بابەت: دوە براڵە
گېڵناوە ئۆسا دوۍ براڵۍ بیېنۍ کە هەردوۍ پاڵو هەنترینېیەنە زەمینشا بېیەن و چاگە گەنمېشا کاڵا‌ینە و بە ورەتەی گەنما ژیوا‌ینۍ.
یۊشا کە گەورەتەر بېیەن ژەن و زاروڵەش بېیەن و ئەوشا هەڵای ژەنیش ناردېنە.
وەروو ئانەیە کە زەمینەکېشا پاڵو یۊیەنە بیېنۍ، وەختوو خەرمانی هەر شەوېوە یۊشا چەمڎاری هەر دوە خەرمانەکاش کەردەن.
ئا شەوە کە نۊبەو برا گولالەکەی بېیەن، وەختێو نیمەشەو یاوان و کەس نەبېیەن پاگەنە، وەروو وېشەرە واتەنش:
من پیا‌یوی بۍ ژەن و یانەنا و کڵفەت بار نېیەنا، وەی کەرددەی زارۊڵام نېیا ملەوە، بەڵام کاکەم ژەن و زاروڵەش هەن و مشیۊم فرەتەر جە من خەرج کەرۊ.
جا جە خەرمانەکەو وېش بڕېو گەنمېش بەرد٘ېنەو کەردېنەش سەرو گەنمۆ خەرمانەکه و کاکەیش.
شەوۍ دما‌یېنە کە برای گەورە لاو خەرمانەکاوە بېیەن، وەختوو نیمەشەوی ئاڎییچ لوان فکرێرەو واتەنش:
من ژەنیم ئاردېنە و زاروڵېم هەنۍ و شوکروو خوڎای هیچم کەم نېیەن، بەڵام ئی برا گولانەمە هەڵای ژەنیش ناردېنە و پەی ژەن ئاردەی و یانە ڕېک وستەی پووڵ و پارەی فرەتەرش گەرەکا. جا هۊرسەن بڕېو جە گەنمەکا وېش بەردېنەش و کەردېنەش سەرو خەرمانوو برا گولانەکەیش.
گرد شەوېوە ئینە کسمشا بېیەن تاکو وەختوو ورەتەی گەنمەکاشا.
جا ماچۊ خەڵکوو دەگاکۍ سەرەشا سڕ مەنەبۍ چانەیە کە تەنانەت ئا ساڵۍ کە بەریات کەم بۍ و وارانی کەمیچ وارابۍ و گەنمۍ کەمۍ بېنۍ، ئا دوە برا، ساڵ بە ساڵ خوا فرەتەرشا دۍ پنە.
ئینە ئانەی یاونۊ کە ئەر بە دڵپاکی جمیوە و هەرمانە بە دڵپاکی کەری، خوڎایچ مجۊ ملتەرە و عالتەر مارۊ وەرەوە پەیت.[1]