با کەمێ خۊمۍ
هۊرگېڵن وساقەو کەر: ئەسکەندەری مۆرادی (سیروان داریانی)
حاجیێوە بەتەمەن جە دووکانەکەشەنە خەریکو کووتاڵ ۋرەتەی بۍ، جەگوزەروو هۆرامیەکاو مەریوانینە، کوت وپڕ و بەخېرایی ژەنېوە جوان و شوخ و شەنگە و باڵابەرزە، وەش پنە کۆتۍ بە کەیفێوە دیپلۆماسیەو (کیف سامسونێت) . ئامانە دلۍ دووکانەکەو لالۊ حاجی .
حاجی فرەش بە دڵە بۍ، هەر توزێوەش مەنە بۍ باوشیش پۊرە کەرۊ.
ژەنەکۍ واتش: ئا حاجی ئی دووکانە هینوو وېتا؟
حاجی بە فیز و پۆزەوە واتش:
بەڵۍ کە هینوو وېما.
چوار دووکانۍ تەریچم هەر ئەچی گوزەرە نە هەنۍ و جە شاروو سنەیچەنە یەرۍ دووکانۍ تەریچم هەنۍ، جە شاروو سەقزیچەنە حەمامێوەم هەن، جە شاروو تارانیچەنە هوتېلێوەم هەنە، داهاتوو دەرامەتم مانگانە جە سەڎ ملیونۍ کەمتەر نیا.
فرەیچ وەشم مەی جە ژەن ئاوردەی. شوکرو خوڎایچ لەش ساقەنا، شوکور ھەر مەزانو ڤیاگرا چېشا!
یانۍ یەرە قاتېم جە وېم هەنۍ و دلېیانەم تەماما ، ماشینی مودێل بەرز و پەنج سەڎ ملیونۍ پووڵی پاشه کەوت و ئاماڎەیچم پەی ئاهەنگوو شاڎیی ژەن ئاوەردەیم هەن!
ژەنېچ واتش: فرە خاس! خوڎا فرەتەرت بڎۊ پەنە.
منیچ خانمێ فڵانەنا، وەرپەرسە و سرۆکەو بەشوو ماڵیاتوو ئیدارەو دارایی شاروو مەریوانی.
حاجی بەو پەڕوو سەرسامی و تەرسېوە دەمش چەقیارە ، واتش: دادۍ گيان چەنەم یوەرە!
من نە حاجیەنا، نە تانجیە! نامېم قالە درۊزن و کوڕو حاجی کەریمی قۆڵبڕیەنا، جەبنەماڵێوە درۊزن و فشەکەر و و سەگبابە و چەم پیس.
ئەر باوەڕیچم پەنە مەکەری فەرماوە لوە جە هامسیەکاو گوزەریم پەرسە، تابزانی چە سواڵکەرېوە هەژار و جەئاورایی تۊپانا.[1]