ئەڎا زارای هۆرامیە
نویستەی: #هەورامان ڕۆستەمی#
دیدار چەنی ئەڎا زارای هۆرامی خەڵکوو دەگاو دەلی، ئەرەنیشتێ شاروو مەریوانی.
ڕۆدیاروو یەرەشەمەی (29) مانگەو گەڵاخەزانی سەرو داواکاری ڕاوەبەر و وەرپەرساو کومیتەو یاران کۆی چەنی تاقمێو جە چالاکە مەدەنی و فەرهەنگیەکاو شاروو مەریوانی سەردانوو ئی شېرە ژەنێما کەرد و سەرەڕاو بەخشای تەندیسوو مدرامان و شېرەژەنی پېسەو ئەڎایێوی نموونێ ، بە ئەو پەڕوو هەست و شانازیەوە دەسو ئەڎا زارایما ماچ کەرد.
خاتوو زارا ئەژناسیەی بە (ئەڎا زارا هۆرامی) شۆنەو جە دەس داو شوەکەیش، (38) ساڵێ پېسەو شېرە ژەنێوێ و وێپا و بە باوەڕ و ورێوی پۆڵایین جگەم ئانەی تاوانش بە خاستەرین شێوە زاوڵەکاش وەی کەرۊ و گردی بېیاڤنۆ سەرو یانە و ژیواو تایبەت بە وېشا، وەختوو کارەساتە دڵتەزێنەکەو هەڵبجەی سەرپەرشتی زاوڵێوی دوە مانگەی بۍ بەش جە نێعمەتوو ئەد٘ا و تاتەی بە ئەوپەڕوو دڵسۊزی و دڵ دەریایەوە گېرۆ ئەستۆ وېش و ئاد٘یچی سەرو ئەرکوو شانا وېشەوە وەی کەرۊ و مېیاونۊش بە پلە و مەقام. (کاک موحەمەد.وێنەو یەرۆمی) .
ئەڎا زارا بەداخەوە ساڵەو(68) یۊ جە زاوڵە شیرینەکاش جە دماو هەل و مەرجوو ئەوەڵوو شوڕشوو گەلا ئێرانی جە دەس مد٘ۆ و بەڵام هەڵوو ئاسا مد٘ۆ ملو پەل و پۆ تەنگ و چەڵەمەکاو ژیوایەرە و ورد و هانېشا کەرۊ پێوەرە و ژیوای وېش و زاوڵەکاش بە خاستەرین شێوە و بە بیە و نەبېیەی و لەمېوە سێر و دوێ ئاورای بەرۆ سەر.
جە تەرەفوو وېمە دەس وەشی کەروو جە ئەد٘ا زەحمەت کېشێ و ئاواتم ئانەن ئێتر کەمتەر ژەنېوە وینمێ پېسە سەخڵەتی بەی وەرەڕاش .بەڵام ئاواتم ئانەن پەی ورە پاڵنگ ئاساکەیش نموونېشا فرێ با.
هەرپاسە دەس وەشی کەروو جە گردو ئازیزە بەشداربیەکاو ئی چەم پەنە کەوتەیە کە وانەو ڕېز گېرتەی و پێوەرە ژیوایشا واخوا کەردۆ.[1]