دەسو وېش نییەن مارش پەنە گېرۊن
هەر هەرمانێ کریۊن، بەبۍ ئانەی گۊش دریۊ بە زەڕی و چنشیەکەیش، یام کەسێ هەرمانێ بکەرۊن و زەڕێ فرە هورمجۊن، ماچان دەسو وېش نییەن مارش پەنە گېرۊن.
مەبەس چانەین هەکە زەڕەکە هینو وېش نییەن، کیسەو وېشەنە بەرنامان، بە ئاسانی خەرجش مەکەرۊن پەی وېش یان پەی خەڵکی.
پەی نموونەی دوکاندارێ تەکلیف کەرۊ جە ڕەفېقێش سەرو دوکانەکەیشۆ بنیشۊرە هەتا بلۊ نما کەرۊو گېڵۊوە، چا کاتەنە دووکاندارەکە نییا چاگە، ڕەفېقەکەش بە مەیلو وېشو بە زیاڎۆ چېو مەکېشۊ پەی خەڵکی، یام خوڵکەشا کەرۊن پەی دلۍ دووکانەکەی، چەرەسات و ساردەمەنیشان مڎۊ پەنە، ئیتر پەنەش ماچان بیەش پەی، دەسو وېش نییەن مارش پەنە گېرۊن.
یام کاتێ کەسێ واردەمەنی و چاشتی بەشکەرۊن، کە هینو کەسێ تەریەن، بە مەیلو وېشان پەیشان کەرۊنە، چوونکوم هینو وېش نییەن.[1]