نامې: ئازاد
نازنام: هۆرامی
نامۊ تاتەی: عەبدولمەجید
ڕۊ پېڎابییەی: #31-12-1954#ز.
ڕۊ مەرڎەی: #31-08-1988#ز.
یاگۊ پېڎابییەی: #کەرکووک#
یاگۊ مەرڎەی: #قەندیل#
$ژیۋاینامە$
شەهیڎ ئازاد هۆرامی، نامې تەمامەش؛ ئازاد عەبدولمەجید غەففار، دلې بنەیانێوە نامڎاری، شوڕشگېڕی، دەسەڵاتداری هۆرامانینە ئامان دنیا، بنەیانەکەشان کە سوڵتانەکې هۆرامانینې، دۆرێ دیار و کاریگەرشان بییەن دلې هۆرامانی و کورڎەسانی و ناوچەکەینە، ساڵەو (1953ز.) جە هۆرامانۆ بە ناچاری و چېرو فشارو دەسەڵاتدارا ئېرانینە کۊچشان کەرڎەن پەی شارو کەرکوکی.
ئازاد هۆرامی، دلې ستەمە چینایەتی و نەتەوەییەکانە عاسو ویرکەرڎەیۆ و جەهانۋینیش فراوان بییەن، پۆکەی هەر جە سەردەمو هەرزەکاریشەنە یۊ بییەن جە فېروازە هۊرکۆتەکاو بە زوویی تېکەڵو کایە ڕامیاریی و کوردایەتیەکا بییەن.
ساڵەو (1975ز.) دمای زیڼانی کەرڎەی شەهید شیهاب و هامڕاکاش، ئەرکو ڕېکۋستەیۆ ڕیزەکانو (کۊمەڵه)یش گېرتەن گەردەن، ئی کۊششکارە چەنی شەهیڎ (ئارام) دۆرێ ئېژانەش دییەن پەی سەرداریکەرڎەی دلېگەرانەو ئا ڕېکۋزیایە.
ساڵەو (1978ز.) دلې کارەساتو هەکاریینە دیل کریان، ساڵەو (1979ز.) تاوانش وېش دەرباز بکەرۊن و پېوەڼیی بکەرۊوە بە ڕەفېقەکاشۆ.
ئازاد هۆرامی سەرکەرڎە، ئەدەب دۊسێ شارەزاو موسیقارێ چەنەئاما بییەن، دلې هونەرمەڼ و ئەدیب و شاعېرانە یاگێ دیارەش بیېنە.
دمای زاڵبییەی دەسەڵاتو داگیرکاری جە هۆرامان، سانەکې هۆرامانی زاڎگاو وېشان جیائاستەن، ئاوارې پانیشتو کورڎەسانی بیېنې، خانەواڎەو ئازاد هۆرامی جە شارو کەرکووکی نیشتەجایې بیېنې، ئەچاگە ئازاد هۆرامی دلې گەڕەکەو ئیمام قاسمی ئامان دنیا، ساڵەو (1961ز.) لوانەنە وانگای سەرەتایی ئیمام قاسمی.
تاکو پۊلو ششەمی ئاماڎەییش جە شارو کەرکووکی وانان، بە مەڵامەتو کۊششی ڕامیاریوە نەتاوانش درېژە بە وانای بڎۊن.
ساڵەو (1972ز.) پېسە ئەندامێ دلې یۊبییەی قوتابیا کورڎەسانینە کارش کەرڎەن، هەر چا ساڵېنە پېوەڼیش بە ڕېکۋزیاکا کۊمەڵەی، کە ڕېکۋزیێوە مارکسی_لینینی بییەن کەرڎەن، ساڵەو (1974ز.) دلې شوڕشو ئەیلوولینە چەکو پېشمەرگەییش کەرڎەن شانە، ساڵەو (1976ز.) بییەن بە ئەندامو کۊمیتەو هەرېمەکا، یانی سەرکەردایەتی ئاوەختەو کۊمەڵەی.
تاریخو (08-07-1976ز.) سەرجەنۊ چەکو پېشمەرگەییش کەرڎەنۆ شان، دلې چەمو ڕېزانی یەرەم مەفرەزەی چەکداریش وەشکەرڎەن.
ساڵەو (1977ز.) پېسە ئەندامو سەرکەردایەتی یەکیەتی دیاری کریان، ساڵەو (1978ز.) پېسە ئەندامو کۊمیتەو میانی کۊمەڵەی هۊرچنیان.
ساڵەو (1979ز.) دلې زیڼانو پارتینە هۊرئامان، ساڵەو (1980ز.) پېسە وەرپەرسو لقو دۋې یەکیەتی دەسبەکاربییەن، وەرپەرسو ناوچەکانو کەرکووکی و قەرەداخی.
ساڵەو (1981ز.) دلې یوەمین کۆنفرانسو کۊمەڵەینە جە (مالیمۆس) بە ئەندامو سەرکەردایەتی کۊمەڵەی هۊرچنیان، جە کۆنفرانسو دۋې و چوارینە، جە ساڵەکانو (1982ز.) و (1984ز.) دیسان بە ئەندامو ڕاوەبەری کۊمەڵەی هۊرچنیانۆ.
دماتەر پېسە وەرپەرسو میانی دەزگاو ڕۊشنۋیری کۊمەڵەی دەسبەکار بییەن، چڼین باسې و چەنەکۊڵیێش دلې گۊڤارو کۊمەڵەینە تۊمارې کەردېنې.
ئازاد هۆرامی، جە تاریخو (26-02-1987ز.) چەنی خاتو (شنۆ شاسواری) هامسەرگیریش کەرڎەن، ساڵەو (1987ز.) پېسە وەرپەرسو مەڵبەڼو بادینانی دەسبەکاربییەن، چەنی هېزەکەیش لوان پەی ناوچەو بادینانی.
تاریخو (31-08-1988ز.) جە دما قۊناغو ئەنفالینە شەهیڎ کریان.
ئازاد هۆرامی، هامشانو کۊششی نەتەوەیی و چەکداری، کۊششی ڕۊشنۋیریش بییەن، ئاڎ هەر پېسە ڕامیارێ، هەم ڕۊشنۋیرێ، هەم هونەرمەڼێ خزمەتش بە قەزیې میللەتەکەیش کەرڎېنە. [1]