نامۍ: شەمامە
یاگۊ پېڎابېیەی: #تەۋېڵۍ#
بەپاو ئا زانیارا، کە بەڕێز #نامیق ھەورامی# چە بابەتېۋەنە بەنامۊ (لاپەڕەیەکی نادیار لە مێژووی ئەدەبی کوردی) بەشۍ یەرەمە، لاپەڕە 57، ژمارە 174-175و #گۆڤاری کاروان#ینە ۋەڵابېیېنۆ؛ خاتۇ شەمامە یەک قەڕن و نیم تاکو دۋۍ قەڕنۍ چێۋەڵتەر ژیۋێنە و خەڵکو تەۋېڵۍ بېیېنە و بەڕێز نامیق ھەورامی زانیارییەکېش جە بارەو خاتۇ شەمامۍ جە زۋانو خاتۇنېۋۍ پیرېۋە ئەژنەۋیېنۍ و ھۊنیێکېش دەماودەم بە خەڵکی یاۋێنۍ. بەداخۆ زانیاریۍ زېیاتەرۍ جە بارەو نامۊ ئەڎا و تاتەو خاتۇ شەمامۍ و ساڵۊ پېڎابېیەی و ساڵۊ مەرڎەیش ۋەردەسۍ نېیەنۍ.
بەپاو ئا نمۇنەیە چە ھۊنیاکاش کە دەمامودەم بە خەڵکی یاۋێنۍ و سینە بە سینە پارېزیێنۍ، ڕەنگا خاتۇ شەمامە یەکەمین ژەنۍ کورڎە و ھۆرامی-زۋانە بۊ، کە پا شېۋازە فێمینیستییە و با ئازاڎییە قسۊ دڵو وېش و خېیاڵەکېش ئاشکرا جاڕ دێبا و چە نەریتە کۊمەڵایەتییەکانە ڕچەماڕایش کەرڎەبۊ.
نمۇنېۋ جە هۊنیاکا خاتۇ شەمامۍ تەۋېڵەیۍ:
وە کەژ و کۊدا، وە کەژ و کۊدا
ها شېتە تېیا وە کەژ و کۊدا
وە خېیاڵ ئازیز ئاما لام خەیلۍ
چەو ساوەن دڵم بی دڵو لەیلۍ
بېیاۋە شیرین، شیرینی ئەرمەن
ناما ڕۇی زەمان فەرهادی کۊکەن
تەنیایی جە لام سەر مەڎۊ پەی پەی
دەسېو نېیا بێنە باخو بەی
تا باخ و سینەیم پەیش کەرۇ سەوقات
ئەوسا (شەمامە) یاۋۊ وە ئاوات
[1]