ناتاریخ، هاشتاگێ پەی ڕۊشنگەری!
یۆ جە ئەرکە زاتیەکاو کاناڵەو تارېخو هەورامانی ئانەنە کە بەپاو تاوای وېش، ئا پەیلوای و زانیاریە هەڵا جە بارەو تارېخو هۆرامانیۆ کە کۊمەڵگانە وەڵا کریاوە، وزۆ بەرو جە بارەشارە ڕۊشنگەری کەرۊ. چېولای هەوڵۍ مڎەیمێ ئی کاریە چېروو هاشتەکێوی تایبەت بە نامۍو ناتاریخ یۊ کەرمۍ. متاودێ بە کلیک کەردەی سەرو ئی هەشتەکیۆ، هەمتەر نویستۍ کە پێوەندیشا پی بابەتیۆ هەن ، ویندێ. چوون ئا مەتڵەبە هەڵە تاریخیێ کە بە تایبەت فەزای مەجازیەنە وەڵای باوە، بە داخەوە فرێنێ، تەبێعەتەن نمەپەردەچیۆما سەرو گردیۆ. هەرپاسە نمەتاومۍ بە تەفسیل و فرە سەرشا بلمێ. پەوکی تەنیا سەرو ئا زانیاریە هەڵارە ملمێ کە هەست کەرمۍ سەرنجوو بەشێو جە کۊمەڵگایشا پەی لاو وېشا کېشتەن، فرە کۆتا و مۆختەسەر سەرشا منویسمۍ و جیاتی دەلیل ئاوردەیۆ، فرەتەر ڕوەو متمانەو هامڕایاو کاناڵەو تارېخو هۆرامانی بە وېماوە حەساب کەرمۍ، بەڵام چنی کەسی تەعارۆفما نېیا و هەرکەس و لایەنێو هەستما کەرد کە خەریکوو وەڵاوە کەردەی زانیاریە تاریخیە هەڵان، بەپاو تواناو وېما چېروو هاشتەکوو ناتاریخ یەنە، جەبارەشەو ڕۊشنگەری کەرمۍ!
کاناڵەو تارېخو هەورامانی.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ 247 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!