چېڕېش ڕەمێنێ
مروڤ کاتێ دڵش وەش هەن، هەواڵێ وەش، یام قسێ وەشە مژنەوۊن، یەکسەر مەخوۊن، چوونکوم دڵش وەش مەبۊن و بە ڕۊخسار بەرش مەوزۊن. بڕێ کەسۍ بە ئەژنەویەی هەواڵێ وەشی، یام قسێ وەشۍ کەمێ لچېشا جووڵنان و زەردەخەنێ مەکەران، بەڵام بڕێ تەرشان بە دەنگی بەرز مەخوان و قاقا مڎان وەنە.
باعزە کەسێ کاتێ مەخوان فرە پۊشاوە دیارەن، بە پېچەوانەو زەردەخەناوە، دەمشان بە تەرزێ فرە مەکەراوەو کۆنترۆڵو لچاشان نمەکەران، ئا جۊرە کەسۍ بە فرەیی مەخوان، هەق و ناهەق، بە قسێوە ئاساییەچ هەر مەخوان، ئانۍ خەڵک پەنەشان ماچۊن: ئا کابرایچە دائیمە چېڕېش ڕەمێنێ.
[1]