کە وېت یانەت شیشەینا، تەۋەنی نمەگېرە یانەو خەڵکی
بڕێ خەڵکې هەنې هەر پېسە سرووشتو وېشان مەگېڵان شۊنەو عەیب و عارو خەڵکیرە، دلې چایخانە و بازارینە، دلې کۊنیشتەکانە، دەسکەران بە زەم کەرڎەی خەڵکا تەری، ئانەیچ جۊرێ نەوەشین.
ئا کەسې گرفتی دەروونیشان هەن، هەس بە کەمی و کەچی مەکەران، ۋەرو ئانەیە مەگېڵان شۊنەو عەیبەو خەڵکیرە پەی ئانەی ئاڎیشاچ وەزنارە پەی ئاسو وېشان.
ئا جۊرە کەسې بېئاگێ چانەیە هەکە وېشا پەڕېنې عەیب و عار، خەڵک خاسشا مشناسۊن، بېگومان یاگێنە خەڵک تەقۊشا چۊری و تەرېقېشان مەکەرۊوە، پەنەشان ماچان: شمە وېتان یانەتان جە شیشېنە، چی تەۋەنی مەشاندۍ پەی یانەو خەڵکی.
[1]