هەقە کۊنە بۊ، نمەفۊتیۊ
گرد کەسێ جە کاتو زوڵمی و دژمەنکارینە چەنیش، کاتێ بۍ دەسەڵاتەن، ئاواتش ئانەن هەقەو وېش بسانۊن، ئیتر بە دەسی وېش بۊن، یام دلۍ داڎگاینە، یام ڕاو خەڵکی و عەشرەتیۆ. گەر ئا کەسە هەکە زوڵمش وەنە کریان دەسەڵاتش بۊن، ئانە بە زوویی هەقەو وېش مسانۊن، بەڵام گەر بۍ دەسەڵات بۊن، پەنا پەی یاسێ بەرۊن، گەر چاگەیچ هیچش پەی نەکریا، ئیتر نائومېڎ مەنۊن، بەڵام دڵو وېشەنە هەر دەم ئینا خیاڵۍ ئانەینە جە فرسەتێنە خوڎا دەسش بڎۊ، هەقەو وېش بسانۊن.
قینی جە کەسی تاوانباری دلۍ دڵینە ڕۊ بە ڕۊ قاییمتەرە مەبۊن، هیچ دەرەتانێ پەی چەنە وەشبیەیش نمەمەنۊوە، ئینجا کاتێ ئا فرسەتە ڕەخسیۊن، ئیتر وېش یام کوڕەکەش هەقەکېش مسانۊن، خەڵکی ماچان: هەقە کۊنە بۊ مەفۊتیۊ (نمەفوتیۊ) .[1]