هەر کەس چەنېوەت چەقنۊ پۊرە، گۊچەوەنېوەش چەقنە پۊرە
ئی واتۍ گەر پەی سەردەمێ کۊنی ڕەوا بیېبۊ، پەی ئیسەی قیمەتش نییەن، چوونکوم گیانو تۊڵەی دلۍ دڵ و دەروونو کەسەکانە سۆزنۊ، دلۍ یاسا ئایینیەکانە، یاسا مروڤیەکانە هەقە پېسە وېش مەسنیۊ، وەراوەر چېشش کەردەن، پېسە وېش پەنەش کریۊوە، بەڵام نەک زیاتەر، هەر پېسە واتەکۍ پەنەمان ماچۊن.
دمای ئانەی گەر گرڎ کەسێ پا تەرزە هەقەو وېش بسانۊن، هیچ قیمەت و شەرعیەتێ پەی یاسای نمەمەنۊوە، کارو دۆڵەتی ئیفلیج مەبۊن. دەسەواچەکۍ پا نیازە واچیێنە هەکە خەڵک زیاڎەڕەوی جە هەقئەساینه نەکەرۊن، واتا جیاتی چەنێ، گۊچەوەنێ بەکاربارە نەک زامڎاری و کوشتەی، نەزانانشا کە وېچش زیاڎەڕەویش ئینا چەنە، چوونکوم گۊچەوەنی جە چەنۍ زلتەرەنە.[1]