بېسارانیبېسارانی
پەشېو جە پەیکان نازک ئەندازان
چە جای تۊنە من، دەرۇنم ئازان
ئەر سەد بار ئېمە خاڵی خەیاڵیم
جە سۊزی سەودای دەردین بە تاڵیم
بەڵۍ چۇن زامدار کۊنە ساڵانیم
پېکېیای پەیکان سۊسەن خاڵانیم
هەر وەختێ ناگا دیدە تەتارێ
نیگا مەکەرۊ لێمان بە قارێ
زامی کۊنە و نۊ، دیسان جە نۊوە
چەنی دەردی مەرگ تازە مەبۊوە
[مەولام تۊ مەولای گشتین مەولانی
هومېم هەر بە تۊن مەولای ئەولانی]
سا تۊ چۇن بەی تەور، هاڵێ پېت یاوان
زامی نەو کەردەن دەرۇنت ئاوان
شەرت نېیەن جۊیای دارۇی زامان بی
خاس ئیدەن جەی زام، زۊخین دامان بی
جە وەش نەفەسی، چەنی ئېشان زام
هەر شەو بېیاوۊ، ساحېب زام بە کام
[1]