دار ماچۊ؛ گەر تەۋەر دەسەش جە وېم نەبۊ، نمەتاوۊ بڕۊمۆ
تەۋەر؛ ئامرازێ دار بڕیەی و دار کەرڎەیۆن، دەمەکەش پارچە ئاسنێ دەم تیژەن، دەسەکەیچش جە داریەن.
پېسە واتمان دەسەو تەۋەری جە داریەن، چوونکوم دار سووکەن و تەوەرەکە بە ئاسانی مەگېریۊن و مەشانیۊن، بەڵام گەر دەسەکەش ئاسن بییێ، ئانە تەۋەرەکە فرە قۊرس بۍ، فرە بە زەحمەت شانیۍ.
پېسە پەندێ بەکارئامان پەی وۍ وەری و خیانەت جە یۊترینی کەرڎەی.
دژمەن هەرچن بە هېز و بە تەدارەک بۊن، هەرچن پۊشتە بۊن، بەڵام وەردەمو ئیرادەی پۊڵایینو خەڵکینە مەلەرزۊن، مەگنۊن، بەڵام دژمەن پەی زاڵ بییەی، تاکتیکێ تەر بەکارمارۊن، ئاڎیچ وەشکەرڎەی تەفرەقە و دوە بەرەیی میانو خەڵکینە، سیاسەتو دەسە تەۋەرەکەی بەکار مارۊن، بڕێ کەسۍ مسانۊن بە تەمای مادیە، یام تەماو دەسەڵاتی کە دلېنە بە گرڎ ئامرازێ پەلامارەو هېز و دەسەڵاتو میللەتەکەو وېشان بڎان، بە هاندای خەڵکی زدشان، خەڵک کەردەی گژېشارە، بە وەڵاکەرڎەیۆ پاگەندا پەی وڕنای ورەو خەڵک و چەکدارەکاشا، ئانۍ پېسەنۍ دەسەو تەۋەری، کە میللەتو وېشان مەبڕاوە.[1]