باخچێوە بېگەرد
ئاماڎەکەرڎەی: ئەسعەد ڕەشید
بەشەی حەڤڎەهەمە
ئەچی بەشەنە میزا ئۆلقاڎر مەیاوۊ سەردەمو دمای ئامایپېڎاو ئاڎەمی، کە سەردەمو ئیبلیسین، چا کاتەنە داواش وەنە مەکەران هەکە سوجدە بەرۊن پەی ئاڎەمی، بەڵام ئاڎ جە وېبایی وېشەنەو زلزانیش ڕاش نەڎا کە قلۊری پەی ئاڎەمی بەرۊن، ماچۊ من جە نووری وەشکریانا، ئاڎەم جە خوڵې، کەی شایانو سوجدەیەن:
ئیبلیس چەو دەمدا، خەیلێ بوزورگ بی
هەر چن مەزاجش، مەزاجی گورگ بې
حەفتا هەزار ساڵ، خوڎا چوون یەک شەو
خەزانەی بەهەشت، گشت بەخشا بە ئەو
عەزرائیل یەعنی ساحیب عیزەت بې
جە بارەگای حەقق، پەڕ مەکرومەت بې
هەم هەشت هەزار ساڵ گۆرە پاکان بې
ئوستادی تەدریس، مەلایکان بې
حەفتا هەزار ساڵ، خوڎا چوون یەک شەو
خەزانەی بەهەشت، گرڎ بەخشا بە ئەو
عەزرائیل یەعنی ساحیب عیزەت بې
جە بارەگای حەقق، پەڕ مەکرومەت بې
هەم هەشت هەزار ساڵ، گۆرە پاکان بې
ئوستادی تەدریس، مەلایېکان بې
هەزار ساڵ، تەواف دەوری عەرشش کەرد
هەزار ساڵ، تەعلیم، ئەهلی فەرشش کەرد
پەنجا هەزار ساڵ، هەم جە کېوان بې
گۆرە ڕۊحانی، کەڕ و بەیان بې
ئیسمی ئەعزەمش، دایېم نە دڵ بې
نیازش یەک یەک، تەمام حاسڵ بې
تا ئەو ڕۊ، قەییوم، قەدیمی مەعبوود
ئادەم جە عەدەم، ئاوەرد بە وجوود
ئەمجار ئەمەش کەرد، پادشای بې عەیب
وە موقەڕەبان، مەحرەمانی غەیب
گرڎین وە یەک جار، گشت وە یەک قەدەم
سوجدە بەردشان، یەکسەر وە ئادەم
گرو بی تەمام، وە شادمانی
حاملانی عەرش، گروی ڕوحانی
حەقق فەرما، ئیبلیس، دەهەندی داوەر
تۊ هەم سوجدە بەر، وە ئەبولبەشەر
شەیتان کیبرش کەرد، جە گومڕاهی وېش
نەلەخشا، نە جا، نەکەردش ئەندېش
واتش: من جە نار، ئەو جە خاک بییەن
سوجدەی من، وە ئەو موناسیب نییەن
تەکەبور شېونا، بازاری شەوقش
بی بە تەکەببور، سەرمایەی تەوقش.[1]