لووتە و لووتەوانە
دیارەن لووتەوانە مەکریۊ لووتۍ، گەر لووتە نەبۊ، لووتەوانە هچ ئېژایێش نییەن، ئی پەندۍ وېنا کریێنە پەی چېوا تەری، پەی نموونەی گەر کابرا تەوانێوە داراییەش نەبۊ، چکۊ متاوۊ یاردی خەڵکی بڎۊ!
یان گەر کەسێ تەماڎارو هەرمانێ بۊ، مەشۊم وەڵېنە تەدارەک و ئاماڎەکاریش پەی کەردېبۊ، ئڼا بە زەحمەت کارش مەیسەر بۊن.
هەم بە مانێوە تەر متاومۍ وېناش بکەرمۍ، پەی پېوەس کەردەی دوۍ چېوا پېوەرە، پەی نموونەی: گەر هانە نەبۊ، گۊشېت پەی چېشی.
گەر کاڵا نەبۊ، زەڕ پەی چېشی؟
مەبەسێ تەرو پەندەکۍ ئانەن کە گرڎ چېوێ چەنی هامشان و هامتاکو وېش مەگونجیۊ، چېوۍ جیاوازۍ پېوەرە نمەگونجیان، کەردەی چامنە بەرهەمش نییەن و هیچ ئیسفاڎێ نمەیاونۊن.[1]