هەرمانە پەی زیڼا هەنە، تاکو پەی مەردا بۊ
ئی ئیدیۆمۍ زیاتەر کەسێ پەی وېش ماچۊش، پەی نموونەی گەر پەرسی کەسێ بۍ هەرمانی، نەۋەشی، بۍ شانسی، واچی فڵانی هەرمان و کارێت هەن؟
ئاڎیچ جە بەڎبەختی وېشەنە ماچۊ:
جا هەرمانە پەی زیڼا هەنە، تاکو پەی مەردا بۊن!
مەبەسش ئانەن کە ئاڎ وېش ئڼە کەنەفت و داماگا، پېسەنە مەردەی، بارو ژیوای خەڵکی فرە گولەن، هەرمان و کار کەمەن، ئانېچە هەکە لاشەشا ساقاو ئینێ بەرۆ هەرمانەشا دەسنمەگنۊ.
ڕەنگە ئی ئیدیۆمۍ وەراوەر بە کەسێچ ۋچیۊ، هەر پېسە وەڵتەر واتمان، وەراوەر بە کەسێ داماگی، چن کەسێ میانو وېشانە باس جە هەرمان و کاری مەکەران، باسەکەشا میاوۊ سەرو کەسە داماگاکەی، نەفەرێشا ئی ئیدیومۍ ماچۊ، کە پی بار و زرووفە گولە، کە خەڵکی ئەغڵەبش بۍ هەرمانەن، چکۊ هەرمانە مییاوۊ لاو ئا داماگەیە.[1]