زلۍ بۍ هونەر
هونەر، ئا بەرهەمە کەسییەنە هەکە جیاوازەن، بەرهەمێ پیشەیی، نەقاشی، گۊرانی واتەی، بیناسازی، وەش نویسی، دەسڕەنگینی، ئەرمانای، وېنە کېشتەی، ...هتد.
مرۊڤی هونەرمەڼ خاوەن ویرێ ناسک و زەریفەن، بەرهەمش دیارەن. کەسی هونەرمەڼ سەرەڕاو هەرمانەکۍ وېش کە ڕوانە پەی گوزەرنای مەعیشەتی کەرۊش، چن بەرهەمێ ناوازۍ خولقنۊ کە بەهرە و ئاوەزشان پۆوە دیارەن.
هونەر نەبڕیان باڵاو چن کەسێرە، گرڎ کەسێ جە بوارێنە بەهرەمەڼەن، بەڵام ئېستەیۆش شەرتەن.
بڕێ کەسۍ هەنۍ هەرچن بە قەڎ و قیافە گۆرۍ و زلېنۍ، بەڵام نەتاوانشا سوود چا بەهرە و هونەریە هۊرگېران هەکە خوڎای پەنە بەخشێنۍ، پەوکەی خەڵک پەنەشان ماچۋن: زلۍ بۍ هونەرۍ.
[1]