سەرەم وەرو ڕۊجیارینە چەرمە نەکەردەن
ڕۊجیار یام وەرەتاو ڕەنگە پەی زەمەنێ فرەی چېرشەنە مەنیۆ خراب بۊن، پەی پۊسی، پەی قژا، بەڵام ئامانجو ئیدیومەکۍ ئانە نېیەن، سەرە و ڕیشی چەرمە فرەتەر پېوەڼیش بە تەمەنیۆ هەن. ئیدیۆمەکۍ پەی بارێ ئاگایی، یام پەی نیشان دای ئاگایی بەکار مێ.
گەر کەسێ خەتێوە کەرۊن، بەرەجیۊش کەس ئاگاش چەنەش نېیەن، بەڵام نەفەرێ نزیکۆ پەنەش ماچۊن تۊ ئا خەتێتە کەردېنە، خەتاباریچ ماچۊ: تۊ چکۊ مزانی؟ ئاڎییچ ماچۊ خۊ سەرەم وەرو وەرەتاویۊ چەرمە نەکەردەن، چەنی ئاگام چەنە نېیەن.
یام زارۊڵێوە کەتنێ مڎۊ، تاتەش پەنەش مزانۊ، زارۊڵەکە هەر حەشا کەرۊن، بەڵام تاتەش پەنەش ماچۊن: سەرەم وەرو ڕۊجیاریۆ چەرمە نەکەردەن، ئاگام چەنەتەن.
بە کوڵی ماناو ئیدیومەکۍ ئانېنە کە ئا کەسە ئیدیۆمەکۍ ماچۊ بە کەسی وەراوەریش بواچۊ خۊ من ژیوایمەنە هەر وەرو ڕۊجیارینە نەمدرانا، بەڵکوم فرە گېڵانا، یاگە و یاگ لوانا، چېو فېر بېیەنا.[1]