باکووری کوردستان
- ئەمڕۆ لە 19 هەمین دادگای سزا قورسەکانی ئەنقەرە دادگاییکردنی سەڵاحەدین دەمیرتاشسەڵاحەدین دەمیرتاش بەڕێوەچوو، بەڵام بڕیاری بەردەوامیی زیندانیکردنی دەمیرتاش درایەوە.[3]
- سوپای تورکیا لە بنکە سەربازییەکانیەوە ناوچەی چیای گابار لە نێوان ناوەندی شرنەخ و ناوچەی جزیر تۆپباران دەکات. بەهۆی ئەو تۆپبارانانەوە، لە سەرلەبەیانیی ئەمڕۆەوە ئاگرێکی گەورە لە دارستانەکانی چیای گابار کەوتووەتەوە.[5]
- تەرمی دەوران بایسال گەریلای هەپەگە، کە ڕۆژی 8ی تەمووزی 2018 لە جۆلەمێرگ شەهید بوو بوو، لە ئێلح بە خاکسپێردرا.[5]
رۆژهەڵاتی کوردستان
- باڵی سەربازی پارتی ژیانی ئازادی کوردستان (پژاکپژاک) ڕایدەگەیەنێت، چوار گەریلایان لە ڕۆژهەڵاتی کوردستان شەهید بوون.[1]
- فەرماندەییی هێزی پێشمەرگەپێشمەرگەی کوردستان سەر بە حیزبی دێموکراتی کوردستانی ئێران ڕایگەیاند، کە سپای پاسداران بۆ تۆپبارانکردنی خاکی هەرێمی کوردستان، لە گوللە تۆپی فسفۆڕ کەڵکی وەرگرتووە.[4]
- کۆڕی هەڵپەڕکێی ئەوینی شاری بانەبانە، پلەی یەکەمی فێستیڤاڵی جیهانیی وڵاتی ئەرمەنستانی بەدەست هێنا.[4]
- بەپێی هەواڵی گەیشتوو بە ئاژانسی هەواڵدەریی کوردپا، چەند ڕۆژ پێش، دوو هاووڵاتیی کورد، خەڵکی شاری بۆکانبۆکان بە ناوەکانی کەریم سەیدزادە باوک و شارام سەیدزادە کوڕ، لە لایەن ئیدارەی ئیتلاعاتی ئەو شارە بانگهێشت و دەسبەسەر کراون. سەرچاوەیەکی ئاگادار لەو بارەیەوە بە ئاژانسی کوردپای ڕاگەیاند: ئەو دوو هاووڵاتییە کوردە، بە حوکمی یارمەتی گەیاندن بە لێقەوماوانی بوومەلەرزەی پارێزگای کرماشانکرماشان و هەروەها پشتیوانی لە دووکاندار و مانگرتووانی شاری بانە، بانگهێشت و دەسبەسەر کراون.[4]
باشووری کوردستان
- لە شارۆچکەی پێنجوێنپێنجوێن-ی سەر بە پارێزگای سلێمانیسلێمانی، بەدەم وتنەوەی دروشمی شەهید نامرێت و ئەی شەهید خوێنی تۆ لە ئەرزدا نامێنێت تەرمی ئیقبال مورادیئیقبال مورادی، چالاکوانی سیاسیی ڕۆژهەڵاتی کوردستان، کە بە ئاڵای پارتی ژیانی ئازادی کوردستان(پژاک) پێچرابوو، بەرەوە مەزارگەی ڕاوگان بەڕێکرا و لە مەراسیمێکی شایستەدا لەتەنیشت مەزاری کەمال شێخ سادە-ەوە بە خاک سپێردرا.[3]
- فەرماندەیەکی پۆلیسی فیدراڵی ڕایدەگەیەنێت، سێ تیرۆریست لە کەرکووککەرکووک دەستگیرکراون کە یەکێکیان ئەندامی بەناو دەزگای هەڵگری ڕێکخراوی داعشداعشە.[1]
- چەند تەقینەوەیەک لە چەند ناوچەیەکی کەرکووک ڕوویدا و دەیان قوربانیی لێکەوتەوە.[2]
- نێوەڕۆی ئەمڕۆ شاندێکی هاوبەشی پارتی و یەکێتی بە سەرۆکایەتی فازڵ میرانی و مەلا بەختیارمەلا بەختیار سەردانی بەغدایان کرد.[1]
رۆژئاوای کوردستان
- عەبدولڕەحمان خەج خەلیل هاووڵاتیی تەمەن 40 ساڵی عەفرینعەفرینی لەلایەن هێزە داگیرکەرەکانەوە کوژرا.[5]

گەریلاکانی هەپەگەهەپەگە لە مێردین، ئامەدئامەد و بەدلیس لەدژی هێزەکانی سوپای تورک چالاکییان ئەنجامدا و گورزی تووندیان لە سوپای تورک وەشاند.
ئەمڕۆ، ناوەندی ڕاگەیاندنی هێزەکانی پاراستنی گەل-هەپەگە، ڕاگەیەندراوێکی سەبارەت بە چالاکیی گەریلاکان لە ناوچە جیاوازەکانی باکوری کوردستان بڵاوکردەوە.
لە ڕاگەیەندراوی هەپەگەدا هاتووە: گەریلاکانمان لە هەنگاوی شۆڕشگێڕانەی شەهید دەلال ئامەد و شەهیدانی بەستا-دا، 15ی تەموز کاتژمێر 12:50 خولەکی نیوەڕۆ لەسەر ڕێگای نێوان میدیاتی سەر بە مێردین و هەزەخی سەر بە شرناخ چالاکییەکیان لەدژی ئۆتۆمبێلێکی بەکرێگیراوەکان ئەنجامدا، ژمارەی کوژراو و بریندارەکانی ئەو چالاکیەی نەزانرا.
هەپەگە هەروەها ڕایگەیاندووە: کاتژمێر 11:30 خولەکی شەوی 12ی تەموز لەدژی سەرباز و بەکرێگیراوەکانی سوپای تورک لە فارقینی ئامەد چالاکییەک ئەنجامدرا، لەو چالاکییەدا دوو بەکرێگیراو کوژران.
لە بەشێکی دیکەی ڕاگەیەندراوەکەدا هاتووە: 16ی تەموز کاتژمێر 05:40 خولەکی سەرلەبەیانی لەسەر ڕێگای نێوان تەتوان و خیزانی سەر بە بەدلیس لەدژی خاڵێکی سەربازەکانی سوپای تورک چالاکی ئەنجامدرا، لەو چالاکییەدا گورزی توند لە دوژمن درا.
لەکۆتاییدا ڕاگەیەندراوە، سوپای تورک ڕۆژی 14ی تەموز ئۆپەراسیۆنێکی لە دەوروبەری شرناخ دەستپێکردووە و ڕۆژی دواتر کۆتایی بەو ئۆپەراسیۆنە هێندراوە، هەروەها ڕۆژانی 16 و 17ی تەموز هەرێمەکانی پاراستنی مەدیا بە قورسی بۆردوومان کراون.[1]
18-07-201818-07-2018