هانێوە ئاویت چەنە واردۆ، لېڵش نمەکەرە.
ئی پەندۍ ڕوو پا کەسانە کە سیفەت سپڵېنۍ، هیچ وەفاشا پەی ئا کەسا، یام ئا یاگا نیەنە هەکە چەنەشا سوودمەڼۍ بیېنۍ، پەی نموونەی گەر هامڕێوەت هەرمانەی خاسەت چەنی کەرۊن، یام دەسبارێت بڎۊن، ئیتر نمەبۊ وەراوەرشۆ کاری خراب بکەری، یام هۆڵۍ بڎەی زەرەرێش بڎەی ۋەنە.
دیسان گەر یاگێنە سوودمەڼ بییەی، پېسە باخێ، یام مېوەدەیمێ، تۊ هۊرزی لقو درەختەکاش ماڕیۆ، یام بەرو درەختەکا فڕەدەی.
فرەو جاری ئی پەندۍ ملۊنە دلۍ دنیاو مەجازی، یام مەعنەوی، پەی نموونەی کەسێ مۊچیاریت بکەرۊن بە خاسە، یاردیت بڎۊن بەڵام تۊ چېلاو چۆلاوە لۊمەش کەری، یام بە تەرزێ گاڵتەش پەنە بکەری.[1]