یاڎەوەریەکېم
بەشو: چواردەی
زیاتەر جە سی ساڵێ هەن(تاریک و ڕوون) مامۊسا هێمنیم وانانوە، هیشېیای بوەوبەرامەو شێعرەکاش، جیاکارەن، هیچ، پېشەکییەکەش کە پەخشانېوە قورس و مەکین و تامدارش چەنە چکابێرە، ئاڎیچ بە قەڵەمە ڕۊح سووکەکەو هێمنی، جەرەیانېوە قووڵ، حەیاتی، تامڎار، شیرین، تورش، تاڵ، سۆڵ، گردو تامەکاش چەنە بۍ و جە لاپەڕەکاشنە چۆڕ چۆڕ ئەیرە واری. ئینجا جە چەماتەوە و زوانتەوە گېرەش تاکو لاو ماسوولکەکات، حیچ، فکر و ئاوەزیت تڵیشیێ و مەژگیت تەکنېرە وەروو دەمیت. موێ سەرەیت و تەماموو لاشەیت ڕاسێ بێنێوە!
ئارۊ ( 2-2-1402) دێرە وەختێ، دەمەو ۋېرەگا چەنی کاک مەهدی دانش خواە (خوندل) وەشەویسی سەرێوما دا کتېب فرۆشی هێرمسی (کاک ئارێز ڕەشیدی) جە شاروو مەریوانی. دمای چن دەمەتەقێ و ئی دیم و ئۆ دیم کەردەی چن کتېبێ تازێ و کۆنێ و حەر پاسە وانایوە عینوان و پێڕست و شیپانە (مقدمە) چن کتېبێ تازێ و ئەوەنەونیایێ، کوت و پڕ کاک مەهدی کتېبێوە وەش ڕەنگ وبۊ و سووکەڵەش نېیا سەرو خوانوو مێزەکەیوە. خێرا منیچ گورج چەمم کەوت پەنە، وانامەوە: لە کوێوە بۊ کوێ، هێمن!
ئای دڵەکەم، ئانە چاپ کریانوە؟ وەڵا منیچ گەرەکمەن، خەیلێ وەختەن مژنش پەوە کەروونە، ساڵهای ساڵێن بەوە و بەرامەش زێهنیم ئاوژین کەرۊنە و مەژگیم بە ئازارەکاشوە ساڕێژ کەرۊنە! کە ئی دیم و ئۆ دیمم کەرد، واتم ئانەنە قەڵەم و ئانەنە پەخشان و ئانەنە ئەدەبېیات.
کاک مەهدی ماچۊ: کاکە دەی ئا قەڵەم و کەلیمێ و مەژگ و ئاوەز، وېش دوورەوە هاوار کەرۊنە، وېش بەرۆنەت پەی قووڵایی بێرمۆدای، پەی شەونەخوونی و شەوبېداری. یوسا ناحەقش نېیەن واتەنش:
(جامعه ای که نوشته هایش از ادبېیات سرچشمه نگرفته باشد، بیشتر به جامعه ی الکن ها و بی زبان ها می ماند).
کاک مەهدی وەشەویس و دەس و دڵباز، دوێ (2) جڵدێش سانێ و جڵدېوەش پېشکەشو کتېبخانەکەو منش کەرد.
بە سپاس و ئێحترامەوە.
سەرنج بڎەیدێ ئی کتېبە شیرینە کە (83) لاپەڕێن و جە دەزگاو چاپەمەنی انتشاراتی (خانی) سەقزی وەڵاو کریانوە، چەنی دەس پەنە کەرۊنە و بەرۊتنە دلێ قووڵایی جەرەیانەکەی تاکو نەتەمامیۆ، وازت چەنە نمارۆنە:
(لە کوێوەبۊ کوێ):
منبۊ خۆم وام، ڕەنگە زۊر کەسیش وابێ، کە شێعری شاعێرێک یا نووسراوەی نووسەرێک دەخوێنمەوە. چ زیندوو چ مردوو، پێم خۆشە خۆشی بناسم، بزانم کێیە، خەڵکی کام وڵاتە، کاری چییە، چۆن دەژی و ئەر مردوە چۆن مردوە، لە کوێ نێژراوە.بۊیە بڕیارم دا سەرگوزشتەی خۆم لە سەرەتای ئەو بەشەی دیوانەکەم دا بنووسم. بە کێم گوتبا ئەو سەرگوزشتە بنووسێ؟ کێ من لە خۆم باشتر دەناسێ؟
بورهان ئەختەر.[1]