زەڕ، زەڕ مارۊ
یام زەڕ، زەڕ کېشۊ. کاسپی کەردەی دەس مایەش گەرەکەن، یانی مەشۊم بڕێ زەڕت پەنە بۊن پەی ئانەی بتاوی کاسپی بکەرین، بە تەرزێ زەڕەکەی منیێنە هەرمانە، پېسە ئەسای کاڵا و کەلوپەلی، وەرگېرتەی پرۆژەی، کە ئینېچە قازانج کەرانو گوژمەو زەڕەکەی فرەتەر مەبۊن.
بڕێ جارېچ کابرای ساحیب زەڕ، سەرچەمێوەنە گوژمێ، یام مەبلەغێ زەڕش پەی مێ، ئیتر ڕەنگە بە میراتی، یام قەرزێ کۊنەش پەی زیڼە بیەبۊوە، کاتێ خەڵک ئا هەواڵەیە مژنەوان یەکسەر ماچان: کورە برا، زەڕ سەرو زەڕی ملۊن.
ئی ئیدیومۍ زیاتەر خەڵکە هەژارەکۍ ماچاش، هەرچن هۆڵۍ مڎان، بەڵام بە دڵو وېشان سامان گلېر نمەکەراوە، بەڵام خەڵکە زەڕدارەکۍ چوونکوم دەسمایەشان هەن، مەتاوان بە کاسپی، یام پروژۍ ماڵەکەیشان زیاڎ بکەران.[1]