[1]

=KTML_Bold=نێچیرڤان بارزانی، سەرۆکی هەرێمی کوردستان لە پەیامێکدا پیرۆزبایی لە یەکێتیی نووسەران دەکات.=KTML_End=
=KTML_Bold=دەقی پەیامەکەی سەرۆکى هەرێمى کوردستان:=KTML_End=
لە یادى پەنجا و چوار ساڵەى دامەزراندنى #یەکێتی نووسەرانی کورد#دا، بە گەرمى پیرۆزبایى له نووسەرانى کورد دەکەم، هیواى سەرکەوتن و پێشکەوتنى بەردەوامیان بۆ دەخوازم. بە ڕێز و پێزانینەوە لە ڕۆڵ و خزمەتى پیرۆزیان بۆ برەودان بە زمان و وێژەى کوردى دەڕوانم.
نووسەرانى دڵسۆزى کورد هەمیشە بۆ هۆشیارى و پاراستنى ناسنامەى نەتەوەیى و نیشتمانیى کورد و کوردستان و بنیاتنانى کۆمەڵگەیەکى مەدەنى، ڕەنج و خزمەتێکى زۆریان کردووە و هەوڵى بەردەوامیان بۆ چەسپاندنى بەهاکانى پێکەوەژیان و یەکترقبووڵکردن و لێبوردەیى داوە.
سڵاو لە گیان و یادى ئه و کەڵە نووسەرانەى بە خزمەت و بەرهەمەکانیان هەمیشە لە بیرى ئێمەدا دەمێننەوە و بە ڕێزەوە یادیان دەکەینەوە. [1]

#نێچیرڤان بارزانى#
سەرۆکى هەرێمى کوردستان
#10-02-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=دەقی پرسەنامەکەی مەکتەبی سیاسیی پارتی دیموکراتی کوردستان بۆ خانەوادەی (سادق ڕەمەزان هانەقوڵی)=KTML_End=
بەڕێزان/ خانەوادەی خوالێخۆشبوو(سادق ڕەمەزان هانەقوڵی)
بە داخ و پەژارەیەکی زۆرەوە هەواڵی کۆچی دوایی پێشمەرگەی دێرینی شۆڕشی گوڵان و کەسایەتی ناسراوی خورماڵ و هەورامان، خوالێخۆشبوو(سادق ڕەمەزان هانەقوڵی)مان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە هاوبەشی خەمتان دەزانین.
ئومێدەوارین دڵنەوایی و هاوخەمی هەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسەوسەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەهەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی #پارتی دیموکراتی کوردستان#
10ی شوباتی 2024
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=