کورد دلۍ چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشۍ: چواردەهەمە
* ئەچی سەدەنە چن قومیێ ڕوەشا دێنە، بەپاو ئا بەڵگا کە شۊڼەوارئەشناسەکا ئېستېنێ ئەچی سەدەنە چن دیاردێ و کۊچۍ بەکۊمەڵۍ ڕوەشا دێنە.
* میانو ساڵەکانو (1500-- 1360) وەڵۍ زایینینە بەڵگەکۍ پاسنە نیشانە مڎان هەکە هەر پاشێوە ئاشوورییەکا ئەچی میانەنە حوکمش کەردەبۊ چېرو دەسەڵاتو میتانەکانە بیەن.
* سەدەو (1500) وەڵۍ زایینینە کۊچو ڕەگەزە ئارییەکا پەی کوردەسانی و ناوچەکانو چواردۆریش.
* هەر ئەچی سەدەنە دۆڵەتی میتانی مەرزیانەرە سەرو دەسو هۆری یام خۆرییەکانە، جە کۊتاو ئی سەدەینە (شوتارنای یەکەم) پاشاو میتانییەکا بیەن.
* ئەچی سەدەنە فەرمانڕەوایێ بەهېزو میتانییەکا مەرزیانەرە، هەر ئەچی سەدەنە میتانییەکۍ فەرمانڕەوایی بەشێ فرەو خاکو کوردەسانیشان کەردەن. هەر بەپاو بەڵگەنامەکا دلېڕاسەو ئی سەدەینە دەسەڵاتو میتانییەکا یاوان ناوچەکانو کەرکووکی.
[1]