گرد مەلێ هەنجیر وەر بیێ، هەنجیر دارۆ نەمەنۍ
یام واتەنشان؛ گرد مەلێ هەنجیر وەر بۊ، هەنجیر مەمەنۊ دارۆ.
هەنجیر؛ یۊن جە میوە فرە وەش و خاسەکا، تامێ وەشش هەن، چن جۊرېش هەن، هەر جە زەردە هەنجیرۆ گېرە تاکو کۊچە کاوۍ، فەسڵو گەرماینە مەیاوۊ پەنە، واردەو مرۊڤی و هەم باڵداریەن.
فەسڵو هەنجیر یاوای فرە وەش هەن، کە ماچان گەرمەشانە، ئیتر ساعبەنە زوو خەڵکی ملان دەرەرە پەی هەنجیر واردەی، ژەمێ فرە وەشو ساعبییەن.
بڕێ هەنجیرۍ پۆ دارەکەیۆ لێوەشا وریان، پەنەشان ماچان (مریچڵا واردۍ)، ئانۍ ساعبەنە زوو، وەڵۍ ئانەی دەسو بنیاڎمیشا پەنە بیاوۊن، مریچڵۍ ملا تەڵەبشاو وەراشان. بڕێ جە باڵدارەکا هەنجیری موەران، بەڵام نەک گردشان.
ئیدیۆمەکۍ چانەیۊ وەرگیریێنە، گەر گرد مەلێ پېسە مریچڵۍ هەنجیر وەر بیێ، ئانە پۆ داریۆ هەنجیر نەمەنۍ.
ئی یاسا سەپیۊ ملوو گردو چېوەکا ئی دنیێرە، خوڎای گۆرە پاسە یاساکېش نیێنېرەو جاگیرېش کەردېنۍ بە خاترەو ئانەی هامسەنگی دنیێ تېک نەشۊن، ناعمەتەکېش دابەشۍ مەخلووقەکاش کەردېنۍ، هەر بڕێشا جۊرە واردێوە موەران، پەی ئانەی نەبییەی توشو گییانەوەرەکا نێ و هیچشان ئاورایېنە نەمران.[1]