یاگې شا بازا، کۊر کۊرې وازا
ئیدیۆمێ فرە زەریف و بە مانان، ئەچی دنیانە چەرخې چەرخیاو دۆران مەگېڵۊ، ئانەی ئارۊ داران، سەوای نەدار، ئانەی دیوەخانش هەن، ڕەنگە بن دیواریچش دەس نەگنۊن، بە پېچەوانەیچۆ نەدارو ئارۊی، داراو سەوایەن، بې دەس، دەسەڵاتدارەن، ئیتر ئانە یاساو سرووشتیەن، مەشۊم پاسنې بۊن.
ئا تەقەیۊرە سەرو دەسەڵاتو کەسەکارە ڕەنگە گرڎجارێ چەرخی نەپېکابۊ، خەڵکې چامنې مەیاونۊ پلێوە دەسەڵاتی کە هەر گیز شایانو ئا یاگې نییەنې، دەسەڵاتدارێ خاوەن سام و هەیبەت لابەرۊن، بې دەسەڵاتێ کەم سام مەوزۊ یاگېش.
وییەردەنە چڼەها بەرکۆتې چامنې ڕوەشا دێنە، لاو خەڵکیۆ یاگې سەرسامی و ناڕەحەتی بیېنە، پەوکەی واتەنشا:
یاگې شا بازا
کۊر کۊرې وازا
یانی حەیف کابرێوە بە دەسەڵات شاباز ئاسا ملۊ، کابرێوە بې ئەرزش یاگېش مەگېرۊوە.[1]