لوای بە دەسو وېما، ئامای بە دەسو وېم نېیەن
ئی ئیدیومۍ زېیاتەر پېوەڼیش بە قەدەرو مروڤەکاوە هەن، ئینسان گرڎ جارێ بە دڵو وېش و بە وەشی ئاڎیی بەرکۆتەکۍ و قۊمیێکۍ ڕوە نمەڎان، ڕاسەن ئەقڵ و ئاوەز ڕاو ئینسانی ڕۊشنە مەکەراوە، بەڵام هەم دیسان قەدەرەکۍ چارەمانە نویسیێنۍ و جاگیرېنۍ، هەر پەوکەی فرەو جاری ئانەی ئینا دڵەنە سەرو واقیعیۆ چېوێ تەرەن. وەڵینەکېما تەجرەبەشا بېیەن و پەیشان ڕۊشن بېیەنۆ هەکە سەفەر کەران پەی یاگێ، وېشان قەرار مڎان، جمارەو ملان، بەڵام چن جارێ چۆسەرۆ نەگېڵێنێ، پەی نمونەی توشوو کارەساتێ بیېنۍ، یان دۊسەکاشا تەکلیف وەنە کەردېنۍ زېیاتەر مەناوە، یان ڕەنگە ڕابڕانێ بېیەبۊ بە خاترەو جەنگی یان وارای ۋەرۋۍ و سەردا و سۊڵەی.[1]