ڕاو ڕازەو دڵیت پەی کەسی نمەکەرۆ
گرڎ کەسێ ئەچی دنیانە بڕێ ڕازۍ و سەرئامێ و قسۍ ئینێ دلۍ دڵیشەنە، تەنیا وېش زانۊشا، وېشانۍ وېشەنۍ، گەر مجۊشارە پەی خەلکی و نەتاوۊ پارېزنۊشا، یام پەی مەرامێ لاو کەسێوە، یام دۊسێوە درکنۊشاو ئاشکەرێشا کەرۊن، ئانە فرەو جارینە مەبان بە مایۍ سەرئېشەی پەی وېش. ئینە پېسەنە مۊچیاریێ پەی خەڵکی، کە جە پارېزنای چېوەکا دلۍ دڵیش وېگیربۊن، بە ئاسانی بەرەو دڵیش پەی خەڵکی نەکەرۊوە، چونکووم درکنایشان خێرەو وەشی پەی ئا کەسەیە نماران، بەڵکووم فرەو جاری مەبان بە مایۍ ناڕەحەتی و زەرەری، واتا بە درکنایشان هیچ قازانجێ نمەیاوۊ بە ساحیبیشان. بڕێ کەسۍ بەخېڵۍ و گول وینۍ حەزشان بە وەشی و قازانجو خەڵکی نییەن، کاتێ بەرەو زېڵېشا پەی واز کەری، ڕاو چېوەکاتۆ مەگنا دژمەنداریت، خۊ گەر ئا چېوە کە ئینا دلۍ دڵیتەنە قازانجێش چەنەبۊ، ئانە حۆلۍ مڎان تېکش بڎان و زەرەر بڎان وەنەت.
[1]