نامې: ئەحمەڎ
نازنام: ئەردەڵانی
نامۊ تاتەی: هەڵۆخان
$ژیۋاینامە$
خان ئەحمەڎ خانو ئەردەڵانی، شاڼزەهەمین میرو ئەردەڵانەکا، ساڵەو (1014 ک) بە فەرمانو شاعەباسی پېسە حاکم و میرو کورڎەسانی یاگې تاتەیشەنە (هەڵۆخان) دەسبەکار بییەن. بە فەرمانو پاشای ویس هەزار چەکدارې و سوارېش ئاماڎې کەردېنې، پەی تەمې کەرڎەو خەڵکو (موکری و بڵباس)ی. هەرچن لەشکرو موکری و بڵباسی بە ژمارە فرې بېنې، بەڵام وەردەمو سوپاو کورڎەسانینە وېشا پەنە نەگیریاو مەڕێ و ڕەمێ. ئانەی کوشییا، کوشییا، بڕېشا ڕەمێ و پەناشا بەردە پەی ڕەواندوزی، لوێ دلې قەڵاو ڕەواندوزی، خان ئەحمەڎ خان کۆت شۊنیشا، پەلامارەش دێ، ناوچەکەشا گیریاو تاڵان کریا.
خان ئەحمەڎ خان تەماش کەرڎە ناوچەکانو چواردۆریش، پانەو وېش ڕازی نەبی، پەوکەر سوپێوە گۆرې و پۊشتېش سازناو بەرنامەسازیش کەرد پەی پەلاماردای شارو (موسڵ) ی، جمارە، کاتێ یاوا نزیکو شارو موسڵی پیێ نامڎارې و کەسې دەسەڵاتدارې بە دیاری و سەوقاتیۆ ئامێ پېوایشۆ، حانو سوپاکېش لوێنە دلې شارو موسڵی، حاکمو موسڵی پەی ڕزگارکەرڎەی گېیانو وېش بە پەلە ڕەما پەی شارو دیاربەکری، خان دمای گېرتەی شاری زیارەتو (نەبی یونس) یش کەرد، سەلامو خوڎایش سەربۊ، چل ڕۋې شارو موسڵی مەنۆ.
دمای ئیسراحەتی بە وېش و سوپاکېشۆ جمارە پەی گېرتەی (کەرکووک) ی، بە هیممەتێ فرۆ وېشا تاودا، یاوێ دلې کەرکووکی، کۆنترۆڵشان کەرد. چاگەیچۆ جمێرە پەی گېرتەی شارو بەغڎای، کاتێ یاوێ نزیکو دەربازەو شاری، پاشا و گۆرە پیێ ئامێ پېوایشۆ، چیلایچۆ خەبەر یاوا شاعەباسی، ئاڎییچ بە وېش و سوپێوە گۆرې و توکمېوە جمارە پەی بەغڎای، کاتێ نزیک بیۆ، خان ئەحمەڎخان و گۆرە پیێ بەغڎای لوێ پېوایشۆ.
خان ئەحمەڎخان دمای چن ساڵێ گېڵاوە پەی کورڎەسانی، بەڵام چوونکوم نېیەتش وەشکەرڎەی دۆڵەتێ گۆرەی بې، پا سەرزەمینەیە کە وستەبېش چېرو دەسیش نەمرکیارە، پەوکەی دەسش کەرد بە سازنای سوپێوە گۆرې، پەلامارەو ناوچەکانو
. (هەمەڎان و کرمانشان و ئەردەبیل) یشدا، بە ماوێ کەم وستېش چېرو قەڵەمڕەوی وېش. مزگیەکانە، ڕۊ جمعەی دۊعێ پەی خانی کەرېنې، بە ئاشکەرا داواو سەربەۋېیی کەرې،
ئەسعەد ڕەشید. [1]