تیرە کەمانەنە بەرشییە، گېڵایۆش نییەن
مەبەس جە ئیدیۊمەکۍ کەرڎەی هەر هەرمانێ، یام کەرڎەی هەر قسێوە یەک جارەنو گېڵایۆش نییەن، چوونکوم پېسە واتەنشا قسۍ دەمەنە بەرشییە نمەگېڵۊوە.
ئیدیۊمەکۍ مۊچیاریێ خاسش چەنەن پەیمان، فېرمان مەکەرۊن پەی هەر هەرمانێ وەڵېنە خاس وېما ئاماڎۍ کەرمېن، زەریف ویرش چەنە بکەرمېوە، پەی ئانەی بە تەمامی و بۍ کەمی و کوڕی تەمامنمېش. زیاتەر دلۍ ئېمەنە پەی قسۍ بەکارمێن، مەشۊم وەڵۍ ئانەیە هەر قسێوە دەممانە بزیۊرە، خاس ویرېش چەنە بکەرمېوە، چوونکوم ڕەنگە زامڎارکەرە بۊن، ڕەنگە ناشیرینە بۊن، ڕەنگە بۍ مانێ بۊن، سوودش نەبۊن. نەک هەر ئانە فېرېمان مەکەرۊن فرە واچۍ نەبیمۍ، کەم واچ و پۊخت واچۍ بیمۍ.
[1]