قسې کۆتە سی دڎانې، مەگنۊ سی یانې
ئانەی ئینا دلۍ دڵیمانە، زیاتەریچ قسێوە پەنهانییە، یام عەیب و عارێ خەڵکی، یام قسێ ئەمانەتە، مەشۊم یاگې وېشەنە پارېزنمېش، یانی دلې دڵیمانە هۊرش بگېرمېن. ماناو واتەکې پاسنەن گەر قسې دلې دڵینە زیارەو ئاما دلې دەمی، یانی وەرو (سی دڎانە)ی کەوتە، ئیتر بە ئاسانی مزیۊرەو خەڵکی مژنەوۊش، ئڼەو ساتێ مەیاوۊ دلې سی یانا. واتەکې فېرمان مەکەرۊن کە نهېنی پارېزې بیمې، گەر تەماشە بکەرمېن کەسە ئەرەمەرزیێکې زیاتەر مەتاوان چېوەکاشان بپارېزنان، بەڵام کەسە هەڵەشەکې دڵ و دەمشان یۊن، ئانەی ئینا دڵشانە، ئینایچ سەرو زوانیشاوە. پارېزنای سڕی و بەرنەوستەیش، مەڵامەتەن پەی بېوەیی و ژیوایێ تەندرووسی، بەڵام چەپەوانەکەش کەسەکەی تووشو هەزار دەردیسەریا مەکەرۊن، ئاژاولې و جەنگ و جەڵەبە مەوزۊ میانو خەڵکەکا.[1]