ڕەحمەت کەفەن دزی
کەفەن دز، ڕەفتارێ غەریب و نامۊن، کەفەن چەنی دزیۊ؟ پەی چېشې؟
ماچان کاتو وېش کابرێوە بییەن کەفەنې مەرداش دزیېنې، ئیتر دیار نییەن چەنی؟ ڕەنگە دمای شارتەیۆ مەردەکا قەبرەکېش هۊرکەندېباوەو کەفەنەکەش پۊرە وەتېبان، ئانەیچە سامێش گەرەکەن!
وەلحاڵ دزەی مېزاوەو مەگېراش، تالیمش مڎاو تۊڵەش چەنە مسانا، بەڵام دمای فەترێتەری مڎیا کابرێوەتەر پېڎابییەن، چەنی ئانەی کەفەنې مەردەکا مەدزۊ، عەیبدارې و لەکەدارېچشا کەرۊ، کاتێ خەڵکی پەنەشمەزانان، ماچان ڕەحمەت وەڵینی.
ئینە بییەن پېسە پەندێ بەکارئامان وەراوەر بە چن کەسێ کە هەرمانې خرابی مەکەران کە وەڵتەر نەکریێنې، یام فرەو جاری خەڵکی دەسەڵاتێ زاڵمی وڕنا و دەسەڵاتێ تەر ماران یاگېش، کاتێ یاگەپاش هېقم مەکەرۊن دەس کەرۊن بە دزی و زوڵم و ناداڎیی جە وەڵینەکا خرابتەر، ئیتر خەڵکی بې هېوا مەبانې و ماچان: سەڎ ڕەحمەتی جە کەفەن دزە وەڵینەکا، خۊ ئاڎې هەر کەفەنەکەی دزېنې.[1]