شاڵی هەمەگیر
مانای ڕاسیەو ئیدیۆمەکۍ هەڵای گمەنە، چوونکوم واچۍ (شاڵ)ی جە زوانی هۆرامینە نییەن، بەڵکوم دلۍ زوانی سۆرانینە هەنە بە ماناو (چۊخەڕانک)ی، ئینەیچ هیچ پېوەڼیێش بە ماناو ئیدیۆمەکېوە نییەن.
بە کەسێ ماچان هەکە دەس مەبەرۊن پەی چن هەرمانێ جە یەک وەختەنە، هەمەگیرەن، گرد گیرەن. ئا کەسە هەرمانۍ فرۍ مڎۊنە وەرو فریاشان نمەگنۊن.
پېسە قسێ عادەتیۍ ماچاش بە کەسێ مەژغووڵی، هەم پېسە تالېقیېچ مەگېراشەنە بڕێ خەڵکا هەکە تېر واردەیشان نییەن، هەر خەریکۍ هەرمان و کارینۍ.
ڕەنگە واچې شاڵی نامې کەسێ بیېبۊ کە فرەو یاگا لوان و گېڵان، یام نامې چېوێ وەروەڵای بیېبۊ..[1]