وەڵات هەی هەیاو کۊسەیچ بەڵمێو موو (ڕیش)
ئیدیۆمێن، بە کەسێ ماچان هەکە خیاڵش هەر ئینا جە لاو وېشۆ، گەر دنیا کاولە بیېبۊ، سیاو و چەرمە تېکەڵ بییەبۊ، ئاڎ بەس ئینا شۊنەو هەرمانەو وېشۆ.
وەڵات هەی هەیا، یانی دنیا هاوار و ناڵەن و خەڵک پەشۊکیان، کۊسەیچ هەر خیاڵش ئینا جە لاو کوچێ (ڕیش) یۆ، یانی تەنیا بەرژەوەڼی وېش گەرەکشەن.
ئی ئیدیۆمې جە کاتو هەرمان کەرڎەینە زیاتەر واچیۊن، پەی نموونەی دلې خانەوادێنە ئەڎا و تاتەکە خەریکې هەرمان و کارینی، مەیان و ملان، چا کاتەنە یۊ جە زارۊڵەکاشان هەر بەهانې پەی چېوێ مەگېرۊن، ئاڎیچې ماچان: ئینە هەر خییاڵش ئینا لاو چېوەکەیشۆ، یام ئا چېوەیۆ کە داواش کەرۊن، وڵات هەی هەیا و کۊسەیچ بەڵمێو موو.[1]