بە تەوفیق حەق عەلیم وەههاب
یاوا بە ئەنجام خاتیمەی کیتاب
بە عیززەتی وێت یەگانەی مەعبوود
دەرج کەر نە کیتاب جازیبەی دروود
چون عەبد ئەحقەر سائیل دەرگام
سەواب دروود وەنەم کەر ئینعام
هەم بەر موحەڕڕیر قارییء کیتاب
عەتا کەر پێشان ئەجر بێحیساب
هەم ئەجر عەزیم پەرێ سامیعان
جە غەزنەی ڕەحمەت پێشان کەر ئیحسان
بە عیززەتی وێت دانای خوداوەن
قەلبمان بە نوور ئیمان کەر ڕەوشەن
بە حورمەتی نوور خەتم هەر ڕەسووڵ
دروود و دوعای ئێمە کەر قەبووڵ
جە سەنەی هەزار و سێسەد سێ کەم
مەنزوومەی دروود ئاما بە ڕەقەم
ئاما بە نەزم ئەدعیەی ئیحسان
تەکمیل بی نە زەرف شەهر ڕەمەزان
چون «ناصرالدین» شاﮪ ئێران بی
«حمید خان» سوڵتان ئال عوسمان بی
چون «عبدالقادر» جە ئەحشام وەند
بە نەزم کیتاب تەبعش کەرد خورسەند
جە باب قشڵەی عەساکیر قەیدم
خاڵی جە سوحبەت هەر عەمر و زەیدم
بەر ڕۆح ئەنوەر خواجای کائینات
نزوول بۆ جە حەق سەیل سەڵەوات
هەم بەر ئەهل بەیت سولالەی ئەتهەر
بە نوور دروود حەق بان موفتەخەر
«فەقێ» دڵ بە نوور ئیمان کەر مەحیا
دیدەش نە ڕەزای وێت بکەر بینا
#فەقێ قادری هەمەوەند# [1]