دەم بازە، سەر سڵامەتەن
مەتاومی بواچمۍ سەرچەمەو فرەو ئا گرفتا کە توشو مروڤی مەیان، دەمەن، ئانەی دەم واچۊش (دەمواچ) یا خاسەن، یام خرابەن، یام وەش هەن، یان گولەن، مەشۊم ئینسان کاتو قسەکەرڎەینە هاگاڎارو وېش بۊن، بزانۊ چەنی قسۍ مەکەرۊن، چکۊ قسۍ مەکەرۊن، چوونکوم قسۍ هەم چەنیبیەی، هەم چکۊبیەیش هەن، چەنیبیەی یانی بە چ تەرزێ و بە چ ئەدەبێ قسۍ کەرین، چکۊبیەی یانی ئا یاگۍ هەکە قسېش چەنە کەرین کۊگەن، ئا قسۍ مەکەریش پەی ئاگەی مشیۊن، گونجیۊن؟
ئا مروڤی هەکە بە بۍ بەرنامە وېشاوە قسۍ مەکەران و فڕە مڎان، گرڎ چېو ماچان، ڕەنگە قسێ پەنهانیە دلۍ دڵینە شاریێ بۊوە، بەڵام فرە واتەی مەبۊن بە هۊکارو درکنای قسە پەنهانیەکاو کەسەکەی توشو گرفتێ گۆرەی مەکەران، فرەو جاری فرە واتەی گرفتۍ کۊمەڵیېش چەنە مەباوە، ڕەنگە ۋنیش چەنە مجیۊن، گەر بێ ئا قسۍ پېوەڼییش بە شەرەف و نامووسو خەڵکیۆ بۊن.[1]