خاکو چېرو پەیاش پەی (حۆت دەرمانەی) مشیۊ:
جە سەردەمە کونەکانە، وەڵۍ ئانەی زانیاری تەندرووسی بیاوۊ پی قۊناغە، خەڵکی پەی چارەو دەردەکاشا، سووڎ جە گژوگیواوی و دەرمانە کوردەواریەکا وەرگېرېنۍ، چەنی ئانەیچە دەرمانێ بیەن کە پەی چڼەها دەردا بەکارشان ئاوەردەن، پەنەشا واتەن (حۆت دەرمانە)، کاتێ بە کەسێشا واتەن (خوڵەو چېرو پەیاش پەی حۆت دەرمانەی مشیۊ) کە (خوڎا تەس، بېوەی، سووڎ بەخش، نەرموونیان) و دلۍ خەڵکینە وەشەویس بییەن، یانی ئڼە موبارەک بییەن بە تەعرێ خوڵەو چېرو پەیاش تەبەڕوکە بیېنە.
زیاتەریچ پا کەسا واچیان هەکە دلۍ خانەقا و مزگیەکانە خەریکۍ خوڎاپەرەسی و نما و تاعەتی بیېنۍ، هەرگیز تیکەی حەرامشان نەواردەن، ماڵو کەسیشان داگیر نەکەردەن، تەماشا نەبڕیېنە نامووسو کەسی.
[1]