئیدارەی شارەکەش ئامادەیە بەهەموو شێوەیەک هەماهەنگی، هاوکاری و ئاسانکارییان بۆ بکات.[2]
- کۆنسوڵی گشتی ئەمەریکا لە هەرێمی کوردستان لە پێشنیازێکیدا بۆ پارێزگاری هەولێر، داوای کرد کە هەولێر و ناشڤیڵ، پایتەختی ویلایەتی تێنەسی، ببن بە دەستەخوشک.[2]
$دەرەوەی کوردستان$
- دۆناڵد ترەمپ سەرۆکی ویلایەتە یەکگرتووەکانی ئەمریکا بڕیاری کشانەوەی بەشێکی دیکەی سەربازانی ئەمریکی لەعیراق ڕادەگەیەنێت.[1]
- ئەحمەد سەفار ئەندامی لیژنەی دارایی لە پەرلەمانی عیراق ڕایگەیاندووە لە پێش بڵاوبوونەوەی پەتای کۆرۆنا ڕێژەی #بێکاری# لە عیراق 20% بووە، بەڵام لەئێستادا ئه و ڕێژەییە گەیشتۆتە 40%.[1]
- محەمەد ئۆجاکتان ئەندام پەرلەمانی پێشووی ئاکەپە، لە دیمانەیەکدا لەگەڵ ماڵپەڕی (T24)ی تورکیدا دەڵێت، قەیرانی دارایی لە تورکیا زۆر قووڵە، بە شێوەیەک لە مێژووی خۆیدا بەو شێوەیە نەبووە.[3]
- ئاژانسی بلوومبێرگی ئەمەریکی ڕایگەیاند، ئێران 1%ی سندووقی سەروەری بۆ پاڵپشتی بۆرسەی وڵاتەکەی تەرخانکردووە، هیواخوازە بەو هەوڵەی بتوانێت ڕێگری لە قەبارەی ئەو زیانە گەورەیەی بازاڕی کاغەزە داراییەکان بکات. سەرچاوەیەک بە ئاژانسی بلوومبێریگی ڕاگەیاندووە، دیارترین پێنوێنی بۆرسەی تاران بەهاکەی تەنیا لە مانگێکدا پێنج یەکی لە دەستداوە، و مەترسییەکانیش بەردەوامە کە زیاتر دابەزێت.[2]
- لیرەی تورکی بەردەوامە لە دابەزین و ئەمڕۆ بەهای یەک دۆلاری ئەمریکی گەیشتە 7.495 لیرە، بەمەش ژمارەیەکی دیکەی پێوانەیی لە دابەزینی لیرە تۆمارکرا.[5]
- ئەمینداری کۆمکاری عەرەبی ڕایگەیاند دەستوەردانی تورکیا و ئێران لە کاروباری ناوخۆیی وڵاتانی عەرەبی سەرکۆنە دەکەین.[5]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیاو ڕۇداۋەکا