گۊشتو لا ڕانا وېت بوەری، جە منەتەو قەسابی خاستەرەنە
هەر ماڵێ، یام هەر کاڵێوە هینەو وېت نەبۊن، گەر لاو توچۆ بۊن، هەر قیمەتش نییەن، هەر ڕوێ بۊ بەراشۆ، یام چەنەت مساناوە.
چەنی ئانەیچە بڕێ کەسۍ هەنۍ فرە تڕ و منەت مەکەران سەرو خەڵکیرە، کاتێ چېوێ مڎان بە کەسێ، بە تەرزێ ناشیرین هەر پېسە بە سواڵکەریش بڎان ڕەفتار مەکەران، یام چیلا و چۆلاوە واناشۆو باسش مەکەران. وەڵینەکېما ڕاسشان واتەن کە گۊشتو لا ڕاناو وېت برېژی جە منەتەو قەسابی وەشتەرەنە.
گەر مشتەریێ کیلوێ یام زیاتەر گۊشت لاو قەسابێوە بسانۊ، بەڵام قەسابەکە بە تڕ و منەت پەیش بکېشۊ، گۊشتێ پەڕ تەڕاف و دمەش بڎۊ پەنە، سەرەڕاو ئانەیە منەتە کەرۊ سەرشەرەو بۊڵە بۊڵ کەرۊن، کابرای مشتەری دڵو وېشەنە ئا پەندی ماچۊن.[1]