پیاوەتی کەرە و دەش دەمو ئاوېرە
پیاوەتی، یانی گرڎ هەرمانێ خێرۍ و عالۍ، ئانەی هەکە یاردی خەڵکی بۊن، دەسگیری فەقیر و هەژاری، کۊمەکو قۆم و خوېشی، ئانۍ گرڎ پەنەشان واچیۊن پیاوەتی. دیارەن جاران و ئیسەیچ هەرمانۍ گۆرۍ و دیارۍ پیای کەردېنۍ و کەرۊشان، چوونکوم ئاڎ خاوەنو هېز و مەچەکی بەهېزیەن، ئاڎ لوانەنە دلۍ خەڵکی و ئاگاش جە گرفت و کەم و کوڕیەکاشا بییەن.
بڕێ کەسۍ کاتێ پیاوەتی کەران چەنی خەڵکا تەری، تەماڎارۍ پاداشتینۍ و چەمشان ئینا سەرو ئانەیۆ کە بەخشانشان بە خەڵکی، یام ئا یاردیەی کۊمەکشان کەرڎەن پەنەشان.
خەڵکۍ ئیماندارۍ تەنیا وەرو خوڎای هەرمانۍ خاسۍ کەران، یام هەرگیز چەمشان نیەن جە پاداشت و عېوەزاو خەڵکی.
بڕێ تەر کەسۍ سفڵۍ هەنۍ هەکە هیچ پەنە نمەزانان، هەرچن پیاوەتی کریۊن چەنیشان قیمەتش نمەزانان، پەوکەی واتەنشا قەیڎو چېشی کەرۊن، تۊ پیاوەتی وېت کەرە و دەش دمو ئاوېرە، ئاڎ با هەر پەنە نەزانۊن.
[1]