میانگەو یاۋنەری و چاپەمەنی هێزەکێ پارێزنای گەلی-#هەپەگە#، جە ۋەڵاکریایێ سەربازییەنە ئاشکراش کەرد: سەعات 16:45 دەیەقێ 01/12/2018ی، جە ناوچەو بایەزیدی سەر بە پارێزگەو ئاگری، گەریلاکێ هەپەگەی و یەکینەکێ ژەنێ ئازادێ-یەژەئاستاری دژ بە سەربازە داگیرکەرەکانو تورکیای کە سەرقاڵێ دروستکەردەی ڕێ سەربازیێ بێنێ چالاکیشان ئەنجام دان. جە ئاکامشەنە 1 مۆڵگە خاپوور کریان، 1 کامیۆن، 1 ماشین بە تەمامی دلێنەبریێنێ و 4 سیخوڕێ و 1 کۆنترا کوشیێنێ. دمابەدمای چالاکییەکەی ڕژێم بێسەروبەر ناوچەکەش بە تانکێ و تۆپێ تۆپۋاران کەردەن.
سەعات 09:00 سەرسەبای ئارۆچ، جە بەرزایی لێلکانی کە سەر بە سەیدەکانو پارێزگەو #هەولێر#-یەن، گەریلاێ هەپەگەی و یەژەئاستاری چالاکیش دژ بە سپا داگیرکەرەکەو تورکیای ئەنجام دان و جە ئاکامشەنە 1 مۆڵگە خاپوور کریان و 3 سەربازێ کوشیێنێ.
هەر جە لێلکان بەڵام سەعات 12:30 دەیەقێ نیمەڕۆ 01/12/2018ی، گەریلان دوژمنشان کەردەن ئامانج و دەرەنجامشەنە 5 سەربازێ کوشیێنێ و 2 مۆڵگێ بەتەمامی خاپورێ کریێنێ.
01/12/2018ی، باڵەپڕە جەنگیەکێ تورکیای جە سەعات 20:30 دەیەقێ دمانیمەڕۆی تا 21:30 دەیەقێ شەۋێ، دەڤەرەکێ شوکی و شاتانۆس سەر بە گەڤەری و لێکان سەر بە #سیدەکان#-شان بە چڕێ بۆردومانێ کەردێنێ. بەڵام بۆردومانەکە زیانی گیانیش نەبییەن.[1]
#02-12-2018#