کورد دلې چەرخەکا تاریخینە
ئاماڎەکەرڎەی: ئەسعەد ڕەشید
بەشەی شاڼزەهەمە
ساڵەکانو (1420-- 1410)وەڵې زایینی:
* ساڵەو (1420) وەڵې زایینی سەردەمو فەرمانڕەوایی (بونابوریاشی کاشی) بییەن، کە چەنی ئاشوورییەکا ناتەبا بییەن و دلې شارو (لارسا)ینە مەعبوود (پەرەسگایێوەش) پەی خوڎاو ڕۊجیاری وەشکەرڎەن، یانی پێکەرێ کە نمایەندەو خوڎاو وەرەتاوی بۊن سەرو زەمینیۆ، پەی ئانەی خەڵکو دلې مەملەکەتەکیەش بپەرسانەش.
* هەر بەپاو بەڵگەنامە ئېزیاکا کە شۊنەوارئەشناسەکا ئېستېنێ، بەرکۆتەن ئەچی سەدەنە میتانییەکې تاوانشان ئا سەرزەمینا چېرو دەسو میسریەکانە ڕزگارې بکەران کە وەڵتەر داگیرېشان کەردېبېنې.
* دمای دوې دەیا، یانی ساڵەو (1410)وەڵې زایینی سەردەمو فەرمانڕەوایی کوڕو گالزۆی یەکەمی کاشی بییەن دلې دەشتەو لیتەیینە، هەر ئېڎییچ بې کە زەکوڕەی بەنامبانگەو شارو عەقەرقوفیش وەشکەرد.[1]